Mark 16:19 - Bible en langue guiziga

¹⁹ A dirba Buy Yesu miɓa taŋ kahana na, a zuɓakaŋ nga muŋ, ara cifi tir vay hazum ngi Buymisemuŋ.

Mark 16:19 ပူးပေါင်းရင်းမြစ်များ

PIYER MUDUMBUŊ NAŊ 3:22

Yesu Kristu muru nga muŋ, naŋ mujoˀ tir vay hazum ngi Buymisemuŋ na, ara zum buy ar modrohoy, yo ar gwat madiɗahay waɗ ar gwat misi gidaŋ ngi muŋhoy gar.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

ROMAHAY 8:34

Mbur maga taŋ kiita gu, i waka? Anta wãˀ! Asi Yesu Kristu a muc le, yo mukuy wãˀ ma na, a slikiɗ le, naŋ da tir vay hazum ngi Buymisemuŋ, ara dir dibiɗ ar deɗe ndra.

DIMISEY 110:1

Dimis ngi wuzla dimis ngi Davitey. Bumbulvuŋ, Buymisemuŋ a ɓa buy madiɗa ɗu ani: «Cifi joˀ tir vay hazum ɗu, ɓa mesene ɗikeye, i tiri taŋ li ɗuva sar ɗiki.»

SLRA 2:33

Buymisemuŋ a ga Yesu le ɗongor tir vay hazum naŋ. ˀUf naŋ Mipal, naŋ miɓa ɓi naŋ ɗaˀ le tuwa, a lumo di le tivi Cine, naŋ kwana a slino di le nga hirnga ndra. Kum mapuraka ati kum macinaka wurenna na, i nah.

HEBEREY 8:1

Gwat mupuɗaw haɗa angi ɓi ndra muboko di na, anihĩ: ndr'ada ti masay madiɗa a mbuŋ Buymisemuŋ ka ndra mawuɗama. N'ada joˀ tir vay hazum ngi Buymisemuŋ Mimadiɗa misi ar janga naŋ a muŋ.

KOLOSOY 3:1

Ki slikiɗam le jom ati Kristu tir muco, da kine na, sipam gwat ngi muŋhoy, ar li Kristu mujoˀ tir vay hazum ngi Buymisemuŋ.

Ɓimezle ngi Yesu Kristu ZAŊ mitil di mi 20:17

Yesu a ɓaŋ: «Ki tikiy ta, asi yi ru ng'avi Baha t'aruŋ. Amma ka, ara luuma sukum ɗuwoyo, ɓa taŋ na: i ra ru le ng'avi Baha, Cine kum, ng'avu Buymisemuŋ ɗu, Buymisemuŋ kum.»

HEBEREY 6:20

Yesu a ci le vur ndra ar li nah dumbuŋ ar ndra si, a ci ngi wãˀ hã ngi sete, asi a tiri masay madiɗa a mbuŋ Buymisemuŋ le kaɓa Melkisedek.»

TIMOTE MUDUMBUŊ NAŊ 3:16

Gisiŋ, ɓi mufuna wuluk ngi mbur, ndra masipaka na, i ɓi madiɗa! Yesu Kristu a bugo vu ti dumvu ngi mbur, ˀUf Mipal a biga le, naŋ jeŋŋe, modro ngi Bumbulvuŋhoy a purakaŋ le keɗ keɗe, a tilam di mi le a wuzla sukwi ngi mizli, duniya keɗeɗe a tiɓakaŋ le, yo a zuɓaka le nga luuma dudok a muŋ.

Ɓimezle ngi Yesu Kristu ZAŊ mitil di mi 6:62

Ani da kisa puraka Mangal ngi mburo le, ara jiɗ ng'ar li naŋ misi anga zleˀe na mbrike?

Ɓimezle ngi Yesu Kristu LUK mitil di mi 9:51

Pas ngi zuɓa Yesu tir duniya ara ndilawa, Yesu a tus mevel ngi ru nga Zeruzalem.

HEBEREY 9:24

Vur mike na, hay ngi Bumbulvuŋ, Kristu mici anga na, i hay mizli miɗiyaka ti haŋ, yo i foto ngi hay migisiŋ gisiŋ naŋ na ta. Amma Kristu a ci nga muŋ vuna, ɓa a cici deŋ wurenna ar deɗe ndra a mbuŋ Buymisemuŋ.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

HEBEREY 4:14

Tiɓi ndra matilam di mi na, sey i jaka gidaŋ gidaŋ. Vur ndr'ada ti masay madiɗa a mbuŋ Buymisemuŋ, i Yesu Mangal ngi Buymisemuŋ. Naŋ a ngira muŋ le ŋcaht sesẽŋ avu Buymisemuŋ.

SLRA 3:21

Sey Yesu Kristu a cifi a muŋ a diga ɗagay, hã a ndila pas ngi Buymisemuŋ masa ɗiya hiri ngi gwataya gar nawayahay, kaɓa naŋ miɓa ɓi naŋ zleˀe ti balam mijiviɗ naŋhay mipal.

Ɓimezle ngi Yesu Kristu ZAŊ mitil di mi 21:22

Yesu a mbiɗaŋ di: «Da ko yi wuɗ le ɓa a ndir ti siifa hã ti ya masa mawa tekeɗe kwana, a cuw ka le kwa? Ka, ka sipiy!»

Ɓimezle ngi Yesu Kristu ZAŊ mitil di mi 21:15

A dirba zuma ɗafa, Yesu a ɓa Simoŋ Piyere: «Simoŋ, mangal ngi Zaŋ, k'ada wuɗiy fineˀ mizli tayna kwa?» A mbiɗaŋ di: «Kanah Buy, ki si na le, i ra wuɗuw.» Dar Yesu a ɓaŋ: «Jigina zir tumuŋ ɗuwoy.»

Ɓimezle ngi Yesu Kristu ZAŊ mitil di mi 17:13

Wurenna, i ra ru ng'avi ka. Ya maɓa ɓi hana na, ti ya misi ar duniya aruŋ, ɓa a lumaka mumul ɗu wãˀ a mevel taŋ.

Ɓimezle ngi Yesu Kristu ZAŊ mitil di mi 16:28

Yi bo ti vu Baha, i so le ar duniya. Wurenna i ra pula duniya, i ra ru le ng'avi Baha.»

Ɓimezle ngi Yesu Kristu ZAŊ mitil di mi 13:1

Dumbuŋ angi muguzlum Pak masa gi na, Yesu a si na le, pas naŋ a ndila le, ɓa a pula duniya misenna, ɓa a cuh ng'avi Cine naŋ. Yesu a wuɗ mizli naŋhay misi ar duniya le, a wuɗ taŋ hã avu kiɗa mi naŋ.

Mark 16:20

Mizli ngi seˀehey a ram, a tilam mi ti Ɓimezle ko maka gar. Buy Yesu ara gi slra ati taŋ, yo ara biga mingiɓi taŋ matilam di mi na, naŋ jeŋŋe gisiŋ na, ti gi cekenehey cici.

Ɓimezle ngi Yesu Kristu LUK mitil di mi 22:69

Amma zle wurenna, Mangal ngi mbur a sa cifi joˀ tir vay hazum ngi Buymisemuŋ, Misi gidaŋ wãˀ.»

SLRA 1:22

zle avu hin ngi Zaŋ mici mizli ar yam, hã a ndila hin muzuɓaka Yesu nga muŋ ti wuzla ndra. Anja mbur purla a wuzla taŋ, a jumo ng'avi ndra, ɓa i gaka sedewo ngi slikiɗ ngi Yesu ti wuzla mumucahaya.»