MALASI 1:9 - Bible en langue guiziga

⁹ A dirba nah so na, ki tumbulikiy ya Buymisemuŋ, ɓa i purukum ircece. Magaka kahana gar na i kum. Y'ada i sa tuɓukum ti mevel purla sukwani? Macufuɗ kahana i ya Bumbulvuŋ misi gidaŋ wãˀa?

MALASI 1:9 ပူးပေါင်းရင်းမြစ်များ

ƁI NGI HINEY MUCUW NAŊ 30:27

A dirba nah na, Levihey masayay a slikiɗam, a ɗuwulaka mi da mizli. ˀAy ngi diradibiɗ taŋ a ndil sesẽŋ a muŋ, ar li Buymisemuŋ mipal misi anga, a tiɓa diradibiɗ taŋ.

BI NGI ISRAYELEY 32:11

Amma Moyis a tisla mevel da Bumbulvuŋ Buymisemuŋ naŋ, a ɓaŋ: «Bumbulvuŋ, sukwi ɗik ka mubo di ti hirwuy Ezipte ti gidaŋ ɗik mihaɗi, yo ti hirbazla ɗik migidaŋ na, ki ji mevel ar taŋ vur mike?

ZEREMI 26:19

Ani Ezekiyas, buy Zuda ati mizli naŋhaya, a kiɗaka mijiviɗ Mise le vagay kwa? Ezekiyas a zluwun ti Bumbulvuŋ, yo a tislaŋ mevel le ta kwa? Dar Bumbulvuŋ a pula hiryi, naŋ ɓi micica ɓi nah ngi ga taŋ di zleˀe na. Ani da i ra gam di i mungra madiɗa nga hirnga ndra kwani.»

ZEREMI 27:18

Da taŋ i mijiviɗey, yo ɓi ngi Bumbulvuŋ ada a hur taŋ na, anja a hurdumom hirdam avu Bumbulvuŋ misi gidaŋ wãˀa, ɓa gazlangahay misi ar hay ngi Bumbulvuŋ, a hay buy waɗ misi a Zeruzalem aruŋ na, a hilaka taŋ nga Babiloŋ ta jaka.

TUWUY 2:19

Ka mupuɗuk le ti duvuɗ gar na, slikiɗi, tuwuy ng'avu Bumbulvuŋ. Zuko ɓi ngir mevel ɗike, kaɓa yam a mbuŋ Bumbulvuŋ. Tumbuloŋ haŋ sik ng'avaŋ, ɓa ngi laha siifa ngi ziri memeɗe ɗikey, mandilam nguruf nguruf ti may ar mazlaka jiviɗey gar na.

ZOWEL 2:12

Bumbulvuŋ a ɓi: «Moko ng'avi ya zle wurenna, ti mevel kum wãˀ, gam dalyam, tuwam, tuwam kaɗam kaɗam.

ZOWEL 2:17

Masayay ati mizli ngi slra ngi Bumbulvuŋhoyo, ara tuwam ar hay ngi Bumbulvuŋ, ar wala ngi jawleeru ati li gi mikuli. Anja a tumbuloko Bumbulvuŋ, a ɓam: «Bumbulvuŋ, pura ircece da mizli ɗikeye, anja ki pula mizli ɗikeye mesem mesem ta, ɓa sukwi mekelemey a singiram ar taŋ ta, ɓa a ɓam: «Bumbulvuŋ taŋ naŋ amaka?» ta.

AMOS 5:22

Da kum migikiy mikuli mizlam zlam wãˀa le, waɗ mikuli ti gwat ngi migam kumoyo le na, ko ya mahiyĩ loŋ anta. Mikuli kum magikiy di ti gwat misãmi muzlumburahay na, y'anta ɗuva hiri taˀ le ara ta.

Ɓimezle ngi Yesu Kristu ZAŊ mitil di mi 9:31

I sinaka le, Buymisemuŋ anta tiɓa mi ngi mizli migi mungraˀahaya ta, amma a tiɓa mi ngi mbur mazluwun di, yo magi gwat naŋ mawuɗo.

ROMAHAY 2:11

Asi mike na, avu Buymisemuŋ, mizli gar, taŋ rak rak si.

PIYER MUDUMBUŊ NAŊ 1:17

Buymisemuŋ maga kiita da mizli gar ti jiviɗ mupurla, weˀe avu gwat ngi gi taŋ na, da kum mira diram dibiɗe, ki ra zilakaŋ, Cine kum na, ɗuvakaŋ hirnga ar gwat ngi gi kum gar angi hin ngi siifa kum mindir a ruwuy aka.