Mark 11:18 - Bible en langue guiziga

¹⁸ Masay madiɗahay ati buy ngi ɓimujuwahay, a cinaka ɓi nah le, a puram wer ngi ziza Yesu, amma ara zluwunam, asi gwat naŋ madubuna da mizli na, a ga mizli welele.

Mark 11:18 ပူးပေါင်းရင်းမြစ်များ

BUYOY MUDUMBUŊ NAŊ 21:20

Eli ara ɓa ɓi nah da Akapa, dar Akapa a ɓa Eli: «Ki lumiy le a muŋ so mesene ɗu!» Eli a mbiɗaŋ di: «Yi lumuw le a muŋ, asi ki vula vu ɗike le ngi gi gwat a mihiri ngi Bumbulvuŋ.

BUYOY MUDUMBUŊ NAŊ 22:18

Ar nah na, buy Israyel tuwa, a ɓa Zozafata: «Yi ɓuw le takwa! N'anta njik ɓi mezle vur ya ta kini, sey ɓi malambaˀa.»

BUYOY MUDUMBUŊ NAŊ 22:8

Akap, buy Israyel a mbiɗaŋ di: «Mbur mekelem ada aka, anja zliv i cufuɗaka Bumbulvuŋ ava gu, amma ya i wuɗ ɓi naŋ ta, asi naŋ anta ɓi ɓi mezle masa gi ar ya ta, amma sey ɓi malambaˀ tewle: i Mise, mangal ngi Imla.» Dar Zozafat a ɓa Akapa: «Kay, ka buyo anja ki ɓi kanah ta.»

EZAYI 49:7

Ka, mizli maburɗukuw, mizli mahirsukuw, ka beke ngi misi moˀorehey, Bumbulvuŋ mimbiɗi hirnga ngi mizli, Buymisemuŋ mipal wãˀ ngi Israyele, a ɓuw na: «Da buy madiɗahay misa purukuw le na, a sa slikiɗam ti ka, yo yarmahay kwana, a sa hurukom a mbuŋ ɗike. A sa gaka kanah na, ngi ɗuva hirnga da ya Bumbulvuŋ miteŋteŋ, da ya Buymisemuŋ Mipal ngi Israyel muwunuw na.»

Matiye 21:15

Gwat ngi zuma hirngahay Yesu miga taŋ waɗ ziri matilam mi ar hay ngi Bumbulvuŋ, maɓam: «Mangal ngi Davite naŋ ti dudok» tuwa na, a ja mevel le haɗa da masay madiɗahay ati buy ngi ɓimujuwahaya.

Matiye 7:28

A dirba Yesu mikiɗa mi ngi mingiɓi naŋ hana na, mizli gar, gwat naŋ mudubuna taŋ di, a zuma taŋ hirnga teˀe.

Mark 1:22

Gwat naŋ madubuna taŋ di na, a zuma taŋ hirnga le haɗa, asi a dubuna taŋ di kaɓa mbur miwi mizli, anta kaɓa ngi buy ngi ɓimujuwahay ta.

Mark 11:32

Malla da i ɓam le: ‹I mizli mislinoko di ma› na, na, i zluwunam ti zigiduw ma, asi mizli gar a sinaka le, Zaŋ i mijiviɗ gisiŋ.

Mark 12:12

Joˀ a puram jiviɗ ɓa a jaka Yesu zleˀe, asi a slaka wala nah le kuy kuy, a kicuwula ɓi hana vur taŋ. Amma a zluwunam ti zigiduwo, a pulaka mbak, joˀ taŋ a cohom.

Mark 3:6

A dirba nah, Farisahay a boko, a kusom kutum ati mizli ngisi Herodoy, ɓa a lumam wer ngi ziza hirnga ngi Yesu.

Mark 6:20

Asi Herod a zluwun ti Zaŋ, asi a si na le, Zaŋ i mbur mijeŋŋe, yo naŋ pal. A jiniˀis asi Zaŋ. Naŋ micina mingiɓi ngi Zaŋ cin cin na, a gaŋ welele teˀe, amma a wuɗ cin naŋ vuna ngbaŋ.

Ɓimezle ngi Yesu Kristu LUK mitil di mi 19:47

Vur hin gar na, Yesu ara dubuna gwat da mizli ar hay ngi Bumbulvuŋ. Masay madiɗahay ati buy ngi ɓimujuwahay waɗ mizli madiɗa ngi Yudehey ara puram jiviɗ ɓa a kiɗakaŋ vagay.

Ɓimezle ngi Yesu Kristu LUK mitil di mi 2:47

Mizli macinam mingiɓi naŋ gar na, a ga taŋ ngirkik, asi lesl naŋ ati mingiɓi naŋ mambiɗa taŋ di na.

Ɓimezle ngi Yesu Kristu LUK mitil di mi 20:19

Buy ngi ɓimujuwahay ati masay madiɗahay, a puram jiviɗ ɓa a jaka Yesu ar nah vuna si, amma ara zluwunam ti mizli ma. Yesu miɓa ɓi weˀ ti wi na, vur taŋ na, a slaka wala nah le kuy kuy.

Ɓimezle ngi Yesu Kristu LUK mitil di mi 4:22

Mizli gar a hĩyãka ɓi naŋ le, ɓi mezle mabo ti balam naŋ na, a zuma taŋ hirnga le, a ɓam: «Hana i mangal ngi Zozef tuwa takwa?»

Ɓimezle ngi Yesu Kristu ZAŊ mitil di mi 7:1

A dirba nah, Yesu a bula hirwuy Galile, a ngum bula hirwuy Yude ta, asi Yudehey ara sipakaŋ ɓa a kiɗakaŋ vagay.

Ɓimezle ngi Yesu Kristu ZAŊ mitil di mi 7:19

Muvulukum Ɓimujuwa i Moyis ta kwa? Amma ko mbur pal a wuzla kumo mija ɓi nah a hirnga anta. Ki wuɗam ɓa ki kiɗikiy vagay vur mike?»

Ɓimezle ngi Yesu Kristu ZAŊ mitil di mi 7:46

Mijigina lihey a mbiɗaka taŋ di: «Mbur miɓi ɓi ɗaˀ ka mbur nah anta!»

SLRA 24:25

Amma Pol maru ti mingiɓi dum le ng'ar ɓi ngi cifi mijeŋŋe, jigina vu avu gwatay waɗ ng'ar ɓi ngi kiita ngi kiɗa mi ngi duniya tuwa na, a ga zluwun le da Felikse, a tika Polo, a ɓaŋ: «Wurenna, aru kwaɗay, i sa ziluw duwul aruŋ.»