Mark 2:8 - Bible en langue guiziga

⁸ Angi nah na si na, Yesu a si na taŋ mawulkam a mevel taŋ kanah na le, dar a ɓa taŋ: «Ki wulkam kanah a mevel kumo vur mike?

Mark 2:8 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 29:17

Buymisemuŋ ɗu, i si na le, ki jiɗa mevel ngi mburo, yo ki hĩyã gi gwat mijeŋŋe. Gwat ya muvula taŋ gar na, i ngi mongoy ɗu, yo ti mevel mezleŋ. Wurenna, i pura sukwi ɗik mise aka na, a vul di gwat ngi mongoy naŋ, ti mumul aseˀe ya.

DIMISEY 139:2

Ya macifi, yo ya maslikiɗ gar na, ki si na le, ki si na wuluk ɗu le daf dumbuŋ zlezle si.

MIKUCUWULOY 15:26

Wuluk mikaslsla ta na, a ga Bumbulvuŋ kuy ta wãˀ, amma mingiɓi mezle na, i ɓi mubuna le ndar.

MIKUCUWULOY 24:9

Wuluk ngi mbur gilawa, i gi mungra tewle, yo wuluk ngi hirsa vu, i gwat mukuyta wãˀ avu mizli.

EZAYI 55:7

Anja mbur misi moˀore, a pula gi moˀore naŋ, yo mbur migi malambaˀa, a pula wuluk naŋ malambaˀa. Anja mizli tayna a mam ng'avu Bumbulvuŋ, ɓa a pura taŋ ircece, a mam ng'avu Buymisemuŋ ndra, mapul mungra haɗa na.

EZEKIYEL 38:10

Ya Bumbulvuŋ, Buymisemuŋ i ɓi na: Tapasa, kisa wuluk slra ngi gi ngi gihey haɗa a mevel ɗike, joˀ kisa kiluwo slra masukum ti ɓi malambaˀ.

Matiye 12:15

Ti Yesu micina ɓi nah na, a cuh baɗ ti kẽh. Mizli haɗi a sipakaŋ, a mbulo taŋ cek.

Matiye 16:7

Mizli ngi seˀehey a wulkam a mevel taŋ, a ɓam: «Asi ndra musoko ti ɗaf a haŋ ta na.»

Matiye 9:4

Yesu a si na wuluk taŋ le, a ɓa taŋ: «Ki wulkam lambaˀ kahana a mevel kumo vur mike?

Mark 2:7

«Mbur hana a ɓi kahana vur mike? A ra za Buymisemuŋ! Mapuya mungra ngi mburo gu i waka? Sey Buymisemuŋ pal naŋ ta kwa?»

Mark 2:9

Da mbur a ɓa mbur muhulɓa tuwa: ‹Mungra ɗikey a puyam le,› malla: ‹Slikiɗ, zuɓa cacala ɗik, aru na,› mutuwaˀ ta asi taŋ, i wanaka?

Mark 7:21

Asi mike na, wuluk malambaˀa, a bo zle a hur mbur, zle a mevele, a hizigiɗaŋ ɓa a gi biyãˀbiyãˀ, a hul, a kiɗ hirnga,

Ɓimezle ngi Yesu Kristu LUK mitil di mi 24:38

Amma Yesu a ɓa taŋ: «Lesl kumo welele vur mike, yo ki wulkam cuw cuw vur mike?

Ɓimezle ngi Yesu Kristu LUK mitil di mi 5:22

Amma Yesu a si na wuluk taŋ le, a mbiɗa taŋ di: «Ki wulkam kanah a mevel kumo vur mike?

Ɓimezle ngi Yesu Kristu LUK mitil di mi 6:8

Amma naŋ a si na wuluk taŋ le, a ɓa mbur misi haŋ mumuca tuwa: «Slikiɗ, cici deŋ a wuzla.» Mbur tuwa a slikiɗ, a cici deŋ.

Ɓimezle ngi Yesu Kristu ZAŊ mitil di mi 21:17

A ɓaŋ sar mimakir naŋ ma: «Simoŋ, mangal ngi Zaŋ, k'ada wuɗiy kwa?» Yesu miɓa Piyere sar mimakir naŋ: «Kˀada wuɗiy kwa?» na, a gaŋ kuy ta, a slaŋ di, a ɓaŋ: «Buy, ki si na gwataya le gar, ki si na le, i ra wuɗuw ngbaŋ!» Joˀ Yesu a ɓaŋ: «Jigina tumuŋ ɗuwoy.

Ɓimezle ngi Yesu Kristu ZAŊ mitil di mi 6:64

Amma mekelemey ada a wuzla kumo, anta tiɓam ta.» Vur mizli matiɓam ta ati mbur masa vulaŋ ɓa a jakaŋ na, Yesu a si na taŋ le zle dumbuŋ si.

SLRA 5:3

Dar Piyer a ɓaŋ: «Ananiyas, Satan a tiɓa mevel ɗike wãˀ vur mike? Ki ga slir da ˀUf Mipala, joˀ ki ngic dala ngi guva ngac da ka.

SLRA 8:22

Zil marava, pula malambaˀ ɗik na, yo tumbulo Bumbulvuŋ. Asinta, a sa puyuw wuluk muso kahana a mevel ɗik na kwani.

HEBEREY 4:13

Ko gwat pal maɗum a mihiri ngi Buymisemuŋ gu, anta. Gwatay, naŋ miga taŋ gar na, taŋ ngurɗaɗ, cikislaɓ a mihiri naŋ. Gwat ndra migaka gar na, i sa slufaka da Buymisemuŋ cummo.

ƁIMUNJUYO 2:23

I sa kiɗa zir naŋhaya vagay vagay, ɓa kahana na, cikil ngi misikristuhoy gar a sa sinaka, ya, yi misina wuluk ngi mizli ati gwat taŋ mawuɗam a mevel taŋ. Yo ko wa gar a wuzla kumo, yi sa vulaŋ migir naŋ weˀe avu slra naŋ.