Mark 14:72 - Bible en langue guiziga

⁷² A haŋhaŋ si na, kucukur a ji ˀay sar mucuw naŋ, dar Piyer a wuluk keŋ ar ɓi Yesu miɓaŋ di zleˀe tuwa: «Ɓa hã kucukur a sa jiˀay sar cuw na, naɓa ki ji mi le, ki siniy ta, ki siniy ta, ˀis makir si.» A wus vu ng'avra, dar a zla a tuwuy.

Mark 14:72 ပူးပေါင်းရင်းမြစ်များ

SAMUYEL MUCUW NAŊ 24:10

Davite, a dirba naŋ muslufa mizli na, a cin didak ara muɗaŋ gbir gbir gbir. Dar Davit a ɓa Bumbulvuŋ: «Mungra ya miga na, naŋ haɗa wãˀ. Amma so na, Bumbulvuŋ, ya gawla ɗike, malambaˀɗu na, pula ɓi nah avra, asi gwat ya miga na, i ga kaɓa mbur mibirnga gisiŋ.

EZEKIYEL 16:63

ɓa kisa wuluk keŋ, ɓa kisa pi mesem, yo ti ya masa puluw mungra ngi gwat ka miga taŋ gar na, a sa guw gigisl, kisa wuna mi gu mata. I ya Bumbulvuŋ, Buymisemuŋ maɓi.»

EZEKIYEL 36:31

Sipi jiviɗ malambaˀ kum ati slra kum mezlehey ta zleˀe tuwa gar na, kisa wulkaka taŋ keŋ. Mungra ati gwat malambaˀ mukuyta wãˀ, kum migaka taŋ na, a sa gukum mesem.

EZEKIYEL 7:16

Mizli mulakay a sa kilam nga muwãhay, taŋ gar kaɓa gonokoy matuwam ar sozo, mbur gar na asi mungra nga naŋ nga naŋ.

Matiye 26:34

Yesu a ɓaŋ: «Gisiŋ, yi ɓuw na: angi duvuɗ dana vuna si, ɓa hã kucukur a sa ji ay na, naɓa ki ji mi, ki ɓi le: ki siniy ta, ki siniy ta, is makir si.»

Mark 14:30

Yesu a ɓaŋ: «Gisiŋ, yi ɓuw na: duvuɗ dana, ɓa hã kucukur a sa ji ˀay ˀis cuw na, naɓa ka, ki ji mi le, ki siniy ta, ki siniy ta, ˀis makir si.»

Mark 14:68

Amma Piyer a ji mi, a ɓi: «Yi si na ta, ka mawuɗo ɓi vuna, y'anta sla wala nah ta.» Joˀ aru ng'ar jawleeru avra. Akẽh na, kucukur a ji ˀay.

Mark 14:71

Joˀ Piyer a zla a hudum, a ɓi: «Yi si na mbur kum maɓikiy vurˀe vuna ta. Da yi gi di i slir na, anja Buymisemuŋ a kutiy ti bonoy.»

Ɓimezle ngi Yesu Kristu LUK mitil di mi 22:60

Amma Piyer a mbiɗaŋ di: «Way ɗu, da ki wuɗ ki ɓi mbrike na, yi si na ta.» Hirak ti naŋ mira ɓi aruŋ vuna si na, kucukur a ji ˀay.

Ɓimezle ngi Yesu Kristu LUK mitil di mi 22:62

Dar Piyer a bi ng'avra, a tuwuy ˀirslik ˀirslik.

KORENTIHEY MUCUW NAŊ 7:10

Vur ndurɓo hiri ka Buymisemuŋ mawuɗ na, a ga ɓa mbur a zil marava maru ti mburo nga lihi, yo mbur anta wulka mata. Amma ndurɓo hiri ngi duniya mawuɗ na, aru ti mburo ng'ar mucu.