Mark 10:24 - Bible en langue guiziga

²⁴ Mizli ngi seˀeheye, ɓi nah a zuma taŋ hirnga haɗa, amma Yesu a ma taŋ hiri nah ma, a ɓi: «Ziri ɗuwoy, kay, naŋ tuwaˀ ɓa ngi ci ng'ar Zumabuy ngi Buymisemuŋ!

Mark 10:24 ပူးပေါင်းရင်းမြစ်များ

DIMISEY 52:7

Naŋ kine, Buymisemuŋ vuna ti haŋ naŋ, a sa zizuw ngi wãˀ, a sa ɗiɗo ka, a bo ti ka tir guɗuko, a sa muɗuw ceɗ avra tir ruwuy ngi mizli misi ti siifahaya.

DIMISEY 62:10

Haˀaw, mizli titrahaya, i himiɗ ngataraŋ, mizli micawwahaya, a sinam sey slir. Da a paka taŋ jommo cek ng'ar kilo na, himiɗ a funa taŋ le ti dudoko.

MIKUCUWULOY 11:28

Mbur mapula vu naŋ mbak vur zlili naŋ na, a sa diɗi, amma mizli mijeŋŋeheye, a sa ɗiɗam kaɓa widis tukuzohoy.

MIKUCUWULOY 18:11

Zlili ngi mbur misi zlili i hay naŋ, muguno le ti mohol, ar wuluk naŋ na, i gala mbur matuwuɗa gu ta.

MIKUCUWULOY 23:5

Hiri ɗik a ɗuv anga kuy kuy t'aruŋ si na, a susuyum le. Asi zlili a si na ɗiya kirpasl avu vu naŋ le. A slikiɗ nga muŋ kaɓa krom.

ZEREMI 9:23

Da mbur a wuɗ le ɓa a huhum vu na, anja a huhum vu: asi naŋ misi ti wer, yo a siniy le. A si na ma, ya Bumbulvuŋ, gi mezle ɗu ati ɓimujuwa mitaˀ gar waɗ gi jeŋŋe asi ruwuyo y'anta i pula gi naŋ mbak le ta. Yawwa! Maciriy hiri i nah so. I ya Bumbulvuŋ maɓi.

HABAKUK 2:9

Kum malumaka migir da hay kumoyo ti slir, ɓa ngi luuma li cifi ngi mizli madiɗahay, ngi girjaha bonoyo kileŋ avra na, kay kum ar bonoy!

SOFONI 1:18

Ar hin Bumbulvuŋ masa ji mevel na, ko ɓiri bara taŋ, ko ɓiri tapasl tapasl taŋ, anta sa laha taŋ gu ta. Ar hin Bumbulvuŋ masa wuɗ vu suloŋ suloŋ na, vu ngi himaˀ ngi Bumbulvuŋ a sa zuma ruwuyo kap wãˀ, asi a sa bul vu culok a sa ngizla mizli ngi si ruwuyoyo pay gar.

Matiye 19:25

Mizli ngi seˀehey micinaka ɓi hana na, a zuma taŋ hirnga teˀe, a ɓam: «Da kine na, mbur masa lih ada kwa?»

Mark 1:27

Taŋ gar, ɓi nah a zuma taŋ hirnga le haɗi, a zlaka a cufuɗam vu ar wala taŋ, a ɓam: «I ɓi wana hana ma ska? Hana i dubun nawaya ngi mbur miwi li hã a wa setenehey, a cinakaŋ mi!»

Mark 10:23

Yesu a bula hiri bal bal a cikeˀe akẽh na, a ɓa mizli ngi seˀeheye: «Kay, naŋ tuwaˀ ɓa misi zlilihey a cam ng'ar zumabuy ngi Buymisemuŋ!»

Ɓimezle ngi Yesu Kristu LUK mitil di mi 16:14

Farisahay micinaka ɓi nah gar na, a singiram ar Yesu, asi a wuɗam dala haɗa.

Ɓimezle ngi Yesu Kristu ZAŊ mitil di mi 13:33

Ziri ɗuwoy, y'anta zik ati kumo haɗa mata. Ki sa ram ti sipikiy, amma ɓi ya miɓa da Yudehey na, wurenna yi ɓukum di da kum aya muduba: ‹Li ya maru ng'ara na, kum anta ram gu ta.›

Ɓimezle ngi Yesu Kristu ZAŊ mitil di mi 21:5

Dar Yesu a ɓa taŋ: «Gawlahay, ki jam kilife le neˀ kwa?» A mbiɗakaŋ di: «I jam ta.»

Ɓimezle ngi Yesu Kristu ZAŊ mitil di mi 6:60

Mizli haɗa a wuzla mizli ngi seˀeheye, a dirba taŋ micinam ɓi hana na, a ɓam: «Ɓi hana naŋ tuwaˀa. Macina gu i waka?»

GALATAY 4:19

Ziri ɗuwoy, ya mawuɗ kum haɗa, i ra si bonoy haɗa vur kumo ma, bonoy misi ka ngi ngwas mayi, hã tapas Kristu misa kicuw le a hur kumo.

TIMOTE MUDUMBUŊ NAŊ 6:17

Mizli misi ti zlili ngi ruwuy hanayna, ɓa taŋ: anja a huhumom vu ta, anja a njaham hiri asi zlili mandir caˀa gisiŋ ta na ta. Amma anja a njaham hiri angi Buymisemuŋ mavula ndra zlili haɗi, ɓa i mumulom di na.

ZAŊ MUDUMBUŊ NAŊ 2:1

Ziri ɗuwoy, ya matuhukum ɗerewol hana na, ɓa ki gam mungra ta. Amma da a sa ndilo le avu mburo, a gi mungra le na, ndr'ada ti mbur mijiniˀis asi ndra a mbuŋ Cine ndra. I Yesu Kristu, mbur mijeŋŋe.

ZAŊ MUDUMBUŊ NAŊ 4:4

Kumo so na, ziri ɗuwoy, kum i mizli ngi Buymisemuŋhoy, ki paka hirnga le da mijiviɗ misi slir tayna, asi ˀUf misi a hur kumo, naŋ gidaŋ haɗa fineˀ misi ar duniya.

ZAŊ MUDUMBUŊ NAŊ 5:21

Ziri ɗuwoy, jiginaka vu kum avu kuliheye.

ƁIMUNJUYO 3:17

Asi ka maɓi: ‹Yi misi zlili, yi gi zlili le ar gwat gar, gwat makiciy anta.› Dambalaka ki muvuso, ka geˀ ˀircece, ki misi viya, ka gulndiŋ kine, yo ki dangar na, ki si na ta.