Mark 1:21 - Bible en langue guiziga

²¹ Yo Yesu ati mizli ngi seˀehey a cam ng'ar walahay Kapernahum. Ngi pas sabat na, Yesu a ci ng'ar hay ngi diradibiɗ, a dubuna gwat da mizli.

Mark 1:21 ပူးပေါင်းရင်းမြစ်များ

Matiye 4:13

A pula Nazarete, ara cifi a Kapernahum, walahay misi a mi yam madiɗa, angi hirwuy ngi Zabuloŋ ati Neftali,

Matiye 4:23

A dirba nah na, Yesu a bula hirwuy Galile gar, a dubuna gwat da mizli ar hay ngi dira dibiɗ taŋhaya, a til mi ti Ɓimezle ngi Zumabuyo, a mbul misi jijihey wal wal ati misi ble ngi wuzla mizli gar.

Mark 1:20

Dar Yesu a zila taŋ kutum. Taŋ a pulaka cine taŋ Zebede ati migi slrahay a hur palalama, a sipakaŋ.

Mark 1:29

Ti Yesu mubam tir hay ngi diradibiɗe na, a ram deŋŋe ngi hay Simoŋ ati Andre. Zak ati Zaŋ a ram aseˀeŋ ya.

Mark 1:33

Mizli ngir walahaya gar, a kusom a mizlingre Simoŋ.

Mark 1:39

Joˀ a bula hirwuy Galile gar, a dubun gwat da mizli ar hay ngi diradibiɗ taŋhay, yo a ɓul seteneheye ma.

Mark 10:1

Ti Yesu mucuh ti kẽh na, aru nga hirwuy Yude, a dubazaw Zurdeŋ. Zigiduw a kus le gun hirnga naŋ, a dubuna taŋ gwat kaɓa naŋ maga hõyyõ tuwa mani.

Mark 2:1

Hin neˀ a dirba nah na, Yesu a mi nga Kapernahum. Yo mizli a cinaka le, a ro haya.

Mark 3:1

Yo Yesu a ci ng'ar hay diradibiɗ tuwa ma. Mbur mekelem ada akẽh na, haŋ i mumuca.

Mark 6:2

Ngi pas sabat na, a zla dubuna gwat da mizli ar hay ngi diradibiɗi. Micin naŋhaya, taŋ haɗi, a ga taŋ welele, a ɓam: «A lumo ɓi hana vuna amaka? A vulakaŋ sinmijileŋ wana hana maka? Hã cekenehey kwana, ara gam a haŋ naŋ!

Ɓimezle ngi Yesu Kristu LUK mitil di mi 10:15

Na ka, Kapernahum, kisa zuɓ sesẽŋ a dadala muŋ kwa? Eyˀeh, kisa pi sar sesẽŋ ar li cifi ngi mizli mumucahay.»

Ɓimezle ngi Yesu Kristu LUK mitil di mi 13:10

Ngi hin ngi sabat mekelem ada na, Yesu ara dubun gwat da mizli ar hay ngi dira dibiɗ.

Ɓimezle ngi Yesu Kristu LUK mitil di mi 4:16

Yesu a so a Nazaret, walahay, naŋ migil angaŋ. Ngi hin ngi sabat na, a ci ar hay ngi dira dibiɗ, ka naŋ maga hõyyõ. A slikiɗ ɓa a sluf ɗerewol.

Ɓimezle ngi Yesu Kristu LUK mitil di mi 4:23

Dar a ɓa taŋ: «Mizli ndrahay maɓam: ‹Doftor, mbulo hirnga ɗike ti haŋ ɗike› na, ko mbri, kisa ɓikiy di zleˀe si. Yo ma na, kisa ɓikiy: ‹Gwatay, ka miga taŋ a Kapernahum gar na, i cinaka ɓi taŋ le. Inga ga taŋ aka, angi walahay muyukuw anga na y'ayɗi.›»

SLRA 17:2

Pol ara luuma Yudehey anga kaɓa naŋ maga hõyyõ. Hin ngi sabat aseˀe aseˀe sar makir, ara ɓa taŋ mingiɓi ngir Ɓimutoho.

SLRA 18:4

Tapas sabat gar na, Pol a ɓi ɓi ar hay ngi diradibiɗ taŋ, a wuɗ ɓa Yudehey ati Grekey a tiɓaka ɓi naŋ.