Mark 10:1 - Bible en langue guiziga

¹ Ti Yesu mucuh ti kẽh na, aru nga hirwuy Yude, a dubazaw Zurdeŋ. Zigiduw a kus le gun hirnga naŋ, a dubuna taŋ gwat kaɓa naŋ maga hõyyõ tuwa mani.

Mark 10:1 ပူးပေါင်းရင်းမြစ်များ

TILA MI 12:9

Gwat ngi buc nga mi sinmijileŋ ngi mbur misi sinmijileŋ, n'ani: a dubuna sin ngi gi gwata le da mizli ma, a wunjul mi kicuwuloy le haɗa, a ɗumburo ɓi taŋ le, yo a cinjaha taŋ le, vur cala vur cala.

ZEREMI 32:33

A mbiɗikiy di i duba, mbak mbuɗo hiri ng'avi ya le jaka. I ra dubuna taŋ gwata, ko anta mbak le ta ngbaŋ kwana, anta cinam ta, anta tiɓaka dubun ɗu ta.

Matiye 26:55

Ti nah na, Yesu a ɓa zigiduwo: «Ki soko ti maslalamay ati gandayay nga ji ɗu kaɓa yi mufuyo vu mbrike? Hin gar y'ada joˀ, i ra dubun gwat da mizli ar hay ngi Bumbulvuŋ, ko ki jikiy ta.

Matiye 4:23

A dirba nah na, Yesu a bula hirwuy Galile gar, a dubuna gwat da mizli ar hay ngi dira dibiɗ taŋhaya, a til mi ti Ɓimezle ngi Zumabuyo, a mbul misi jijihey wal wal ati misi ble ngi wuzla mizli gar.

Mark 1:21

Yo Yesu ati mizli ngi seˀehey a cam ng'ar walahay Kapernahum. Ngi pas sabat na, Yesu a ci ng'ar hay ngi diradibiɗ, a dubuna gwat da mizli.

Mark 10:2

Farisahay a kirohoko ng'ava, ɓa a cam a kwacay naŋ, a cufuɗakaŋ: «Ɓimujuwa ndra a pula jiviɗe le, ɓa mbur a ɓula ngwas naŋ kwa mbrike?»

Mark 12:35

Yesu a dubun gwat da mizli ar hay ngi Bumbulvuŋ a Zerusalem, a ɓi: «Buy ngi ɓimujuwahay a ɓam, Mesi i mangal ngi Davit na, mbri mbri maka?

Mark 14:49

Vur hin gar na, y'ada ati kum ar li dubuna gwat da mizli ar hay ngi Bumbulvuŋ a Zerusaleme, ko ki jikiy ta. Amma a gi kahana, ɓa Ɓimutoho gar a gi muduba.»

Mark 2:13

Yo Yesu a mi nga mi yam madiɗa tuwa a muŋ ma. Zigiduw gar ara so ng'avaŋ, a dubuna taŋ gwat.

Mark 4:2

Joˀ a dubuna taŋ gwatay haɗi, a wa taŋ di weˀ ti wi. Yo naŋ madubuna taŋ gwat na, a ɓa taŋ:

Mark 6:2

Ngi pas sabat na, a zla dubuna gwat da mizli ar hay ngi diradibiɗi. Micin naŋhaya, taŋ haɗi, a ga taŋ welele, a ɓam: «A lumo ɓi hana vuna amaka? A vulakaŋ sinmijileŋ wana hana maka? Hã cekenehey kwana, ara gam a haŋ naŋ!

Mark 6:34

Yesu mabo tir palalama, keɗ na, zigiduw sikiniy. ˀIrcece a gaŋ haɗi ti taŋ, asi taŋ kaɓa tumuŋ manja mijiginey. Dar a zla, a dubuna taŋ gwatay haɗi.

Mark 6:6

Taŋ mitiɓakaŋ ta na, a zuma hirnga le da Yesu. Dar Yesu a bula prok ngi hirwuy nah gar, bal ti dubuna gwat da mizli.

Ɓimezle ngi Yesu Kristu ZAŊ mitil di mi 10:40

Yesu a mi nga dubazaw Zurdeŋ, ar li Zaŋ mizla ci mizli ar yam na, a cifi a diga.

Ɓimezle ngi Yesu Kristu ZAŊ mitil di mi 11:7

A dirba nah so na, a sa ɓa mizli ngi seˀeheye: «Mukum nga hirwuy Yude.»

Ɓimezle ngi Yesu Kristu ZAŊ mitil di mi 18:20

Yesu a mbiɗaŋ di: «Yi ɓa le njah a mbuŋ mizli gar, y'ada i dubun gwat ndrehhe da mizli ar hay ngi dira dibiɗey waɗ ar hay ngi Bumbulvuŋ, li Yudehey gar macikilam anga, amma ko yi ɓi ɓi yaŋ ti yaŋ neˀ ɗaˀ ta.