Ɓimezle ngi Yesu Kristu LUK mitil di mi 7:44 - Bible en langue guiziga

⁴⁴ Dar Yesu a mbiɗi hiri ng'avi ngwas tuwa, a ɓa Simoŋ: «Kˀada pura ngwas hana kwa? Yi co a hay ɗike, ki buniy saraya ta, amma naŋ, a buniy saraya le ti tuwuy naŋ, yo a sumuɗiy taŋ le ti himac ngi hirnga naŋ.

Ɓimezle ngi Yesu Kristu LUK mitil di mi 7:44 ပူးပေါင်းရင်းမြစ်များ

ZLI VIRZI 18:4

Anja a sukum ti yam neˀ ɓa ki bunaka Saraya, yo ɓa ki musukom vu asi widis hana.

ZLI VIRZI 19:2

A ɓa taŋ: «Ambuh kum buy ɗuwoy, inga a ram bal ti hay gawla kumo, hinam wãˀ araŋ, bunaka sar kumoyo, yo timiprik na, kisa zuɓaka jiviɗ kumo.» Amma taŋ a mbiɗakaŋ di: «Ĩˀĩ, mbak ndr'i hinam avra si.»

ZLI VIRZI 43:24

Mbur tuwa, a ci ti taŋ ngi hay Zozefe. A so taŋ ti yam ngi buna sar, yo a vula gwat ngi zum da zungu taŋhaya.

SAMUYEL MUCUW NAŊ 11:8

A dirba nah, Davit a ɓa Uri tuwa: «Aru ngi hay, ara fi himiɗ avu ngwas ɗike.» Uri a bi ti hay buyo, buy a slinaŋ ti gwatay ngataraŋ.

Ɓimezle ngi Yesu Kristu LUK mitil di mi 7:38

A cifi ti dirba, a tuwuy ng'ar sar ngi Yesu, hã a bunaŋ sara ceɗ ceɗ ti tuwuyo. A sumuɗoŋ taŋ ti himac ngi hirnga, a jaŋ saraya paˀ, a pa taŋ urdi tuwa.

Ɓimezle ngi Yesu Kristu LUK mitil di mi 7:43

Simoŋ a mbiɗaŋ di: «Yi wa na, i mbur naŋ mupulaŋ duvus naŋ haɗi na.» Yesu a ɓaŋ: «Ki sla ɓi nah le kaslsla.»

Ɓimezle ngi Yesu Kristu ZAŊ mitil di mi 13:5

Waɗ a pi yam ar taasa, a zla a buna sar ngi mizli ngi seˀeheye, a tukuɗa taŋ di ti zana ngi is, naŋ mujuwa a virzi tuwaŋ.

TIMOTE MUDUMBUŊ NAŊ 5:10

Anja mizli a sinaka le, i ngwas magi slra mezle, a gila ziri naŋhaya le kuy kuy, a tiɓi mulakay le a hay naŋ, a bun sar ngi mitiɓihey le. Mizli muroko ar bonoyo, a jina taŋ le, a gi sukwi ngi gwat mezlehey le gar.

Ɗerewol ZAK 2:6

Amma kumo, ki hirsaka misi murgahaya. Mizli maguzuvrukum na, i misi zlilihey vuna takwa? Yo maɗiɗukum nga mbuŋ migi kiitahay na, i taŋ vuna takwa?

MIGI KIITAHAY 19:21

Aru ti taŋ ngi hay naŋ, a vula murbuc da zunguhoyo. Mulakay tuwa, a bunaka saraya, a zumam, jo a sam gwat.

SAMUYEL MUDUMBUŊ NAŊ 25:41

Abigayel a slikiɗ, a guɓ midibiɗ durus a ruwuy, a ɓi: «I sa tiri beke ngi kumani ɗu. Yi juw vu le nga buna sar ngi gawla ngi kumani ɗuwoyo.»