Mark 10:11 - Bible en langue guiziga

¹¹ A ɓa taŋ: «Da mbur a ɓula ngwas naŋ le, a zuɓ mekelem le na, naɓa a gi madama le avu ngwas naŋ mudumbuŋ.

Mark 10:11 ပူးပေါင်းရင်းမြစ်များ

Matiye 19:9

Yi ɓukum na: da mbur ara ɓula ngwas naŋ, ɓa a zuɓ mekelem na, a gi di i madama, sey da a zuɓa zleˀe kaɓa Ɓimujuwa mawuɗ ta far.»

Mark 10:10

Ti taŋ mindilam a haya na, mizli ngi seˀehey a cufuɗaka Yesu vur ɓi nah ma.

Ɓimezle ngi Yesu Kristu LUK mitil di mi 16:18

Mbur gar muɓula ngwas naŋ le, yo a zuɓ mekelem le na, a gi di i madama. Mbur mazuɓa ngwas muɓula le kwana, i migi madama ya.

ROMAHAY 7:3

Da kaɓa a sliˀi le ti zil naŋ misi angi siifa aruŋ na, a sa zilaka migi madama. Amma da zil a muc le na, naɓa ɓimujuwa anta juwaŋ mata. Da ko a zuɓ zil mekelem le kwana, a gi di i madama mata.

KORENTIHEY MUDUMBUŊ 7:4

Dumvu ngi ngwasa, inga naŋ ta, i ngi zil naŋ. Yo dumvu ngi zile kwana, inga naŋ ta ya, i ngi ngwas naŋ.

Slu cuw 24:2

Naŋ ngwas tuwa mibi le ti hay naŋ na, a zuɓ zil mekelem.

HEBEREY 13:4

Anja mbur a pura ɗuvavu ngi zil ati ngwasa, i gwat mupuɗaw. Anja zil ati ngwas a ndiram teŋteŋ ar wala taŋ. Asi sulomehey ati migi madamahaya, Buymisemuŋ a sa ga taŋ kiita.