Mark 4:11 - Bible en langue guiziga

¹¹ Joˀ Yesu a ɓa taŋ: «Kumo, ɓi ngir Zumabuy ngi Buymisemuŋ, a bugukum di le. Amma avu mizli mekelemeye, sey a waka taŋ di weˀ ti wi.

Mark 4:11 ပူးပေါင်းရင်းမြစ်များ

Matiye 11:25

Ti di nah na, Yesu a zla a ɓi: «Aw Baha, Buy ngi muŋ ati hirwuy! I ra hunumuw, asi ɓi ka muɗumo avu mizli misi sinmijileŋhey ati misi lesley na, ki njika le da mizli mizleweye.

Matiye 13:16

«Amma kumo, mumulom, asi hiri kum ara pur, yo slimiɗ kum ara cin!

Matiye 16:17

Dar Yesu a mbiɗaŋ di: «Ki ra mumul, Simoŋ mangal ngi Zonas! Asi ɓi ka miɓa na, i mbur titra mubuguw di ta, amma i Baha misi a muŋ mubuguw di.

Mark 3:23

Dar Yesu a zilo taŋ, a wa taŋ ɓi weˀ ti wi, a ɓa taŋ na: «Satan a ɓula Satana gu mbri mbrike?

Mark 4:10

Ti Yesu mubuˀ baˀ pal naŋ na, mizli mugun hirnga naŋ ati mizli mukuruˀnga cuw ngi seˀeheye, a zlaka a cufuɗakaŋ ar ɓi naŋ mawa taŋ di ti wi na.

Mark 4:2

Joˀ a dubuna taŋ gwatay haɗi, a wa taŋ di weˀ ti wi. Yo naŋ madubuna taŋ gwat na, a ɓa taŋ:

Ɓimezle ngi Yesu Kristu LUK mitil di mi 8:10

Yesu a ɓi: «Ɓi muɗum vur Zumabuy ngi Buymisemuŋ na, a njukukum di le ɓa ki sinaka. Amma mizli mekelemeye, sey yi ɓa taŋ di weˀ ti wi, ɓa t'ada ngrimme ɓula, amma anta puraka ta, yo ɓa a cinam ti cin ɓula, amma anta slaka wala nah ta.

KORENTIHEY MUDUMBUŊ 4:7

Asi mitiri ti ka madiɗa ar mizli mekelemey na, i waka? Gwat ngi si haŋ ɗik gar na, i Buymisemuŋ muvuluw di ta kwa? Yo da a vulukuw le ma na, ki huhumo vu ɗik kaɓa a vulukuw di ti vul ta mbri mbri maka?

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.

EFESEY 1:9

Ɓi naŋ mufuna wuluk ngi mbur, naŋ mawuɗ, yo ɓi mezle naŋ mujuwa a mevele daf dumbuŋ zleˀe na, a biga ndra di le.

KOLOSOY 4:5

Ndiram ti lesl kuy kuy ar cifi kum a wuzla misikristuhoy ta na. Da kum mulumam haŋ le gar na, bigaka kum i mizli mezlehey.

TESALONIKEY MUDUMBUŊ NAŊ 4:12

ɓa mizli ngi vrahay a hĩyãka gwat ngi gi kumo, ɓa kisa vulam gir da mizli mekelemey ta.

TIMOTE MUDUMBUŊ NAŊ 3:7

Anja ma na, ko misikristuhoy ta kwana, a ngilam di wuy. Da kanah ta na, mizli a sa singiram angaŋ, joˀ Satan a sa jaŋ ti mazaɓ naŋ.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.