Mark 10:34 - Bible en langue guiziga

³⁴ A sa singiram angaŋ, a sa tufakaŋ tazlay, a sa sliɗakaŋ, a sa kiɗakaŋ vagay. Yo hin makir a dirba nah na, a sa slikiɗi.»

Mark 10:34 ပူးပေါင်းရင်းမြစ်များ

Ɗerewol JOP 30:10

A purikiy kuy avu hiri ta, a kilam ti ya. A tufukiy tazlay nga hiri ka ɓi ngi sefel.

DIMISEY 22:13

Mesene ɗuwoyo, a roko ka gusoŋhoy mbeˀ mbeˀ, gun hirnga ɗu, gwat misãmi ngi Basaŋhaya, ara gunikiy.

EZAYI 50:6

I taha duba le da mizli makiɗikiye, i vula kwala ɗu le da mizli mamuɗikiy mazlamaya, mizli mazikiy, yo matufikiy tazlay na, i ɗumo mihiri ɗu ta.

EZAYI 53:3

I mbur mizli mihirsakaŋ le, mupulakaŋ le fuku, i mbur ngi bonoy, misirik le ti vu ngi ji, naŋ kaɓa mbur ngi ɗuf hiri ng'ar naŋ mata, kanah, i mbur mihirsa le, ko i slufakaŋ kaɓa i mbur mata.

Ɗerewol OZE 6:2

Ar kiɗa mi ngi hin cuw na, a sa vula ndra siifa, ar hin mimakir naŋ na, a saslikiɗa ndra deŋ deŋ a muŋ, yo i sa vula ndra siifa a muŋ.

Matiye 16:21

Zle tapas nah na, Yesu a zla a biga njah da mizli ngiseˀeheye, a ɓa taŋ: «Anja yi ru nga Zeruzalem ɓa ngi si bonoy haɗi a haŋ mizli micawwahay, a haŋ madiɗa migi mikulihey ati buy ngi ɓimujuwahay, ɓa a kiɗikiy vagay, amma angi hin mimakir naŋ na, i sa slikiɗ a muŋ.»

Matiye 26:67

Dar a tufakaŋ tazlay avu hiri, a turɓusoko haŋ, a kiɗakaŋ. Numuŋhoy a cakaŋ babarva,

Matiye 27:63

a ɓakaŋ: «Buy, i wulkam le keŋ ar ɓi ngi mbur misi slir nah, ti naŋ mumuc t'aruŋ zleˀe na, a ɓi: «Angi hin mimakir naŋ na, yi sa slikiɗi.»

Mark 14:63

Masay madiɗa a ngira zana naŋhaya, a ɓi: «I wuɗam sedewo ngi mi aruŋ maka?

Mark 14:65

Mekelemey ar wala taŋ, a zlaka a tufakaŋ tazlay, a juwakaŋ hiri, a turɓusoko haŋ, a kiɗakaŋ, a ɓakaŋ: «Mukuɗuw na, i waka? Njika so.» Joˀ gawla migi slrahay a tiɓaka Yesu, a cakaŋ babarva.

Mark 9:31

Asi ara dubuna gwat da mizli ngi seˀeheye, a ɓa taŋ: «A sa vulaka Mangal ngi mbur asi haŋ ngi mizli, a sa kiɗakaŋ vagay. Yo a dirba taŋ mikiɗaka le vagaya, angi hin mimakir naŋ na, a sa slikiɗ a muŋ.»

Ɓimezle ngi Yesu Kristu LUK mitil di mi 23:11

Herod ati soje naŋhay a gam di ka mbur ta, a singiram angaŋ. A dirba nah, a kakaŋ zana mezle miwilik wilik, a slinam di da Pilat a muŋ.

Ɓimezle ngi Yesu Kristu ZAŊ mitil di mi 1:17

Buymisemuŋ a vulo ɓimujuwa tisi haŋ ngi Moyis. Amma gimezle ati ɓi mikaslsla na, i lumaka tisi haŋ ngi Yesu Kristu.

Ɓimezle ngi Yesu Kristu ZAŊ mitil di mi 2:10

a ɓaŋ: «Mbur gar na, a vula mbaazla mundumo da mizli dumbuŋ ɗagay zleˀe. A dirba nah, da mizli miziloko taŋ a wuɗ a wam gweˀ na, a vulaka taŋ mbaazla mukuyyo. Amma ka ki wi vu ti mbaazla mundumo hã wurenna mbrike?»

KORENTIHEY MUDUMBUŊ 15:4

A dikaka le, angi hin mimakir naŋ na, a slikiɗ a muŋ, kaɓa Ɓimutoho miɓa.