Mark 2:17 - Bible en langue guiziga

¹⁷ Yesu micina mingiɓi taŋ na, a ɓa taŋ: «Mizli miwirwireye, t'anta ti may ngi doftoro ta, sey misi jijihey. Yi so ngi zila mizli mijeŋŋehey ta, amma migi mungrahay.

Mark 2:17 ပူးပေါင်းရင်းမြစ်များ

EZAYI 1:18

Ya Bumbulvuŋ i ɓi: «Soko i kiɗam slir. Da mungra kumoy taŋ cihhe na, a sa pusluɗam ndazl ndazl kaɓa yam. Da taŋ ndez ndez wãˀ na, a sa tiram kaɓa ngwic ngi tumuŋ babaraŋ.

EZAYI 55:7

Anja mbur misi moˀore, a pula gi moˀore naŋ, yo mbur migi malambaˀa, a pula wuluk naŋ malambaˀa. Anja mizli tayna a mam ng'avu Bumbulvuŋ, ɓa a pura taŋ ircece, a mam ng'avu Buymisemuŋ ndra, mapul mungra haɗa na.

ZEREMI 17:9

Mevel ngi mburo, a tikin vu fineˀ ko mike gar, naŋ anta ɗiyi ta, mbur masla wala naŋ gu anta.

Matiye 18:10

«Jam lesl, mbur purla a wuzla mizli mizlew hanayna, anja ki puraka hiris le ta. Vurˀe, yi ɓukum na: modro mijigin taŋhay a roko dedeŋ ndrehhe a mbuŋ Cine ɗu misi a muŋ.

Ɓimezle ngi Yesu Kristu LUK mitil di mi 15:10

Naŋ kine ya, yi ɓukum na: Da mbur migi mungra purla mimbiɗi le ng'avu Buymisemuŋ na, modro ngi Buymisemuŋhoy a mumulom haɗa.»

Ɓimezle ngi Yesu Kristu LUK mitil di mi 15:29

Amma a mbiɗa da cine: ‹Pura, a gi le wurenna vi mbeˀ mbeˀ, i ra guw slra, ɓi ka miɓiy di le gar, ɓa yi ga ta na anta. Amma ko zuŋ ˀaw tekeɗe, ki vuliy ɗaˀ ɓa i humbuɗaka ati ngama ɗuwoyo ta wãˀ.

Ɓimezle ngi Yesu Kristu LUK mitil di mi 15:7

Naŋ kine ya, i ɓukum na: Da mbur migi mungra purla mimbiɗi le ng'avu Buymisemuŋ na, mumul a sa gi haɗi a muŋ vurˀe, fineˀ mizli mizli ngir ngoltir nga ngoltir mezlehey misi ti may ngi mbiɗi mevel ti mbiɗi ta na.

Ɓimezle ngi Yesu Kristu LUK mitil di mi 16:15

Yesu a ɓa taŋ: «Ki gaka vu kum a mbuŋ mizli ka kum jeŋŋe, amma Buymisemuŋ a si na mevel kumo le. Gwat mizli mapuraka, i gwat hirnga na, avu Buymisemuŋ, i gwat mukuy ta wãˀa.

Ɓimezle ngi Yesu Kristu LUK mitil di mi 19:10

Asi mike na, Mangal ngi mbur a so ngi sipa mizli mizizahay, ɓa a laha taŋ.»

Ɓimezle ngi Yesu Kristu ZAŊ mitil di mi 9:34

A mbiɗakaŋ di: «Ka guzluv ar mungra zle ti taŋ muyukuw caka, ɓa ki so dubuna ndra gwat mbri mbrike?» Dar a ɓulaka tir hay ngi dira dibiɗe ng'avra.

Ɓimezle ngi Yesu Kristu ZAŊ mitil di mi 9:40

Farisahay misi ati naŋ micinaka mingiɓi nah na, a ɓakaŋ: «Gwat asinta, ndra kwana, ndr'i muhulufohoyo ya kwa mbrike?»

SLRA 20:21

Tila mi ɗu i ngi zila Yudehey ati Grekey, ɓa a mbiɗam ng'avu Buymisemuŋ, yo ɓa a tiɓaka Buy ndra Yesu.

SLRA 26:20

Yi zla i til di mi dumbuŋ jak ma na, da mizli ngi Damasay, da ngi Zerusalemey, da mizli ngi hirwuy Yude gar waɗ da sukwi ngi mizli mekelemeye ma. Yi tila taŋ mi, yi ɓa taŋ ɓa a mbiɗam mevel, a mbuɗoko ng'avu Buymisemuŋ, yo ɓa a gam gwat mabiga a mbiɗaka mevele le gisiŋ.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.