Mark 4:24 - Bible en langue guiziga

²⁴ Joˀ Yesu a ɓa taŋ ma: «Jam lesl avu ɓi kum macinakaŋ! Daram kum mawam di gwat na, a sa wu kum gwata ti nah ya, hã a sa vulukum a meˀe ma.

Mark 4:24 ပူးပေါင်းရင်းမြစ်များ

MIKUCUWULOY 19:27

Mangal ɗu, da ki sli himaˀ le ngi cine ngilawuyo na, naɓa i ngi bi paɗ avra avu ɓi ngi sine.

EZAYI 55:3

Jikoko slimiɗ, soko ng'avi ya, cinam, ɓa kisa ndiram ti siifa. I sa jumˀay ati kum wãˀ ngi sete. Gi mezle, ya miɓa ɗaˀ le da Davit na, y'anta sa pula teˀ ta.

ZEREMI 17:21

Bumbulvuŋ a ɓi ani: Jam lesl ngi jijira gwatay tapas hin ngi sabata, yo ngi cuh taŋ tir mizlingre Zeruzalemeye.

Matiye 7:2

Asi a sa gukum kiita kaɓa kum magam da mizli na ya, yo a sa wukum gwat ti daram kum mawam di gwat da mizli vuna ya.

Mark 9:7

Gazlavay a so sirta taŋ. Joˀ ˀaya cino paɗ a muŋ: «Mbur hana, i Mangal ɗu ya mawuɗaŋ haɗa, cinaka mingiɓi naŋ!»

Ɓimezle ngi Yesu Kristu LUK mitil di mi 8:18

Kum macinama, mbri mbri na, gam wer so. Asi mbur misi gwata, a sa vulakaŋ ava ma. Yo mbur manja gwata, gwat mineˀ ngi si haŋ naŋ, naŋ misi hiri taˀ ava vuna ma na, a sa tiɓakaŋ di.»

Ɓimezle ngi Yesu Kristu ZAŊ mitil di mi 10:16

Y'ada ti tumuŋ mekelemey ma, t'anta ar gezleŋ misenna ta. Taŋ kwana, sey yi so ti taŋ, a sa cinam ˀay ɗu, yo gezleŋ a sa tiri purla waɗ mijigin purla.

Ɓimezle ngi Yesu Kristu ZAŊ mitil di mi 10:27

Tumuŋ ɗuwoy a cinam ˀay ɗu. Yi si na taŋ le, yo a sipikiy.

Ɓimezle ngi Yesu Kristu ZAŊ mitil di mi 5:25

Gisiŋ gisiŋ, yi ɓukum na: Pas naŋ ara ndilawa, wurenna a ndilo le vuna si. Tapasa mumucahay a sa cinam ˀay ngi Mangal ngi Buymbulvuŋ, yo micin naŋhay gar na, a sa ndiram ti siifa.

SLRA 17:11

Yude ngi Bereheye, i mizli miteŋteŋhey fineˀ ngi Tesalonikeye, a tiɓaka ɓi ngi Buymisemuŋ ti mevel purla. Vur hin gar na, ara wunjilaka Ɓimutoho, ɓa a puraka ɓi Pol maɓa na, naŋ kanah gisiŋ kwana.

KORENTIHEY MUCUW NAŊ 9:6

Wulkaka ayɗi: mbur mazligi gwat neˀkini, a sa gi sifi ngi gwat neˀkini aya, yo mbur mazligi gwat haɗi na, a sa gi sifi ngi gwata haɗa ya.

HEBEREY 2:1

Vurˀe, da i wuɗam le ɓa i zizam ta na, sey i kam slimiɗ kuy kuy ar mingiɓi mikaslsla, ndra micinaka na far.

PIYER MUDUMBUŊ NAŊ 2:2

Ziri gazahay mawuɗam ɗuwa ndrehhe na, kumo kwana, wuɗam mingiɓi ngi Buymisemuŋ, ɗuwa mikaslsla na, ɓa ki gilam, ki laham ti naŋ.

ZAŊ MUDUMBUŊ NAŊ 4:1

Yeme ɗuwoy, ˀuf wanaka gar na, anja ki tiɓaka ta, amma puraka ɗagay, ɓa ki sinaka, da i ˀUf ngi Buymisemuŋ kwana. Asi mijiviɗ misi slirey a yam vu le haɗa asi ruwuyo.