MALASI 1:2 - Bible en langue guiziga

² Bumbulvuŋ a ɓi na: «I ra wuɗukum», amma kumo, ki ɓam: «Mabiga ki ra wuɗa ndra vuna i mike?» Bumbulvuŋ a mbiɗa taŋ di: «Esaw i sukum ngi Zakop takwa? Amma yi wuɗ di i Zakop. I ya Bumbulvuŋ maɓi.

MALASI 1:2 ပူးပေါင်းရင်းမြစ်များ

ZLI VIRZI 25:23

Bumbulvuŋ a mbiɗaŋ di: «I sukwi cuw misi a kwacay ɗike, i sukwi ngi mizli wal wal cuw masa boko tivi ka. Mekeleme a sa funa numuŋ ti gidaŋ, madiɗaŋ a sa gi gawla ngi meciɗeke.»

ZLI VIRZI 25:25

Mubo dumbuŋ, naŋ gagaza, vu naŋ gar i ngwic ka garak ngi ginew, a zilaka Esaw.

ZLI VIRZI 25:26

A dirba nah, sukum naŋ a bawa, haŋ naŋ kpak kpak a vi mododok sar ngi Esaw, a zilaka Zakop. Ti taŋ miyaka taŋ na, naɓa Izaka naŋ ti vi kukur merkeɗe.

ZLI VIRZI 27:33

Izak a wus ngbaˀngbaˀ, a ɓi: «Na, muru nga cikiɗ, muso ti useˀ ngi ɓuh na, i wa so? Ka misa cawa na, naɓa i zuma gwataya le gar. I ɗuwulaŋ mi le, yo ɗuwula mi a sa ndir angi naŋ.»

ZLI VIRZI 48:4

a ɓiy na: ‹I sa ga ɓa ki yi haɗi, ki sikam, ɓa i ɗuv ti ka sukwi ngi mizli taˀ taˀ mbeˀ mbeˀ. I sa vula hirwuy hana da dideˀ ɗikey, ɓa a ndir wãˀ da taŋ a dirba ɗike.›»

BUYOY MUDUMBUŊ NAŊ 10:9

Bumbulvuŋ, Buymisemuŋ ɗik, muwunuw ɓa ki zum buy ar Israyeley na, sey i gakaŋ sise. Bumbulvuŋ mucufuw ki buy, ɓa ki zum buy ti jiviɗ mikaslsla, jeŋŋe na, asi ara wuɗ Israyeleye, hã ti vunaka gar.»

BUYOY MUCUW NAŊ 3:8

Yo a ɓaŋ ma: «I sa cohom tir jiviɗ wanaka?» Zoram a mbiɗaŋ di: «I sa cohom tir jiviɗ ngi wuzlaɓuh mikirɗak kirɗak ngi Edom.»

EZAYI 43:4

Asi mike na, kum puɗaw haɗa a mihiri ɗu, kum ɗongor, yo i ra wuɗukum. Vurˀe, i vul sukwi ngi mizli taˀ ar deɗe kumo, zigiduw taˀ ngi mbiɗa hirnga kumo.

EZAYI 63:1

Mbur maso tir walahay Bosra, angi hirwuy Edom, zana ɗuw ɗuw gagaza na, i waka? Zana mimezlehey ɓaˀ ɓaˀ avu vu, a so hirnga kaˀ a muŋ, a si na vu naŋ le, naŋ gidaŋ. Bumbulvuŋ a ɓi: «I ya mbur maɓi ɓi mijeŋŋe, misi ti gidaŋ ngi laha mizli ɗuwoy.

ZEREMI 2:31

Kum mizli migwenehey, cinaka mingiɓi ngi Bumbulvuŋ! Ani yi tiri le avu Israyele, yi wuzlaɓuh mikirɗak kirɗak sukwa? Malla yi hirwuy misi luvuŋ timbiɗim avu taŋ sukwa? Na mizli ɗuwoy a ɓam: «I ram ng'ar li ndra muwuɗam le, ko i moko ng'avi ka mata na, vur mike?

ZEREMI 2:5

Bumbulvuŋ a ɓi na: Dideˀ kumoy mupulikiy na, a lumam zluɓ mi avu yaka? A kilam ngi ru ti sipi gwat lambaˀ kine, mbak ani taŋ vuna a tiram le ka gwat lambaˀhay.

ZEREMI 31:3

A sa ɓi: ‹Bumbulvuŋ a bigiy vu le deŋ kileŋ.› Joˀ yi mbiɗaŋ di: ‹Yi ra wuɗ ka zle misi ngadana ta, yo ma na, ya maɗuɗo ka ng'avi ya na, asi ki ngama ɗu.

AMOS 1:11

Bumbulvuŋ a ɓi ani: «I ra mbiɗa hirnga da mizli Edomoy, asi a gam mungra madiɗahay le haɗa, vendeke naŋ asi hana: A gidiɗaka sukum taŋ Israyeleye ti maslalam, pak paka, ko mesem neˀ a hiri tekeɗe anta. Taŋ misi mevel fõh fõh tuwa na, anta pulaka nguma vu mbak le ta, yo anta pulaka ji vu a kwacaya mbak le ta, a roko kaŋ kaŋ ara. y'anta pula ɓi ɗu ya mujuwa a mevel ɗu ngi gi na teˀ vur i taŋ si ta.

MALASI 2:17

Ki giraka Bumbulvuŋ ti mi kum mukoloŋ koloŋ na. Ki ɓam na: «Ndrˀada i girukuw kwa?» Asi kum maɓam: «Mbur magi malambaˀ na, naŋ kuy a mihiri ngi Bumbulvuŋ, yo mizli misi ka tayna a cirakaŋ hiri», yo ki ɓam ma na: «Buymisemuŋ migi kiita vuna naŋ maka?»

Ɓimezle ngi Yesu Kristu LUK mitil di mi 10:29

Amma naŋ a wuɗ a biga, naŋ i mbur mijeŋŋe, a ɓa Yesu: «Na, mbur cil ɗu vuna, i waka?»

Ɓimezle ngi Yesu Kristu ZAŊ mitil di mi 15:12

Ɓimuɗuva ɗu anihĩ: wuɗam vu ar wala kumo, kaɓa ya muwuɗ kum na ya.

Slu cuw 10:15

Ti zlezle na, Bumbulvuŋ mujum ati mizli ɓa a wuɗ taŋ na, ati cine kumoy, yo a dirba taŋ kwana, i kum dideˀ taŋhay, a wunukum a wuzla sukwi ngi mizli gar, kaɓa kum mapuraka dana ani na.

Slu cuw 23:5

Naŋ kine, asi ti kum maboko ti ruwuy Ezipte na, mizli tayna a sukum ti ɗaf ati yam nga jiviɗe ta. A ziloko baɗ ti Petor, hirwuy Mezopotami vay muŋ, Balaˀam mbur mupura daˀas, mangal ngi Behor, a vulaka taŋ dala ɓa a nisukum jaka.

Slu cuw 33:3

Haˀaw, Bumbulvuŋ a wuɗ sukwi Israyele, mizli nga naŋhay cek taŋ asi haŋ naŋ. A cikilam le cek asi sar naŋ, ara dubuna taŋ gwat.

Slu cuw 4:37

Bumbulvuŋ a wuɗ dideˀ kumoyo le, vurˀe, a wunukum, kum ziri taŋhay a dirba taŋ na, aseˀe. Yo naŋ vuna ti haŋ naŋ, a bo ti kum tisi ruwuy Ezipte ti gidaŋ naŋ mihaɗa na.