Mark 3:27 - Bible en langue guiziga

²⁷ «Amma a hay mbur migidaŋ, mbur anta ci ɓa ava gwat naŋhaya gu ta, sey da a juwaŋ le kaˀ kaˀ dumbuŋ ɗagay far, naɓa a sa ci ng'ava gwat naŋhaya ɓula.

Mark 3:27 ပူးပေါင်းရင်းမြစ်များ

ZLI VIRZI 3:15

I sa ga, ɓa ka ati ngwasa, ki gam mesene, ɓa dideˀ naŋhay ati dideˀ ɗikey a gam mesene. Naŋ a sa njirsluw hirnga, yo ka kwana, kisa humbuɗaŋ avu duɓuk sar.

EZAYI 27:1

Ti hin nah na, Bumbulvuŋ, maslalam naŋ mitataɓ tataɓ, madiɗa, migidaŋ na, a sa cici di zlak ng'ar Leviyataŋ, kaw masumuɗu, ng'ar Leviyataŋ, kaw micirmisl cirmisl na. A sa kiɗa ngoŋngoŋ ngir mubibliye vagay.

EZAYI 53:12

Vurˀe, i sa cufaŋ a wuzla mizli madiɗahay, yo gwat muluma ngir vurumo, a sa lum mi nga naŋ, a wuzla mizli migidaŋhay. Asi i naŋ ti haŋ naŋ tehhe a muŋ muvula hirnga naŋ, hã a mucu, yo a pula vu naŋ, a slufakaŋ a wuzla migi mungrahay, asi mike na, a zuɓa malambaˀ ngi zigiduwo le nga hirnga naŋ, yo a cik vu le ar migi mungraˀahaya.»

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

Matiye 12:29

Yo ma na, mbur migidaŋ na, mbur a ci ngi haya, a hulo zlili naŋ gu ta, sey da a juwaŋ le dumbuŋ far. Dar a sa huloŋ gwatay a haya gar.

Ɓimezle ngi Yesu Kristu ZAŊ mitil di mi 12:31

Wurenna, i pas ngi gi kiita da duniya hana. Wurenna, yarma ngi duniya hana, a sa ɓulaka avra.

ROMAHAY 16:20

Buymisemuŋ mavul zuyo, a sa njirsla Satana asi sar kumo gweˀe. Anja gimezle ngi Buy ndra Yesu a ndir ati kum.

KOLOSOY 2:15

Buymisemuŋ a cuko gidaŋ ati buy ngi gwat migidaŋhay mazumam buy ar wala ngi muŋ ati hirwuyo le, a pa taŋ mesem a mbuŋ mizli gar. A pa taŋ le sek a mbuŋ naŋ, aru ti taŋ nga wuzla mizli, Mangal naŋ mitika taŋ ˀay le.

HEBEREY 2:14

Ani so na, ziri, kaɓa Yesu mazila taŋ vuna na, taŋ ti dumvu ati pumbusu. Naŋ vuna kanah ya, naŋ ti kpak ngi vu, rak rak ka taŋ vuna ya. Vurˀe, a muc na, ɓa ngi ziza mbur misi gidaŋ ngi muc asi haŋ naŋ na, mbiɗeˀvra milyam,

ZAŊ MUDUMBUŊ NAŊ 3:8

Mbur magi mungra na, i mbur ngi milyam, asi zle angi zli virzi naŋ na, milyam i migi mungra. Mangal ngi Buymisemuŋ mubugo vu na, ɓa ngi hirya slra ngi maliyam avra.

ZAŊ MUDUMBUŊ NAŊ 4:4

Kumo so na, ziri ɗuwoy, kum i mizli ngi Buymisemuŋhoy, ki paka hirnga le da mijiviɗ misi slir tayna, asi ˀUf misi a hur kumo, naŋ gidaŋ haɗa fineˀ misi ar duniya.