Mark 2:20 - Bible en langue guiziga

²⁰ Amma hin a sa ndilawa, a sa zuɓaka zil ngi ngwasa ti wuzla taŋ, dar a sa gam dalyam tapasa so.

Mark 2:20 ပူးပေါင်းရင်းမြစ်များ

DIMISEY 45:11

Zuŋ ɗu, cin, pur hiri, yo jika slimiɗe: puyuk hirnga ti muy ɗikey ati mizli ngi hay kumoyo.

DIMIS MIMEZLE 3:11

Kayya, kum diili ngir walahay hirnga, soko, singilaka buy Salomoŋ, muro hirnga tuwaɗ tuwaɗ ti loppol, mumuŋ mutuwuɗaŋ di, tapas naŋ mazuɓ ngwasa, tapas naŋ mumumul na.

EZAYI 54:5

Asi mbur migi ɗike, zil ɗik i naŋ: slimiɗ naŋ, Bumbulvuŋ, misi gidaŋ wãˀ. Buymisemuŋ mipal ngi Israyele, mimbiɗi hirnga ɗik i naŋ. A zilaka ‹Buymisemuŋ ngi ruwuy keɗeɗe›.

EZAYI 62:5

Naŋ kine, ziri ɗikey a sa zuɓukuw ngi ngwas, kaɓa mangal gawla mazuɓa meketeŋ naŋ. Yo Buymisemuŋ ɗik a sa mumul vur ka, kaɓa mangal gawla mamumul vur meketeŋ naŋ.

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

Matiye 26:31

Akẽh na, Yesu a ɓa mizli ngi seˀeheye: «Angi duvuɗ dana vuna si, kum gar, kisa pulikiy. Asi mike na, Ɓimutoho a ɓi: «I sa kiɗa mijigine, tumuŋ ngir gezleŋhey a sa zliɗam hirnga.»

Matiye 9:15

Yesu a ɓa taŋ: «Mizli miziloko taŋ le ng'ar li vula ngwasa, da zil ngi ngwasa, naŋ da a wuzla taŋ na, a hiɗam hiri ka mizli ngir li vagayay ma kwa? Amma hin a sa ndilawa, a sa muɗaka zil ngi ngwasa ti wuzla taŋ, a sa gam dalyama ti hin nah ɓula.

Mark 2:19

Yesu a ɓa taŋ: «Mizli mizilaka taŋ le ng'ar li vula ngwasa, da mbur mavulakaŋ ngwasa, naŋ da a wuzla taŋ na, a gam dalyama gu kwa? Da mbur muzuɓa ngwasa naŋ da ati taŋ aruŋ na, a gam dalyama gu ta.

Mark 2:21

«Mbur anta ɗuva zana magala ti gabaga nawaya ta. Asi gabaga nawaya a sa muroho zana magala, a sa ngira nga mbuŋ ava ma.

Ɓimezle ngi Yesu Kristu LUK mitil di mi 17:22

Dar a ɓa mizli ngi seˀeheye: «Hin a sa ndilawa, kisa wuɗam pura hin pal a wuzla hin ngi Mangal ngi mburo, amma kum anta sa puraka ta.

Ɓimezle ngi Yesu Kristu LUK mitil di mi 5:35

Amma hin naŋ a sa ndilawa, a sa zuɓaka zile tir wala taŋ, dar a sa gam dalyama tapasa so.»

Ɓimezle ngi Yesu Kristu ZAŊ mitil di mi 12:8

Misi murgahaya, kum ada ati taŋ ndrehhe, amma ya, y'anta ati kumo ndrehhe ta.»

Ɓimezle ngi Yesu Kristu ZAŊ mitil di mi 13:33

Ziri ɗuwoy, y'anta zik ati kumo haɗa mata. Ki sa ram ti sipikiy, amma ɓi ya miɓa da Yudehey na, wurenna yi ɓukum di da kum aya muduba: ‹Li ya maru ng'ara na, kum anta ram gu ta.›

Ɓimezle ngi Yesu Kristu ZAŊ mitil di mi 16:28

Yi bo ti vu Baha, i so le ar duniya. Wurenna i ra pula duniya, i ra ru le ng'avi Baha.»

Ɓimezle ngi Yesu Kristu ZAŊ mitil di mi 16:7

Ani wurenna, i ra ɓukum ɓi mikaslsla wãˀ: ya macuh le na, i jiŋ kum. Naŋ kine, da yi cuh ta na, naɓa Mijiniˀis kumo, naŋ anta sa so ng'avu kumo ta. Amma da yi cuh le jak na, i sa slinukum di.

Ɓimezle ngi Yesu Kristu ZAŊ mitil di mi 17:11

Zle dana, y'anta ar duniya mata, taŋ a ndiram ar duniya ɓula, amma ya i ra ru ng'avi ka. Baha mipal, jigina taŋ ti gidaŋ ngi slimiɗ ɗik ka miciy di na, ɓa a tiram purla kaɓa ndra mupurla ati ka na ya.

Ɓimezle ngi Yesu Kristu ZAŊ mitil di mi 17:13

Wurenna, i ra ru ng'avi ka. Ya maɓa ɓi hana na, ti ya misi ar duniya aruŋ, ɓa a lumaka mumul ɗu wãˀ a mevel taŋ.

Ɓimezle ngi Yesu Kristu ZAŊ mitil di mi 3:29

Zil ngi ngwasa, i mbur maɗuvaŋ. Amma ngama ngi zile a cici deŋ, a cin ti cin. ˀAy ngi zil maɓi, a gaŋ mumul haɗa. Ya i mumul kanah ya, a ndila le wãˀ.

SLRA 1:9

A dirba mingiɓi hana na, a cuh nga muŋ, taŋ ara purakaŋ. Gazlavay a sirta sirit a mihiri taŋ.

SLRA 14:23

Ar Cikil ngi misikristuhoy gar na, a cam mizli madiɗahay, a diram dibiɗ jom ti gi dalyam, a pulaka taŋ asi haŋ ngi Buymisemuŋ, taŋ mitiɓakaŋ na.

SLRA 3:21

Sey Yesu Kristu a cifi a muŋ a diga ɗagay, hã a ndila pas ngi Buymisemuŋ masa ɗiya hiri ngi gwataya gar nawayahay, kaɓa naŋ miɓa ɓi naŋ zleˀe ti balam mijiviɗ naŋhay mipal.

KORENTIHEY MUDUMBUŊ 7:5

Ki zlikam vu ar wala kumo ta, sey da kum mujumom ˀay le ngi pas neˀ, ɓa ngi diradibiɗ far. A dirba nah, jumom a muŋ. Da kanah ta na, naɓa hĩhĩy kum, kum majaka vu kum gu ta na, a pula jiviɗ da Satana ɓa a tikinukum.

KORENTIHEY MUCUW NAŊ 11:2

I ra wuɗukum suloŋ suloŋ haɗi, yo wuɗavu musuloŋ suloŋ nah a so tivu Buymisemuŋ. Kum kaɓa diili mungbuˀo kine, ya mitikukum da zil purla, i Kristu.

KORENTIHEY MUCUW NAŊ 11:27

I gi slra mutuwaˀ tuwaˀhay le, yo i gir le kupuyah wãˀa. I lum haŋ ngi hinje ta is mbeˀ mbeˀe. May a jiy le, yo yam a giy le. I gi dalyam le is mbeˀ mbeˀe, himiɗ a giy bonoy le, zana ngi ki a kiciy le.

KORENTIHEY MUCUW NAŊ 6:5

Mizli a kiɗam ndra, a cam ndra ar dangay, a slikiɗam ɓi ar ndra. I giram kupuyah kupuyah ti slra, i hinjam ta, yo may ara sla ndra zlambar.

ƁIMUNJUYO 19:7

Mumulukum, zluzluɓukum, i gakaŋ dudoko! Asi hin ngi vula ngwas ngi tumuŋ a ndilo le. Ngwas naŋ a juw vu le.

ƁIMUNJUYO 21:9

Modro mitarnaˀhay misi kaw kaw ti sikiɗ mipeɗepeɗe peɗepeɗe ti bonoy ngi dirbahay tarnaˀ tuwa, pal ngi si taŋ a sawa, a ɓiy na: «Sawa, i sa buguw meketeŋ ngi tumuŋ na.»