Mark 13:11 - Bible en langue guiziga

¹¹ Ti taŋ masa ram ti kum, ɓa a vulukum asi haŋ ngi mizli na, anja didaka muɗukum daf ar ɓi kum masa ɓama ta. Amma ɓi kum masa lumam ar pas nah na, ɓakaŋ, asi i kum masa ɓam ta, amma i Uf Mipal masa ɓi.

Mark 13:11 ပူးပေါင်းရင်းမြစ်များ

SAMUYEL MUCUW NAŊ 23:2

ˀUf ngi Bumbulvuŋ ara ɓi ɓi ti balam ɗu, a ca mingiɓi naŋ le a balam ɗu.

EZAYI 50:4

Ɓi ya maɓa na, Bumbulvuŋ Buymisemuŋ a dubuniy di le, a dubuniy mingiɓi le, ɓa i si na jaha mbur mihĩhĩy le. Vur miprik gar na, a giy ɓa i jika slimiɗe jakka, ngi cine ɓi, kaɓa gawla ngi mbur.

Matiye 10:17

«Jam lesl vur mizli, asi a sa vulukum da migi kiitahay, a sa sliɗukum ar hay ngi dira dibiɗ taŋhay.

Mark 13:12

Sukumuŋ a sa vula sukum naŋ, ɓa a kiɗaka vagay, cine ngi mangal a sa gi ti mangala kanah ya. Ziri a sa slikiɗam ɓi ar miyi taŋhay, a sa vulaka taŋ ɓa a kiɗaka taŋ vagay vagay.

Mark 13:9

Amma kumo, ndiram ɗeŋ ɗeŋ. A sa vulukum ar kiita. Angi hay ngi diradibiɗeye, a sa mbukum ti kiɗ. A sa cucukum a mbuŋ buy miwi lihey, a mbuŋ buy madiɗahay asi ɓi ɗu, ɓa kisa gaka taŋ sedewo ɗu.

Ɓimezle ngi Yesu Kristu LUK mitil di mi 21:12

Amma dumbuŋ angi gwat tayna na, a sa jukum, a sa supukum nder nder, a sa vulukum ɓa a gukum kiita ar hay ngi dira dibiɗey, a sa cukum angi dangay. A sa ram ti kum a mbuŋ buy madiɗahay, yo a mbuŋ madiɗa ngi ruwuyoy, asi slimiɗ ɗu.

Ɓimezle ngi Yesu Kristu ZAŊ mitil di mi 3:27

Zaŋ a mbiɗa taŋ di: «Da a vulaka gwata paɗ a muŋ da mburo ta na, a lum gwat ko neˀ gu ta.

SLRA 2:4

ˀUf Mipal a naha taŋ le gar, a zlaka a ɓam ti mi mekelemey, kaɓa ˀUf Mipal vuna muvula taŋ di ɓa a ɓam di.

SLRA 3:13

Buymisemuŋ ngi Abraham, ngi Izak, ngi Zakop, Buymisemuŋ ngi dideˀ ndraˀahaya, a ga Gawla naŋ Yesu le ɗongor. Kum vuna, ki vulakaŋ da mizli madiɗahay ɓa a jakaŋ. Pilat a wuɗ pul naŋ le, amma kumo, ki wuɗakaŋ ta daˀ a mbuŋ naŋ vuna si.

SLRA 4:31

Angi kiɗa mi ngi diradibiɗ taŋ na, li taŋ mukusom anga, a wus hiɓik hiɓik, ˀUf Mipal, a naha taŋ le gar, a tilam mi ti ɓi ngi Buymisemuŋ manja zluwun.

SLRA 6:10

Amma ko a ngilakaŋ mi gu ta, asi ˀUf Mipal a vulaŋ sinmijileŋ le ar mingiɓi naŋ.

SLRA 6:15

Mizli mujoar kus ngi ngila wuy madiɗa gar, a ɗuvaka hiri hiviceˀ ng'ar Etiyene, a puraka mihiri naŋ, a bam vu ati ngi modro ngi Buymisemuŋ.

SLRA 7:55

Amma Etiyen a nih le kɗaf kɗaf ti ˀUf Mipal, a ɗuva hiri taˀ nga muŋ, a pura dudok ngi Buymisemuŋ waɗ Yesu deŋ tir vay hazum ngi Buymisemuŋ vuna.

KORENTIHEY MUDUMBUŊ 2:13

Yo ndra maɓam na, ti mi ngi sinmijileŋ ngi mbur madubuna ndra di ta, amma ti mi ngi ˀUf ngi Buymisemuŋ madubuna ndra di. Mizli mulumam gwat maso tivu Bumbulvuŋ nah le na, i bigaka taŋ pulaˀvra ngi gwat maso tivu Buymisemuŋ vuna.

EFESEY 3:5

Ɓi mufuna wuluk ngi mbur nah na, Buymisemuŋ a biga da mizli misi zleˀeheye ta. Amma wurenna, a njika le da mislin naŋhay ati mijiviɗ naŋhaya ti ˀUf naŋ.

Ɗerewol ZAK 1:5

Amma da mbur a wuzla kumo, sinmijileŋ a kicaŋ le na, anja a cufuɗ avu Buymisemuŋ masa vulaŋ di. Asi Buymisemuŋ a vul gwat da mizli gar ti gula ti hazum, manja mbiɗi hirnga.

PIYER MUDUMBUŊ NAŊ 1:12

Mijiviɗeye, ɓi taŋ matilam di mi, Buymisemuŋ minjika taŋ di na, vur taŋ tehhe a muŋ ta, amma vur kum. Wurenna mizli matilam mi ti Ɓimezle na, a tulukum di le muduba ti gidaŋ ngi ˀUf Mipal muso paɗ ti muŋ. Yo ko modro ngi Buymisemuŋhoy kwana, a wuɗam sli wala naŋ le ya.