MALASI 3:2 - Bible en langue guiziga

² Ti naŋ masa so na, masa ɓusa ɓi nah gu i waka? Ti naŋ masa bugo vu na, masa cici deŋ a muŋ gu i waka? Asi naŋ kaɓa vu munjulili mapam di ɓiri, kaɓa zabun mabunam di zana.

MALASI 3:2 ပူးပေါင်းရင်းမြစ်များ

ZLI VIRZI 19:28

A pur hiri kini nga Sodom, Gomor ati hirwuy ngi ciki taŋhay gar na, a pur cunju tirslik, ara ngis zle a ruwuy nga muŋ ka hay mawur.

Ɗerewol JOP 28:1

Gisiŋ, li maloko ɓiri bara ti raˀa na, yo li mabunam ɓiri tapasl tapasl ara na, ada.

DIMISEY 130:3

Bumbulvuŋ, da ki ra ja mungra ndrahay a kwacay na, masa ndir ti siifa i waka?

DIMISEY 2:7

Ya buy madiɗa, i sa til mi ti ɓi micica, Bumbulvuŋ a ɓiy na: «Ki mangal ɗu, i yuw le nga dana.

DIMISEY 76:7

Buymisemuŋ ngi Zakop, ka mubuca taŋ ɓar na, mota ngi vurumoy ati pilis miɗiɗi taŋhaya gar a tikam is le.

MIKUCUWULOY 25:4

Bi ti malambaˀ ngi ɓiri bara avra, joˀ mbur muluwusla ɓiri, a bo di mejejeŋ njiraŋ.

EZAYI 1:18

Ya Bumbulvuŋ i ɓi: «Soko i kiɗam slir. Da mungra kumoy taŋ cihhe na, a sa pusluɗam ndazl ndazl kaɓa yam. Da taŋ ndez ndez wãˀ na, a sa tiram kaɓa ngwic ngi tumuŋ babaraŋ.

EZAYI 33:14

Angi ruwuy Siyoŋ, migi mungrahay ara zluwunam, miziriɗa mihey ara jijikam. A ɓam: «I vu mazum li, masa cici zlak asi ndra gu i waka? I vu minjulili, masa cici zlak asi ndra gu i waka?

EZAYI 4:4

Ti Bumbulvuŋ misa zuɓa dili ngi ziri diili ngi Siyoŋhoyo le, yo naŋ misa buna pumbus ngi mizli Zeruzalemeye le ti himiɗ ngi kiita mijeŋŋe, yo ti himiɗ ngi vu na,

ZEREMI 2:22

Anja ko da ki bunam ti muguduwuŋ, ko ki tikam sabuno kiteka gar na, malambaˀ kum na, naŋ da a pur ndilimme a mbuŋ ɗu na si. I ya Bumbulvuŋ Buymisemuŋ maɓi.

EZEKIYEL 22:14

Tapas ya masa guw ɓi na, kisa lum gidaŋ a mevele, yo haŋ ɗikey a sa ndiram gidaŋ gidaŋ gu aruŋ kwa? Ya Bumbulvuŋ, yi ɓa ɓi, joˀ yi gaŋ.

DANIYEL 11:35

A wuzla misi lesley na, mekelemey a sa micam, ɓa pumbus taŋ a bi ti malambaˀavra, a buna mungra, a pusluɗa taŋ ndazl ndazl hã avu kiɗa mi ngi hin, asi a sa ndilo sey angi hin naŋ.

ZOWEL 2:11

Bumbulvuŋ, naŋ ara ɓi ˀay kaˀ a muŋ, a mbuŋ soje naŋhaya. Soje naŋhaya taŋ haɗa teˀe: yo migi gwat, naŋ maɓa ɓi naŋ na, naŋ gidaŋ. Hin ngi Bumbulvuŋ i hin madiɗaŋ, a gi zluwun haɗi wãˀa: mbur maɓusa gu ada kwa?

NAHUM 1:6

Macici avu himaˀ naŋ gu i waka? Da naŋ miji mevel le na, maɓusa ɓi nah gu i waka? Ji mevele mufõh fõh na, a slikiɗ ka vu matiɓi giw giw, mandazlay muwãhaya a ndislam kpah kpah a mbuŋ naŋ.

ZAKARI 13:9

Ziri mindiram ngac li taˀ purla tuwa na, i sa pura taŋ ar vu. Kaɓa mapam ɓiri bara malla ɓiri tapasl tapasl ti vu na, i sa pa taŋ kanah ya. Dar taŋ a sa zilaka slimiɗ ɗu, yo ya i sa cine taŋ di. I sa ɓi vur taŋ: «I mizli ɗuwoy», yo taŋ a sa ɓam vur ya: «Ya Buymisemuŋ taŋ, yi Bumbulvuŋ.»

Matiye 25:10

Diyli gilawaya, ti taŋ maram nga hiɗika mal tuwa na, zil a ndilawa. Diyli werey muwam vu tuwa, a cam ng'ar hay ngi vula ngwasa jom ati zil tuwa. A gicaka mizlingre.

Mark 9:3

Zana naŋhay a mbiɗam wilik wilik, babara ndarara, ko mbur pal a ruwuyo mapusluɗa zana kanah gu, anta.

Ɓimezle ngi Yesu Kristu LUK mitil di mi 2:34

Simeyoŋ a ɗuwula taŋ mi, a ɓa Mariya, mumuŋ ngi Yesu: «Mangal hana, Buymisemuŋ a winaŋ le ngi hizigiɗa malla ngi slikiɗa Israyeley haɗa, yo ɓa a sa puraka Buymisemuŋ ava, amma mekelemey anta sa tiɓakaŋ ta.

Ɓimezle ngi Yesu Kristu LUK mitil di mi 21:36

Amma ki hinjam ta, diram dibiɗ ndrehhe, ɓa ki lumam gidaŋ ngi lih tir gwat masa ndilo gar, yo ɓa kisa cicam deŋ gu a mbuŋ Mangal ngi mburo.»

Ɓimezle ngi Yesu Kristu LUK mitil di mi 3:17

Naŋ kaw ti gungwa ngi kufa daw a haŋ ɓa ngi wunka mayam ati cekwesl naŋ. A sa hila mayam ngi dawa nga dirgwaɗ, amma cekwesl naŋ na, a sa wura ar vu mamuc ta.»

Ɓimezle ngi Yesu Kristu LUK mitil di mi 3:9

Zlimbe a ro taˀ avu slaslalak ngi widiseye si. Widis mayi mezle ta gar na, a sa bukokoŋ, a hizigaka ng'ar vu.»

Ɓimezle ngi Yesu Kristu LUK mitil di mi 7:23

Mbur mapula tiɓi naŋ asi ya ta na, naŋ ar mumul!»

Ɓimezle ngi Yesu Kristu ZAŊ mitil di mi 8:55

Kumo, ki sinakaŋ ɗaˀ ta, amma ya i sinaŋ le. Da yi ɓi le i sinaŋ ta na, ɓa yi tiri misi slir le ka kum vuna ya. Amma yi sinaŋ le, i ra ja mingiɓi naŋ a hirnga.

HEBEREY 12:25

Jam lesl so, mbur maɓukum na, ki cinakaŋ di, ki slam himaˀ ta. Mizli mislam himaˀ ngi cine mi ngi mbur miɓa taŋ ɗaˀ ɗaˀ le a ruwuy aka, da a laham avu kuti ti bonoyo ta na, ndra, da i ra mbiɗam duba avu mbur maɓo ndra paɗ ti muŋ na, i sa laham ava gu mbri mbri jak ka?

ƁIMUNJUYO 19:8

A vulakaŋ ngi ki, i zana ngi gabaga mislirkeɗ slirkeɗ, ngilew ngilew, hetette. Asi gabaga hana, i slra mijeŋŋe ngi mizli ngi Buymisemuŋhoy.»

ƁIMUNJUYO 2:23

I sa kiɗa zir naŋhaya vagay vagay, ɓa kahana na, cikil ngi misikristuhoy gar a sa sinaka, ya, yi misina wuluk ngi mizli ati gwat taŋ mawuɗam a mevel taŋ. Yo ko wa gar a wuzla kumo, yi sa vulaŋ migir naŋ weˀe avu slra naŋ.

ƁIMUNJUYO 6:17

Asi hin madiɗa ngi zuɓa himaˀ taŋ na, a ndilo le. Macici zlak gu, i waka?»

ƁIMUNJUYO 7:14

Yi mbiɗaŋ di: «Buy ɗu, misina, i ka!» Dar a ɓiy: «Taŋ i mizli mucohoko baɗ tir bonoy madidiɗa. A bunaka jibe taŋhaya le, yo a pusluɗaka taŋ le angi pumbus ngi tumuŋ.

SAMUYEL MUDUMBUŊ NAŊ 6:20

Dar mizli Bet-Semesey a ɓam: «Bumbulvuŋ Buymisemuŋ, mipal hana, masa cici a mbuŋ naŋ gu i waka?» Yo Anja a kirih kileŋ avu ndra, na ngi hay waniy ka?