Mark 3:7 - Bible en langue guiziga

⁷ Yo Yesu a baˀam ati mizli ngi seˀeheye nga mi mubuliy, zigiduw haɗi ara sipakaŋ. A soko baɗ ti hirwuy Galile waɗ ti hirwuy Yude,

Mark 3:7 ပူးပေါင်းရင်းမြစ်များ

Matiye 10:23

Da ara ɓulukum tir walahay numuŋ na, kilam ng'ar walahay mekelem. Gisiŋ, yi ɓukum na: Mangal ngi mbur a sa so dumbuŋ ar kum masa zliraka walahay madiɗa ngi Israyele.

Matiye 12:15

Ti Yesu micina ɓi nah na, a cuh baɗ ti kẽh. Mizli haɗi a sipakaŋ, a mbulo taŋ cek.

Matiye 12:16

Amma Yesu a kuta taŋ haɗi ɓa a njikakaŋ ta,

Matiye 4:25

Zigiduw haɗi maram aseˀe, mizli musoko ti Galile, ti Dekapol, ti Zeruzalem, tir hirwuy Yude waɗ ngi dubazaw Zurdeŋhey.

Mark 1:39

Joˀ a bula hirwuy Galile gar, a dubun gwat da mizli ar hay ngi diradibiɗ taŋhay, yo a ɓul seteneheye ma.

Mark 1:45

Amma ti naŋ mucuh na, a zla til di mi ti gidaŋ, a waha ɓi nah ar li gar, hã Yesu a ci bidas ng'ar walahaya gu mata, amma a cifi ti vra ti vra ti ɓuhoy. Dar mizli a soko ng'ava ti ka ti ka gar.

Mark 3:20

Yo Yesu a mi ngi haya a muŋ, zigiduw haɗi a kus le si ma, hã Yesu ati mizli ngi seˀehey a lumam haŋ ngi zuma gwata gu ta.

Mark 4:1

Yesu ara dubuna gwat da mizli a mi yam madiɗa tuwa ma ni. Zigiduw haɗi a kus ng'avaŋ. Taŋ haɗi, hã a ci palalam misi angi yama, a cifi anga. Mizli kwana, taŋ hirkim a ˀaydidike, hiri pulaˀ pulaˀ nga mi yama.

Ɓimezle ngi Yesu Kristu LUK mitil di mi 23:5

Amma a hurdumom di, a ɓam: «A ra pa mi da mizli ti gwat naŋ madubuna taŋ di na, a zla zle angi hirwuy Galile, hã angi hirwuy Yude kurzluˀ gar, sesẽŋ aka.»

Ɓimezle ngi Yesu Kristu LUK mitil di mi 6:12

Ngi pas mekelem ada na, Yesu a jiɗ nga dira dibiɗ a muwã. A hin kap ar li tumbulo Buymisemuŋ.

Ɓimezle ngi Yesu Kristu LUK mitil di mi 6:17

Yesu a po sar baɗ ti muwã ati mislin naŋhaya, a cici ar li micay ati mizli ngi seˀehey haɗi waɗ zigiduw ngi hirwuy Yude gar, ngi Zeruzalem ati ngi ˀayzaw Tir ati ngi ˀayzaw Sidoŋ.

Ɓimezle ngi Yesu Kristu ZAŊ mitil di mi 7:41

Numuŋhoy a ɓam: «I Mesi!» Amma mekelemey a ɓam ma na: «Mesi a so baɗ ti Galile kwa?

Ɓimezle ngi Yesu Kristu ZAŊ mitil di mi 7:52

A mbiɗakaŋ di: «Ka vuna, ki mbur Galile ya kwa? Wunjula ɓimutoho ɓa ki puraŋ, ko mijiviɗ masa bo ti Galile anta.»

SLRA 17:10

Duvuɗ miji si na, mitiɓihey a slinam ti Pol ati Silasa kutum nga Bere. Ti taŋ mindilam a diga na, a ram ng'ar hay ngi diradibiɗ ngi Yudehey.

SLRA 17:14

Angi nah na, mitiɓihey a murom mata, a ki saka Polo nga mi mubuliy, amma Silas ati Timote a ndiram a diga.

ZOZUWE 20:7

Walahay Israyeley muwunaka taŋ na, t'ani: i Kades ngi Galile, angi hirwuy muwã Neftali, Sikem, angi hirwuy muwã Efrayim, waɗ Kiriyat-Arba, a zilaka Hebroŋ ma, angi hirwuy muwã Zuda.

ZOZUWE 21:32

Angi hirwuy ngi Neftali, walahayay ani muvulaka taŋ di, da mbur mikiɗ hirnga le na, ɓa ara ɗum a diga: i walahay Kedes angi hirwuy Galile, Ramot-Dor ati Kartaŋ, jom ti pala ngi jigina ginew taŋhaya wãˀ wãˀ ma.