Mark 4:15 - Bible en langue guiziga

¹⁵ Ciki jiviɗ i mizli misi Ɓi ngi Buymisemuŋ midiɗ anga. Taŋ micinaka ɓi le na, Satan a so kutum, a muɗa ɓi midiɗ a mevel taŋ tuwa.

Mark 4:15 ပူးပေါင်းရင်းမြစ်များ

ZLI VIRZI 19:14

Lot a bi, aru ng'avi jomo naŋhay mawuɗ a zuɓaka ziri naŋhaya, a ɓa taŋ: «Slikiɗam, bam tir walahay hana, asi Bumbulvuŋ a wuɗ a ziza walahaya.» Amma jomo naŋhay a puraka kaɓa a ɓi di i ɓi ngi singir.

EZAYI 53:1

Mingiɓi ndra micinaka na, mitiɓa asi ndra i waka? Bumbulvuŋ muso jina ndra na, misina i waka?

ZAKARI 3:1

Akẽh na, Bumbulvuŋ a bigiy Yesuwa, masay madiɗa, ɓa i puraŋ, naŋ deŋ a mbuŋ modro ngi Bumbulvuŋ. Satana kwana naŋ da deŋ a ciki naŋ akẽh tir vay hazum naŋ, ara kupaŋ ɓi.

Matiye 13:19

Da mbur ara cin ɓi ngi Zumabuy ngi muŋ, anta sla wala nah ta na, naɓa Satan a sawa, ava ɓi midiɗ a mevele tuwa. Hilfa gwat midiɗ a ciki jiviɗ na, i nah.

Matiye 22:5

Amma mizli naŋ muzulo taŋ tuwa a puraka ka ɓi ta wãˀ, a cohom gwaɗ taŋ: mbur numuŋ ng'ar guva naŋ, mekeleme nga gi terere naŋ.

Matiye 4:10

Joˀ Yesu a ɓaŋ: «Kirih kileŋ avu ya, Satan! Asi a tohoko na: «Ki sa putukul a mbuŋ Bumbulvuŋ Buymiseuŋ ɗik, yo kisa huruk huruk a mbuŋ naŋ pal naŋ tewle.»

Mark 4:14

Mizliɗa hilfa gwat na, a zliɗ di i Ɓi ngi Buymisemuŋ.

Mark 4:16

Naŋ kanah ma, mengeleleŋ mekelemey mindilam ar ɗugur na, i mizli micinaka Ɓi ngi Buymisemuŋ le, a tiɓaka kutum ti mumul.

Mark 4:4

Ti naŋ mazliɗa hilfa gwat ar guva tuwa na, mengeleleŋ mekelemey a ndilam a jiviɗi. Ɗiyuwoy a soko, a ndaka taŋ gar.

Ɓimezle ngi Yesu Kristu LUK mitil di mi 8:12

Mengeleleŋ midiɗ aciki jiviɗ na, i mizli macinam ɓi, dar Satan a sawa, a muɗa mingiɓi tuwa tir mevel taŋ, vur taŋ masa tiɓam, ɓa a laham.

SLRA 17:32

Taŋ micinaka, Pol miɓa ɓi ngi slikiɗ ti wuzla mumucahay na, mizli mekelemey a singiram angaŋ, numuŋhoy a ɓakaŋ: «Ki sa ɓa ndra ɓi hana duwul mekelem aruŋ.»

SLRA 5:3

Dar Piyer a ɓaŋ: «Ananiyas, Satan a tiɓa mevel ɗike wãˀ vur mike? Ki ga slir da ˀUf Mipala, joˀ ki ngic dala ngi guva ngac da ka.

KORENTIHEY MUCUW NAŊ 2:11

ɓa Satan a ga ndra gilaw ta. Asi i sinaka wuluk naŋ le kuy kuy.

TESALONIKEY MUCUW NAŊ 2:9

Misi moˀore nah masa so na, a sa so ti gidaŋ ngi Satan. A sa bugo vu ti gi gwat madiɗahay ti sukwi wal wal, cekenehey ati gwat migam ɗaˀ tahay ngi gi gilaw da mizli.

HEBEREY 12:16

Jam lesl, anja mbur a gi sulome ta, a gi lambaˀ ti gwat muvuku vu taŋ na ta, kaɓa Esaw, naŋ modogom na, a hiɗika gi modogom naŋ avra ti ɗaf sikiɗ purla.

HEBEREY 2:1

Vurˀe, da i wuɗam le ɓa i zizam ta na, sey i kam slimiɗ kuy kuy ar mingiɓi mikaslsla, ndra micinaka na far.

PIYER MUDUMBUŊ NAŊ 5:8

Jiginaka vu kumo, ki hinjam ta! Satan, mesene kum, ara mbiɗi gun hirnga kumo, ara tuwuy kaɓa mobor maru ti pura mbur ngi humbuɗu.

ƁIMUNJUYO 12:9

A hizigiɗoko ngoŋngoŋ madiɗa, kaw mivi misi zlezle tuwa avra, mazilam «Milyam,» yo «Satan» na, i naŋ, mitikina mizli ngi duniya kurzluˀ gar. A hizigiɗoko di nga ruwuy, jom ati modro naŋhaya.

ƁIMUNJUYO 20:10

Milyam, mitikin taŋ tuwa, a hizigaka ng'ar mubuliy ngi vu ati ngi baruudu, aciki gwat misããmi ati mijiviɗ misi slir tuwa. A sa sam bonoy duvuɗ ti papas hã ngiset ngi samadin.

ƁIMUNJUYO 20:7

Da vi durmuk a kiɗ mi le na, a sa pulaka Satana tir dangaya.