Mark 10:52 - Bible en langue guiziga

⁵² Yesu a ɓaŋ: «Tiɓi ɗik a lihuw le, a ru.» Ar nah si na, ara pur, dar a zuɓa jiviɗ, a sipa Yesu.

Mark 10:52 ပူးပေါင်းရင်းမြစ်များ

DIMISEY 146:8

Bumbulvuŋ ara wuna hiri ngi dangaraya, Bumbulvuŋ ara slikiɗa mizli mugurjoŋ gurjoŋhoyo cir cir, Bumbulvuŋ ara wuɗ mizli mijeŋŋeheye.

DIMISEY 33:9

asi da naŋ miɓa ɓe le na, a gi gisiŋ, a ɓi ani, a gi ani.

EZAYI 35:5

Dar hiri ngi dangaray a sa puram kweŋ kweŋ yo slimiɗ ngi midigizlahay a sa wunam.

Matiye 11:5

Dangaray ara puram, jegwerey ara ram, misi kukulahay a ɗiyam le, midigizlahay ara cinam, mumucahay ara slikiɗam, yo ara tilam mi ti Ɓimezle da misi murgahaya.

Matiye 12:22

A dirba nah na, a soko ti mbur misi setene ng'avi Yesu, i dangar, yo a ɓi gu ta ma. Dar Yesu a ɗiya mbur tuwa hã a ɓi, a pur.

Matiye 15:28

Akẽh na, Yesu a mbiɗaŋ di: «Ngwasa, tiɓi ɗike naŋ haɗa! Anja a gi kaɓa ka mawuɗo.» Joˀ zuŋ naŋ a ɗiyi hirak ti nah vuna si.

Matiye 21:14

Dangaray ati jegwerey a soko ng'avi Yesu ar hay ngi Bumbulvuŋ, joˀ Yesu a ɗiya taŋ.

Matiye 8:3

Yesu a tila haŋ, a wusaŋ, a ɓaŋ: «Yi ngum le, ɗiyi!» Angi nah vuna si na, kukula a muɗ mi ava, a ɗiyi.

Matiye 9:22

Amma Yesu a mbiɗi, a pura, a ɓaŋ: «Tum vu, zuŋ ɗu! Tiɓi ɗik a lihuw le.» Angi nah vuna si na, ngwas a ɗiyi le.

Mark 1:31

Yesu a kirih ng'avaŋ, a jaŋ kaw avu haŋ, a slikiɗaŋ. Vu muculok tuwa a tislaŋ, a zla a ga taŋ gwat ngi zum.

Mark 5:34

Amma Yesu a ɓaŋ: «Zuŋ ɗu, tiɓi ɗik a lihuw le. Aru jam so, mbul tir jiji ɗike.»

Mark 8:25

Dar Yesu a bucaŋ haŋ avu hiri tuwa ma. Joˀ mbur a pur kweŋ kweŋ. Hiri a wun le, a pura gwataya, a sla wala taŋ gar muduba.

Ɓimezle ngi Yesu Kristu LUK mitil di mi 7:50

Dar Yesu a ɓa ngwasa: «Tiɓi ɗik a lihuw le. Aru zuy.»

Ɓimezle ngi Yesu Kristu LUK mitil di mi 9:48

dar a ɓa taŋ: «Ko wa gar matiɓa zuŋ hana ti slimiɗ ɗu na, a tiɓi di i ya vuna si. Yo ko wa gar matiɓiy na, a tiɓi di i mbur mislino ya. Asi mbur mizlew wãˀ ngi wuzla kum gar na, madiɗa mifineˀ kum gar i naŋ so.»

Ɓimezle ngi Yesu Kristu ZAŊ mitil di mi 9:32

Mbur a wun hiri ngi mbur miyaka cak i dangar na, i cinam ɓi nah ɗaˀ ta.

Ɓimezle ngi Yesu Kristu ZAŊ mitil di mi 9:39

Joˀ Yesu a ɓi: «Yi so ar duniya misenna ɓa ngi sli kiita, ɓa mizli mapuram tahay a puram, yo mapuramay kwana, a hulufom.»

SLRA 26:18

ɓa ki wuna taŋ hiri, ɓa ki bo ti taŋ tir luvuŋ ng'ar li minjahha, tir gidaŋ ngi Satan ng'avu Buymisemuŋ, ɓa mungra taŋhay a puyam avra, yo ɓa a lumam li cifi a wuzla mizli Buymisemuŋ muwuna taŋ, mbele tiɓi taŋ na.›