A ɓa taŋ: «Da ki ra cinikiy mi kuy kuy da ya Bumbulvuŋ Buymisemuŋ kumo, da ki ra gam gwat mijeŋŋe a mbuŋ ɗu, da ki ra cinaka ɓimuɗuva ɗu, da ki ra sipaka ɓimujuwa ɗuwoyo gar na, bonoy ya miga taŋ da Eziptehey na, y'anta sa gukum di ko pal asi taŋ ta. Asi, yi Bumbulvuŋ mambulukum avu jijihey.»
Li naŋ mici le anga gar, angi walahay ati walahay madiɗahay waɗ prokoy gar na, a soko ti misi jiji taŋhaya ng'ar li ngi luuma, a tumbuloko Yesu, ɓa a pula misi jijihey a wusaka mi ngi zana naŋ si. Muwus naŋhay gar na, a mbulom le.
A cifi ti dirba, a tuwuy ng'ar sar ngi Yesu, hã a bunaŋ sara ceɗ ceɗ ti tuwuyo. A sumuɗoŋ taŋ ti himac ngi hirnga, a jaŋ saraya paˀ, a pa taŋ urdi tuwa.
Ngwas mekelem ada akẽh ma, ara si bonoy ti nguf, anta sli sleˀ le ta, a gi di le vi kuruˀ nga cuw. A tika zlili naŋ le gar da doftoroy, ko mbur pal mumbuloŋ gu anta.
hã mizli a zuɓaka kecekece ngi puya liriɓi, malla zana muwusa Pol le duk gar, ɓa a soŋhoko taŋ da misi jijiheye. Dar jiji a muɗ mi tivi taŋ, yo setenehey a bam tivi taŋ.
Vurˀe, ara boko ti misi jijihey nga ciki jiviɗi, a hinaka taŋ angi arngawo ati kitihiney, ɓa Piyer masa cuh na, ko susuɗuk naŋ a sa ru zuwun zuwun angi mekelemey a wuzla taŋ.