Mark 3:5 - Bible en langue guiziga

⁵ Yesu a bula hiri ar taŋ bal bal ti mevel. Hirnga taŋ migidaŋ na, ɓi nah a giraŋ le haɗi. Dar a ɓa mbur tuwa ma: «Murɗo haŋ!» Mbur a murɗo haŋ muruɗ, joˀ haŋ a ɗiyi.

Mark 3:5 ပူးပေါင်းရင်းမြစ်များ

ZLI VIRZI 6:6

Bumbulvuŋ a lik haɗa ar naŋ miga mbur na, ɓi naŋ a giraŋ haɗa a mevele.

BUYOY MUDUMBUŊ NAŊ 13:6

Ar nah na, buy a ɓa mijiviɗ ngi Bumbulvuŋ tuwa: «Ambuh takwa, tumbulo Bumbulvuŋ, Buymisemuŋ ɗik na, ɓa a muca mevele, ɓa a ɗiyiy haŋ ɗu na a muŋ.» Mijiviɗ ngi Bumbulvuŋ, a tumbulo Bumbulvuŋ ɓa a muca mevele, joˀ haŋ ngi buy a ɗiyi nga naŋ nga naŋ a muŋ.

NEHEMI 13:8

Ɓi nah a jiy mevel haɗa teˀe. Gwat ngi Tobiyahay misi a viŋ gar na, yi zliɗo taŋ ng'avra.

DIMISEY 95:10

Dideˀ kum tayna, angi vi mizli ngir mufaɗa, kay, a gikiy di i gwat mundum a mevele ta wãˀ, joˀ yi ɓi na: «Mizli tayna, lesl taŋ a hiryi le, a sinaka sipi jiviɗ ɗu ta.»

Matiye 12:13

Dar Yesu a ɓa mbur tuwa: «Murɗo haŋ.» Mbur a murɗo haŋ, a ɗiyi le kuy kuy kaɓa vay numuŋ ma.

Mark 3:4

Dar a ɓa mizli mapuram hiri tuwa: «Ɓi ndra a pul jiviɗ ngi gi mi tapas sabata ka? Ngi gimezle kwa, malla ngi gi malambaˀ kwa? Ngi laha hutuŋ ngi mbur kwa, malla ngi zizaŋ kwa?» Amma mizli a roko teteˀ teteˀe.

Ɓimezle ngi Yesu Kristu LUK mitil di mi 13:15

Buy Yesu a mbiɗaŋ di: «Kum miɓi mi cuw cuwoy, ko wa gar a wuzla kumo, a pula sla naŋ malla zungu naŋ tir li zumo, ɓa ara vulaŋ yam ti hin ngi sabata takwa?

Ɓimezle ngi Yesu Kristu LUK mitil di mi 17:14

Yesu mupura taŋ na, a ɓa taŋ: «A ra bigaka vu kumo da masayay.» Ti taŋ maram ti ru aruŋ si na, a ɗiyam le.

Ɓimezle ngi Yesu Kristu LUK mitil di mi 6:10

Joˀ Yesu a bula hiri bal bal ar taŋ gar, a ɓa mbur tuwa: «Murɗo haŋ!» Mbur tuwa a murɗoŋ, joˀ haŋ naŋ a ɗiyi kuy kuy.

Ɓimezle ngi Yesu Kristu ZAŊ mitil di mi 9:7

Dar a ɓaŋ: «Aru, ara buna hiri ar futuŋ mazilaka Silowe.» A mbiɗeˀvra: Mislin. Dangar aru ng'ara, a buna hiri. Ti naŋ mamo na, ara pur kweŋ kweŋ muduba.

ROMAHAY 11:25

Sukum ɗuwoy, ɓi mikaslsla muɗum zleˀe ani, ya mawuɗ i bugukum di ɓa ki sinakaŋ, vur kum masa puraka vu kum kaɓa i misi sinmijileŋhey. Mizli mekelemey cah a wuzla Israyeleye, hirnga taŋ gidaŋ, amma a zik hã da Buymisemuŋ milaha sukwi ngi mizli mekelemeye le gar.

KORENTIHEY MUCUW NAŊ 3:14

Amma lesl taŋ anta sla wala ngi ɓi gu ta, hã dana aruŋ, da ara slufaka Jumoˀay Magala na, gwat misirta lesl taŋ tuwa na, naŋ da aruŋ. Asi a susuyum na, sey avu mbur mujom ati Kristu.

EFESEY 4:18

Lesl taŋ, naŋ angi luvuŋ, yo siifa Buymisemuŋ mavula na, taŋ a lumam neˀ ta, vur a sinam gwat ta wãˀ, hirnga taŋ gidaŋ.

EFESEY 4:26

Da ki jam mevel le na, anja ki gam mungra ta. Anja ki vam hiipas ti ji mevele, hã pas a diɗ di ta.

EFESEY 4:30

Buymisemuŋ a ɗuvukum ˀUf naŋ le avu dumvu kumo ka lammba, ndra masinaka hin a sa ndilawa, Buymisemuŋ a sa laha ndra wãˀ na, ava. Anja ki gakaŋ gwat ngi ndurɓo hiri ta.

HEBEREY 3:10

angi vi kukur mufaɗ na le ngbaŋ. Vurˀe, yi slikiɗ himaˀ ar mizli tayna, dar i ɓi: A ra zizam ndrehhe ar wuluk ngir mevel taŋ. Mizli tayna, a lumaka jiviɗ ɗu ta.

HEBEREY 3:17

Yo angi vi kukur mufaɗ, Buymisemuŋ mislikiɗ himaˀ vuna ar waniyka? Ar mizli migam mungra, mindilam, mumucahay ɓaˀ ɓaˀ a wuzlaɓuh mikirɗak kirɗak na ta kwa?

HEBEREY 5:9

Naŋ mitiri manja hereweɗ so na, mizli macinakaŋ mi gar na, a tiri le i buy milih taŋ hã ngi sete.

ƁIMUNJUYO 6:16

Joˀ a ɓaka muwãhay ati gidigil muwãhaya: «Mbuzloko ng'ar ndra, ɗumom ndra kileŋ a mihiri ngi mbur muangi janga naŋ ngi buy na, yo kileŋ avu himaˀ ngi tumuŋ na.

MIGI KIITAHAY 10:16

Dar a kursaka kulihey misi zleˀe avu taŋ na, a huruk hurukam a mbuŋ Bumbulvuŋ muduba. Na Bumbulvuŋ a ɓusa bonoy Israyeley masaka na gu ta.

SAMUYEL MUDUMBUŊ NAŊ 20:34

Ar hin mucuw naŋ ngi kiya nah na, Zonataŋ a ji mevel, a slikiɗ tir li zuma ɗafa, a zum ɗaf ngi muguzlumo mata, asi ara lika Davite, vur cine a zaŋ le.