Ɓimezle ngi Yesu Kristu LUK mitil di mi 7:6 - Bible en langue guiziga

⁶ Dar Yesu a ram bumoˀ. Naŋ mindil gweˀ avu haya na, madiɗa ngi sojehey a slino ngama naŋhay ɓa a ɓakaŋ: «Ki giro vu ta Buy, asi yi ndila ter ɓa ki ci nga viŋ ɗu ta.

Ɓimezle ngi Yesu Kristu LUK mitil di mi 7:6 ပူးပေါင်းရင်းမြစ်များ

ZLI VIRZI 32:10

A dirba nah, Zakop a dir dibiɗ: «Aw Buymisemuŋ ngi dideˀ ɗu Abraham ati ngi baha Izak, ka Bumbulvuŋ miɓiy: Mi nga hirwuy ɗik, nga wuzla muy ɗikey, i sa guw mezle tuwa na,

MIKUCUWULOY 29:23

Huhumo vu a hin ˀay da mbur, amma wuluk ngi hina hirnga na, a cika hirnga da mburo.

Matiye 20:28

Naŋ kanah ya, Mangal ngi mbur a so ɓa mizli a tiram gawla naŋhay ta, amma ɓa a tiri gawla taŋ jaka, ɓa a vula hirnga naŋ ngi mbiɗa hirnga ngi mizli haɗi.»

Matiye 3:11

«Ya i cukum ar yam na, ɓa a sin ki mbiɗaka mevele le. Amma mbur masa sawa a dirba ɗu na, naŋ a sacukum ar ˀUf Mipal waɗ ar vu. Naŋ gidaŋ fineˀ ya, ko tarak naŋ kwana, yi ndila ngi cuk naŋ ta.

Mark 5:24

Dar Yesu a ram cuwa. Zigiduw haɗi ara sipaŋ, ara ngislakaŋ ti ka ti ka gar.

Ɓimezle ngi Yesu Kristu LUK mitil di mi 5:8

Simoŋ Piyer mupura kanah na, a huruk huruk asi sar ngi Yesu, a ɓaŋ: «Buy, kirih kileŋ avu ya, asi yi mbur migi mungra.»

Ɓimezle ngi Yesu Kristu LUK mitil di mi 7:4

Mizli tuwa mindilam avu Yesu na, a tumbulokoŋ hirdam hirdam, a ɓakaŋ: «Mbur nah na, a ndila le ɓa ki jinaŋ.

Ɓimezle ngi Yesu Kristu LUK mitil di mi 7:5

Asi ada wuɗ sukwi ndra, yo mindira ndra hay ngi dira dibiɗe i naŋ ma.»

Ɓimezle ngi Yesu Kristu LUK mitil di mi 7:7

Ya mupura vu ɗu, i ndila ɓa hã ngi ru ng'avi ka ti hirnga ɗu ta na vurˀe. Ɓi ɗaˀ purla si na, gawla ɗu a sa mbul si.

Ɓimezle ngi Yesu Kristu LUK mitil di mi 8:49

Ti naŋ mira ɓi aruŋ na, mbur ngi hay Zayirus, buy ngi hay ngi dira dibiɗ tuwa, a ndilawa, a ɓa Zayiruso: «Zuŋ ɗik a muc le, anja ki gira Kumani mata.»

SLRA 10:38

Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ.

Ɗerewol ZAK 4:10

Hinam hirnga a mbuŋ Bumbulvuŋ, ɓa a sa gukum ɗongor.

Ɗerewol ZAK 4:6

Amma Buymisemuŋ ara ga ndra mezle haɗa ava ma jaka. Vurˀe, Ɓimutoho a ɓi na: «Buymisemuŋ a sli himaˀ avu mizli muhuhumvuhoyo, amma a ga mezle da mizli mahinam hirngahaya.»