Mark 16:13 - Bible en langue guiziga

¹³ Joˀ taŋ a moko, a slufaka da cil taŋ mekelemey, amma gar ti nah kwana, a tiɓaka mingiɓi taŋ ta na si.

Mark 16:13 ပူးပေါင်းရင်းမြစ်များ

Matiye 28:17

Ti taŋ mupuraka na, a huruk hurukam a mbuŋ naŋ, amma numuŋhoy ara wulkam cuw cuw ɓula.

Mark 16:11

Amma taŋ micinaka, naŋ miɓi: Yesu naŋ da, a pura le na, a tiɓaka ta.

Mark 16:14

A dirba nah ma na, a biga vu da mizli mukuruˀ ngaŋ kahaya, ti taŋ muroko zumam ɗafa. Joˀ a mbiɗa taŋ hirnga asi taŋ mitiɓakaŋ ta, yo asi hirnga taŋ migidaŋ na. Asi mizli mupurakaŋ a slikiɗ le na kwana, a tiɓaka mingiɓi taŋ ta na si.

Ɓimezle ngi Yesu Kristu LUK mitil di mi 16:31

Amma Abraham a ɓaŋ: ‹Da a cinaka mi ngi Moyis ati ngi mijiviɗeye ta na, ko da mbur a slikiɗ le baɗ ti wuzla mumucahay tekeɗe kwana, t'anta sa tiɓaka ɓi naŋ ta si.›»

Ɓimezle ngi Yesu Kristu LUK mitil di mi 24:11

Misliney a tiɓaka ɓi ngi ngwasay na ta, taŋ a waka kaɓa a ɓam di i ɓi ngi gilaway.

Ɓimezle ngi Yesu Kristu LUK mitil di mi 24:41

Taŋ mamumulom haɗi tuwa na, a tiɓakaŋ gu taruŋ. Yo ɓi nah mazuma taŋ hirnga na, Yesu a ɓa taŋ: «Gwat ngi zum ada avu kum aka kwa?»

Ɓimezle ngi Yesu Kristu ZAŊ mitil di mi 20:25

Mizli ngi si Yesu mekelemey a sa ɓakaŋ di: «I puraka Buy Yesu le!» Amma naŋ a mbiɗa taŋ di: «Da yi pura li ngi ponti misi a hur haŋ naŋhay na ta, da yi ca muzuŋ haŋ ɗu anga ta, yo da yi ca haŋ ɗu ar vivi ngir cakay naŋ na ta na, y'anta tiɓa ta ndilaˀ!»

Ɓimezle ngi Yesu Kristu ZAŊ mitil di mi 20:8

Dar mbur mekelem ngisi Yesu mindilo dumbuŋ tuwa, a ci ng'ar zivi ya, keɗ keɗ na, a tiɓa le, Yesu a slikiɗ le.