Ɓimezle ngi Yesu Kristu LUK mitil di mi 8:21 - Bible en langue guiziga

²¹ A mbiɗa taŋ di: «Maha ati sukum ɗuwoy, i mizli macinam mingiɓi ngi Buymisemuŋ, yo majaka a hirnga.»

Ɓimezle ngi Yesu Kristu LUK mitil di mi 8:21 ပူးပေါင်းရင်းမြစ်များ

Matiye 17:5

Hirak ti naŋ maɓi aruŋ vuna si na, keɗ na, gazlavay minjazlazla a so sirta taŋ. Yo ay a cino tir gazlavay tuwa: «Mbur hana i Mangal ɗu ya mawuɗaŋ haɗa, ya hĩhĩyaŋ ɓa yi winaŋ! Cinaka mingiɓi naŋ!»

Matiye 25:40

Joˀ Buy a sa mbiɗa taŋ di: «Gisiŋ, yi ɓukum na: gwat kum migaka le, ko ngi vunaka gar da mbur pal a wuzla sukum ɗu mizlew muwãˀ tayna na, kite ki gikiy di da ya vuna si.›

Matiye 25:45

Dar buy a sa mbiɗa taŋ di: ‹Gisiŋ, yi ɓukum na: Ko ngivunaka gar, gwat kum mungumam gi naŋ ta da mbur pal a wuzla sukum ɗu mizlew muwãˀ tayna na, kite ki gaka ta da ya vuna si.›

Matiye 28:10

Dar Yesu a ɓa taŋ: «Ki zluwunam ta. A ra ɓaka sukum ɗuwoyo, sey a ram nga Galile, a sa purikiy a diga.»

Ɓimezle ngi Yesu Kristu LUK mitil di mi 8:15

Misi angi li mezle na, i mizli macinam mingiɓi tuwa ti mevel mezle, mukuy, yo majaka a hirnga, a hurdumom, hã a sikam.

Ɓimezle ngi Yesu Kristu LUK mitil di mi 8:20

Mizli a ɓaka Yesu: «Ti munuk ati sukum ɗikeye, t'ani dedeŋ avra, a wuɗam pur ɗike.»

Ɓimezle ngi Yesu Kristu ZAŊ mitil di mi 13:17

Da ki sinaka hana le, yo da ki ra gaka so na, kisa mumulom!

Ɓimezle ngi Yesu Kristu ZAŊ mitil di mi 20:17

Yesu a ɓaŋ: «Ki tikiy ta, asi yi ru ng'avi Baha t'aruŋ. Amma ka, ara luuma sukum ɗuwoyo, ɓa taŋ na: i ra ru le ng'avi Baha, Cine kum, ng'avu Buymisemuŋ ɗu, Buymisemuŋ kum.»

KORENTIHEY MUCUW NAŊ 5:16

Vurˀe, zle dana, ko ndr'anta sa puram mbur avu deŋ ngi vu ngi mburo mata. Ko da i sinaka Kristu le zleˀe avu deŋ ngi vu ngi mbur tekeɗe kwana, wurenna ndr'anta sinaka kanah mata.

KORENTIHEY MUCUW NAŊ 6:18

I sa tiri Cine kum, yo kumo, kisa tiram ziri ɗu mizile ati mongosohoy. Maɓi hana i ya Bumbulvuŋ misi gidaŋ wãˀ.»

Ɗerewol ZAK 1:22

Ki gam gilaw da vu kum tehhe a muŋ ta. Anja ki cinaka mingiɓi ngi Buymisemuŋ ti cin tew ta, amma gaka gwat naŋ maɓa vuna.

ZAŊ MUDUMBUŊ NAŊ 2:29

Ani, ki sinaka le, Kristu, naŋ jeŋŋe. Yo naŋ kanah ya, ko wa gar magi gwat mijeŋŋe na, i zuŋ ngi Buymisemuŋ.

ZAŊ MIMAKIR NAŊ 1:11

Yeme ɗu, ki sipa gi malambaˀa ta, amma sipi gimezleŋ. Mbur magi mezle na, i mbur ngi Buymisemuŋ. Amma mbur magi malambaˀ na, naŋ anta pura Buymisemuŋ ta.