Mark 12:3 - Bible en langue guiziga

³ Amma migi slraˀahaya jakaŋ, a mbakaŋ ti kiɗ, a pulakaŋ, a mi kavbar kine.

Mark 12:3 ပူးပေါင်းရင်းမြစ်များ

BUYOY MUDUMBUŊ NAŊ 18:13

Zleˀe ada na, Zezabel ara kiɗa mijiviɗ ngi Bumbulvuŋhoyo. Yi ɗum mijiviɗeye le skat ar butumoy wal wal cuw, mizli kukur zlum kukur zlum. Yo yi vula taŋ gwat ngi zum le ati yama. Yi wa na, a slufukuw ɓi ngi gwat ya miga nah le takwa kumani?

BUYOY MUDUMBUŊ NAŊ 18:4

Ti di numuŋ ada na, maˀãy Zezabel ara ngizla mijiviɗ ngi Bumbulvuŋhoyo. Obadiya a hil mijiviɗey skat, ara ɗumo taŋ ar butumoy wal wal cuw, mizli kukur zlum kukur zlum, a vula taŋ gwat ngi zum ati yam.

BUYOY MUDUMBUŊ NAŊ 19:10

Eli a mbiɗaŋ di: «Bumbulvuŋ, Buymisemuŋ miwa gidaŋhay gar, wuɗ ya mawuɗow na, a ciy le a mevele haɗi kuyta wãˀ. Mizli Israyeley a ngilaka jumoˀay ɗik ati taŋ na le. A wahaka li gi mikuli ɗikeye le, yo a kiɗaka mijiviɗ ɗikeye le ti maslalam, sey mindir i ya pal ɗu. Yo wurenna vuna ma na, ara sipikiy ɓa a zizika hutuŋ ɗu ya.»

BUYOY MUDUMBUŊ NAŊ 19:14

Eli a mbiɗaŋ di: «Bumbulvuŋ, Buymisemuŋ miwa gidaŋhay gar, wuɗ ya mawuɗow na, a ciy le a mevele haɗi kuyta wãˀ. Mizli Israyeley a ngilaka jumoˀay ɗik ati taŋ na le. A wahaka li gi mikuli ɗikeye le, yo a kiɗaka mijiviɗ ɗikeye le ti maslalam, sey mindir i ya pal ɗu. Yo wurenna vuna ma na, ara sipikiy ɓa a zizika hutuŋ ya.»

BUYOY MUDUMBUŊ NAŊ 22:27

Ki sa ɓa taŋ na: ‹Buy a ɓukum na: caka mbur misenna ng'ar dangay, vulakaŋ gwat ngi zumo neˀkini waɗ yam frew si, sey da ya mumo le jam tir vurumo far.›»

ƁI NGI HINEY MUCUW NAŊ 16:10

Asa a ji mevel ar mijiviɗ tuwa, a ɓa mizli, a kakaŋ ar dangay, asi mingiɓi naŋ na, a jaŋ mevel le. Hirak ti nah na, Asa a guzuvur cah a wuzla mizli.

ƁI NGI HINEY MUCUW NAŊ 36:16

Amma Israyeley tuwa, a singiram ar mislin ngi Buymisemuŋhoyo, a hirsaka mingiɓi naŋ, yo a singiram ar mijiviɗ naŋhaya. Dar Buymisemuŋ a zuɓ himaˀ ar taŋ fõh fõh, a tik mata.

NEHEMI 9:26

Amma gar ti nah kwana, a slikiɗam ɓi, a slam himaˀ le avu ka na si. A mbiɗam duba le kileŋ wãˀ avu Ɓimujuwa ɗike. Mijiviɗ ɗikey muhurdumom avu taŋ, ɓa anja a moko ng'avu ka na, a kiɗaka taŋ le vagay vagay.

ZEREMI 2:30

Ya makiɗa ziri kumoy na, i gir ngataraŋ, t'anta tiɓaka mi ngi kuti ta. Maslalam kumoy a zumaka mijiviɗ kumoyo le kap, kaɓa mobor maji gwatay sunok sunok.

ZEREMI 20:2

Dar Pasehur a ɓa gawla naŋhay, a kiɗaka Zeremi, a juwaka avu ɓamtal ngi mizlingre vay muŋ ngi Benjameŋ, mizlingre ngi hay ngi Bumbulvuŋ, ɓa mizli a purakaŋ.

ZEREMI 29:26

«Mucufuw ar li ngi masay, Yoyada, mizli magam, i ya Bumbulvuŋ vuna. Mbur magi lambaˀ lambaˀ ar hay nga ya Bumbulvuŋ, yo magam kaɓa ara njikam ɓi na, sey ki ca taŋ dambla gizl gizl a sara, waɗ kaˀ kaˀ taŋ ti celulu.

ZEREMI 44:16

Gar ti ka maɓa ndra ti slimiɗ ngi Bumbulvuŋ na tekeɗe na, ndr'anta cinukuw di ta.

Matiye 15:22

Keɗ na, ngwas Kanaˀan a so ti kẽh, a zla tila mi da Yesu, a ɓaŋ: «Aw mangal ngi Davit, puriy ircece takwa Buy! Zuŋ ɗu ani, setene a hirnga, ara gaŋ bonoy haɗi teˀe.»

Mark 12:2

Hin a ndila le muduba, buy ngi guva, a slin gawla naŋ ng'avi migi slra ngi gudubunoy tuwa, ɓa a tiɓakaŋ mi nga naŋ avu taŋ ya.

Mark 12:4

A slin gawla mekelem ma. A kiɗakaŋ a hirnga, a zakaŋ.

SLRA 7:52

I mijiviɗ wana asi mijiviɗeye, ɓa dideˀ kumoy misipakaŋ nder nder ta na ka? Mizli mitilam mi daf dumbuŋ, ti ɓi ngi so ngi mbur mijeŋŋe na, ki kiɗaka taŋ le vagay vagay, yo kum mijaka, midiraka wureˀani na, i mbur nah vuna.

TESALONIKEY MUDUMBUŊ NAŊ 2:15

Yude tayna, i taŋ mikiɗaka Buy Yesu vagay waɗ mijiviɗey zleˀe. A sipam ndra le nder nder. T'anta ciraka hiri da Buymisemuŋ ta wãˀ si, i mesene ngi mizli gar.