MALASI 2:2 - Bible en langue guiziga

² Da kum anta cinam ta, yo da kum anta tiɓaka a mevel kumo ngi cikikiy hirnga ta na, i sa nisukum, yo ya muɗuwulukum mi zleˀe na, i sa tiri di nis. Naŋ kanah, i sa tiri di nis na, asi a wuzla kumo, ko mbur purla matiɓa ɓi nah a mevele, anta.

MALASI 2:2 ပူးပေါင်းရင်းမြစ်များ

DIMISEY 69:22

Mesene ɗuwoy a pikiy slalak le ar gwat ngi zumo, yo da yam ara giy ma na, a vulikiy mbaazla mikwereke.

MIKUCUWULOY 3:33

Bumbulvuŋ a nisa hay ngi mizli misi moˀoreheye, amma a ɗuwula mi da hay ngi mizli mijeŋŋeheye.

EZAYI 42:25

Vurˀe, a vunaha mevele ati himaˀ naŋ ngi vurumo ng'ar Israyeleye. Mevel naŋ a tiɓi ka vu ngi hay mawur, gun hirnga taŋ, amma ko Israyeley a ngumam sin naŋ ta, a zluma taŋ zlam zlam kap, amma ko a wulkam neˀ le ta.

EZAYI 47:7

Ki ɓi zleˀe na: «I sa ndir maˀãy maˀãy ndrehhe, hã ngi sete.» Gwat mucuhom tayna, ko ki ki slimiɗ ar taŋ ta, ki wuluk ar misi nga mbuŋ ta.

EZAYI 57:11

Mugukum zluwun haɗa i wa, ɓa hã ki gikiy gilaw kahana, ki wulkam keŋ ar ya mata na ka? Ki kikiy ɓaˀ le a mevel kumo ta. Yi ndir teˀteˀ, a zik le, kum mazluwunam ti ya mata na vurˀe.

ZEREMI 34:17

Bumbulvuŋ a ɓi na: «Yo mbak ɗagay so, anja zleˀe ki tilam mi ti ɓi ngi pula sukum kumoy, kum misi angi hirwuy purla na, amma ani ki cinikiy mi ta. Na ya, yi sa til mi ti ɓi ngi pul kum mbak da maslalam, da jiji mozorbono waɗ da may a ngizlukum. I sa ga ɓa zumabuy ngisi ruwuy kurzluˀ gar mupurukum le na, a zluwunam ti ɓi kumo kirkir. I ya Bumbulvuŋ maɓi.

EZEKIYEL 3:7

Amma mizli Israyeleye, taŋ, t'anta sa cinukuw mingiɓi ɗike ta, asi t'anta ngumam cinikiy mingiɓi ɗu ta. Asi mike na, mizli Israyeley gar na, hirnga taŋ gidaŋ, yo ɓi anta ci a mevel taŋ ta.

Ɗerewol AZE 1:6

Ki zligam gwat le haɗa, amma ki gam sifi ngi gwata keɗece, ki ra zumam, amma kum anta mbam ta, ki ra sam, amma anta pusukukum vu pusak ta, ki ra kam zana, amma anta gukum gippe ta, yo migir ngi mbur migi slra, a pi zuk kaɓa tir gabal misi mifiliw.

Ɗerewol AZE 1:9

Ki njaham hiri, anja ɓa ki lumam gwat ngi migama haɗa, amma kisa lumam neˀkini. Gwat ngi migam kumoy, kum miram taŋ le ngi haya na, i ˀufo himiɗ ara, a zliɗa hirnga naŋ mber mber. A gi kanah vur mike? Bumbulvuŋ misi gidaŋ wãˀa, a ɓukum: A gi kanah na, vur hay ɗu a tiri diŋ le, amma kumo so na, mbur gar na, ara wus vu ngi ɗiya hay nga naŋ nga naŋ.

MALASI 2:1

Kum masayay, wurenna i ra kukum mumuyuŋ ngi zay sla a slimiɗ:

MALASI 3:9

Vurˀe, nis ɗu a jukum le wãˀ, asi kum mizli keɗeɗe gar na, ki gam di i gilaw da ya.

Ɓimezle ngi Yesu Kristu LUK mitil di mi 17:18

Ko mbur pal asi taŋ mumo nga ga sise da Buymisemuŋ anta, sey mbur Samari hana tewle si kwa?»

ZOZUWE 7:19

Zozuwe a ɓa Akan tuwa: «Mangal ɗu, vula dudok da Bumbulvuŋ, Buymisemuŋ ngi Israyele, yo hunumaŋ. Gwat ka miga na, bigiy di, anja ki ɗum gwat avu ya ta.»

PIYER MUDUMBUŊ NAŊ 4:11

Da mbur a ɓi di i ɓi na, sey a til mi ti ɓi ngi Buymisemuŋ. Da mbur a gi di i slra na, sey a ga ti gidaŋ Buymisemuŋ muvulaŋ di, ɓa mizli a hunumaka Buymisemuŋ kuy kuy wãˀ tisi Yesu Kristu, misi ti dudok waɗ gidaŋ hã ngi set ngi samadin! Amin.

ƁIMUNJUYO 14:7

Modro tuwa a til mi ti gidaŋ: «Zluwunam ti Buymisemuŋ, yo gakaŋ dudok, asi pas, naŋ masa sla kiita da mizli na, a ndilo le. Dilkam a mbuŋ Buymisemuŋ miga muŋ ati hirwuy, mubuliy ati miviɗiviɗi ngi yamaya.»

ƁIMUNJUYO 16:9

Naŋ mazlum ŋcoˀ ŋcoˀ haɗi, mawura mizli tuwa na, dar mizli a zaka Buymisemuŋ misi ti gidaŋ ar bonoy tayna. Amma ko t'anta zilam marava a mevel taŋ, ɓa a vulaka dudok da Buymisemuŋ ta na si.