Mark 12:17 - Bible en langue guiziga

¹⁷ Yesu a ɓa taŋ: «Gwat ngi buy mimadiɗa, wurkaka da buy mimadiɗa Tiber, yo gwat ngi Buymisemuŋ kwana, wurkaka da Buymisemuŋ ya.» Ɓi naŋ mumbiɗa taŋ di hana, a zuma taŋ hirnga le haɗa.

Mark 12:17 ပူးပေါင်းရင်းမြစ်များ

MIKUCUWULOY 23:26

Mangal ɗu, puliy mevel ɗike mbak da ya, yo anja ki sipa sar ɗu ti cira hiri.

MIKUCUWULOY 24:21

Mangal ɗu, zluwun ti Bumbulvuŋ waɗ ti buyo. mizli mawuɗam mbiɗa gwat gar na, ki jumom bummoˀ ta.

MALASI 1:6

Mangal a cika hirnga da cine, yo gawla ngi mbur a cika hirnga da buy naŋ takwa! Na, da yi cine kum na, ama ani kum macikikiy hirnga vuna ska? Yo da yi buy kum na, ama ani kum macinikiy mi vuna ska? I ya Bumbulvuŋ misi gidaŋ wãˀ maɓi da kum masayay, kum maburɗaka slimiɗ ɗu na. Joˀ ki ɓam jak ma na: «I burɗaka slimiɗ ɗike ar wanaka» kini ma mbrike?

Matiye 22:21

A mbiɗakaŋ di: «I ngi buy mimadiɗa.» Dar Yesu a ɓa taŋ: «Wurkaka gwat ngi buy mimadiɗa da buy mimadiɗa, yo gwat ngi Buymisemuŋ kwana, wurkaka da Buymisemuŋ ya.»

Matiye 22:22

Taŋ micinaka ɓi hana na, a zuma taŋ hirnga le, joˀa pulakaŋ, a cohom.

Matiye 22:33

Zigiduw micina mingiɓi naŋ cin cin na, gwat naŋ mudubuna taŋ di a zuma taŋ hirnga teˀe.

Matiye 22:46

Ko mbur pal mumbiɗaŋ di gu, anta. Zle ti hin nah na, ko mbur matum vu ngi cufuɗaŋ, anta mata.

Matiye 8:10

Yesu micina kanah na, a hĩyãŋ teˀe, a ɓa mizli misipi naŋhaya: «Gisiŋ, yi ɓukum na: angi hirwuy Israyel gar na, yi lum mbur misi tiɓi kahana ɗaˀ ta.

Mark 12:16

A sakaŋ di, joˀ Yesu a ɓa taŋ: «Foto hana ati slimiɗ mutoho ngi ra na, i ngi waka?» Taŋ a mbiɗakaŋ di: «I ngi buy mimadiɗa Tiber.»

Mark 12:30

Sey ki wuɗ Bumbulvuŋ Buymisemuŋ ɗike ti mevel ɗik wãˀ, ti membezleŋ ɗik wãˀ, ti lesl ɗik wãˀ, waɗ ti gidaŋ ɗik wãˀ.›

Ɓimezle ngi Yesu Kristu LUK mitil di mi 20:25

Yesu a ɓa taŋ: «Da kine na, gwat ngi buy mimadiɗa, vulaka da buy mimadiɗa, yo gwat ngi Buymisemuŋ kwana, vulaka da Buymisemuŋ ya.»

ROMAHAY 12:1

Sukum ɗu misikristuhoy, ambuh ambuh kum ti slimiɗ ngi Buymisemuŋ mapur ˀircece haɗa na so, ɓa ki vulakaŋ vu kumo wãˀ ti haŋ kumo, kaɓa gwat misi titiri ngi gi mikuli a mbuŋ Buymisemuŋ, mihĩˀĩ da Buymisemuŋ, maciraŋ hiri. Dilik kum mikaslsla ti jiviɗ naŋ a mbuŋ Buymisemuŋ, i nah so.

ROMAHAY 13:7

Gwat ngi wuruk da mbur gar na, wurkakaŋ di. Buutu da mbur micikila buutu, laada da mitiɓi laada. Mbur zliv ngi zluwun di na, zluwunam di, mbur zliv ngi ɗuvaŋ hirnga kwana, ɗuvakaŋ di.

ROMAHAY 6:13

Hirzlik ngi dumvu kumoy na, anja ki gam taŋ slra ngi mungra kaɓa gwat ngi vurum ngi gi gwat mijeŋ ta na mata. Amma hirzlik kumoyo, taŋ kaɓa gwat ngi vurum ngi gi gwat mijeŋŋehey, yo kaɓa mizli misi ti siifahay mislikiɗam le ti wuzla mumucahay.

PIYER MUDUMBUŊ NAŊ 2:17

Ɗuvaka hirnga da mizli gar. Wuɗam sukum kum mitiɓiheye. Zluwunam ti Buymisemuŋ. Ɗuvaka hirnga da buy mimadiɗa.