Mark 13:14 - Bible en langue guiziga

¹⁴ Ki sa puraka mukuy ta wãˀ, mihirya gwata, a cici le angi li mizlir ɓa a cici anga zleˀe ta. Anja mbur maslufa ɓi hana, a sla wala naŋ. Akẽh na, mizli misi a Yude, anja a kilam nga muwãhay.

Mark 13:14 ပူးပေါင်းရင်းမြစ်များ

TUWUY 1:10

Mizli mazliram ti naŋ ta, a tiɗam haŋ le ar zlili naŋhaya gar. Naŋ kanah, ara pura mizli duniyahay, ara cam ng'ar hay naŋ mipala, Buymisemuŋ, ki ɓi le ɗaˀ le zleˀe, mizli duniyahay na, a cam ng'ar kus ngi ɗike ta ngbaŋ.

EZEKIYEL 44:9

Vurˀe, ya Bumbulvuŋ, Buymisemuŋ i ɓi na: mbur manja ci mizaw, ko purla masa ci ar hay ɗu anta, ko mbur mulak manja ci mizaw misi a wuzla Israyeley tekeɗe kwana, purla masa ci anta.

DANIYEL 11:31

A sa slino mizli, a tiɓaka hirwuyo. A sa hiryaka hay ngi Buymisemuŋ muguno ti moholo. A sa tikaka mikuli misi ti hin gara, a gam gwat mukuy ta muwãˀ ngi ngizla vu.

DANIYEL 12:11

Zle avu hin ngi mikuli vur hin gar masa kiɗ mi, hã tapas masa kaka malambaˀ mukuyta wãˀ ngi hirya gwata, ɓaˀ ar li gi mikuli na, naɓa hin a gi le durmuk ti skat skat cuw ti kukur ngoltir.

DANIYEL 8:13

Akẽh so na, i cin ˀay ngi modro maɓi, yo modro mekelem a cufuɗaŋ: «Gwat ngi mikuli magaka vur hin gar, mevel ngi waha virzi ngi hay muvula le da Buymisemuŋ ati vurum ngi muŋ maguduburaka asi sar na, pur naŋ ti kleŋ, a sa kiɗ mi hã ti vunaka?»

DANIYEL 9:27

Ar vi mitarnaˀ ngi dirbahay na, a sa tika ˀay ngi jumoˀay da zigiduw, yo angi reta ngi vi tarnaˀ na kwana, a sa kiɗa mi ngi mikuli ati gwat ngi vulo. Mingizla mizli a sa sawa, a sa ga gwat mukuy ta naŋhaya kutum, hã ɓi micica tuwa, a mbiɗi nga hirnga naŋ a muŋ.»

Matiye 13:51

Yesu a ɓa mizli ngi seˀeheye: «Ki cinaka ɓi nah le gar kwa?» A mbiɗakaŋ di: «Hĩ.»

KORENTIHEY MUDUMBUŊ 14:20

Sukum ɗuwoy, ar sli wala ngi ɓi na, anja ki wulkam kaɓa ziri ta. Ar ɓi malambaˀ na, ndiram ka ziri ɓula. Amma ar sli wala ngi ɓi na, ndiram ka mizli micawwahay.

ƁIMUNJUYO 1:3

Mbur maslufa ɗerewol hana, kay, naŋ ar wuya! Mizli macinam ɓi Buymisemuŋ manjika hana na, waɗ mutohoko angi ɗerewol hana gar, a jaka a hirnga na, kay, taŋ ar wuya, asi hin a ndilo le gweˀe.

ƁIMUNJUYO 13:18

Hana i pas ngi sli wala ngi gwat: mbur misi ti lesl na, a si na mbiɗeˀvra ngi lammba ngi gwat misããmi nah. Asi i lammba ngi slimiɗ ngi mbur, lammba naŋ na, naŋ skat merkeɗ ti kukur merkeɗ nga merkeɗe.