Ɓimezle ngi Yesu Kristu LUK mitil di mi 4:41 - Bible en langue guiziga

⁴¹ Setenehey a bam ti vu misi jijihey haɗi, a wudam, a ɓam: «Ki Mangal ngi Buymisemuŋ!» Dar a buca taŋ, a tika taŋ ɓa a ɓam ta, asi taŋ a sinakaŋ le, naŋ i Mesi.

Ɓimezle ngi Yesu Kristu LUK mitil di mi 4:41 ပူးပေါင်းရင်းမြစ်များ

Matiye 26:63

Amma Yesu naŋ teˀteˀe. Joˀ masay madiɗa a ɓaŋ: «I cufuɗuw ti slimiɗ ngi Buymisemuŋ misi ti siifa, ɓa ndra di njah si: Ki Kristu, Mangal ngi Buymisemuŋ kwa?»

Matiye 4:3

Mitikina vu a kirih ng'avaŋ, a ɓaŋ: «Da ki Mangal ngi Buymisemuŋ na, ɓa ɗugur hanayna, ɓa a tiram ɗafahay sini.»

Matiye 8:16

Ngi pastaˀ naŋ na, a sakaŋ ti mizli haɗi misi setenehey a hirnga. Yesu a ɓula seteneheye ti mingiɓi ɗaˀ purla si, a mbulo misi jijiheye cek.

Matiye 8:29

Joˀ a zlaka a wudam: «Ki wuɗ mi avu ndra ka, Mangal ngi Buymisemuŋ? Ki so aka ngi ga ndra bonoy daf manja hin naŋ a ndilo si kwa?»

Matiye 8:4

Dar Yesu a ɓaŋ: «Cin, ko ki ɓa ɓi nah da mbur ta. Amma ara biga vu ɗik da masay, yo ɓa ki vula gwat ngi gi mikuli a mbuŋ Buymisemuŋ ka Moyis miɓa, ɓa a sinaka ki ɗiy le.»

Mark 1:25

Yesu a mbura himaˀ da setene tuwa, a ɓaŋ: «Taˀa mi, bi ti vu mbur hana!»

Mark 1:32

Ngi pastaˀ naŋ, naɓa pas a diɗ le si, mizli a sakaŋ ti misi jijihey gar ati misi setenehey gar.

Mark 1:34

Yesu a mbulo mizli masam bonoy ti jijihey wal wal gar, yo a ɓul setenehey haɗi ti hirnga mizli ma. Ko a pula setenehey ɓa a ɓam ɓi ko neˀ ta, asi taŋ a sinakaŋ le.

Mark 3:11

Da setenehey mupuraka Yesu le keɗ na, a ndilam a mbuŋ naŋ, a wudam, a ɓam: «Ki Mangal ngi Buymisemuŋ!»

Ɓimezle ngi Yesu Kristu LUK mitil di mi 4:39

Yesu a guɓ ng'ar naŋ guɓ, a mbura himaˀ da jiji tuwa. Jiji a pulaŋ. A haŋhaŋ si na, ngwas a slikiɗ, a ga taŋ gwat ngi zum.

Ɓimezle ngi Yesu Kristu ZAŊ mitil di mi 20:31

Amma ɓi mutohoko misi ani hana gar na, ɓa ki tiɓam: Yesu i Mesi, i Mangal ngi Buymisemuŋ, yo ɓa kum mira tiɓam na, ki lumam siifa ngi sete ti slimiɗ naŋ.

Ɗerewol ZAK 2:19

Buymisemuŋ naŋ purla, ki tiɓa le takwa? Kuy haɗa! Na, ko setenehey kwana, a tiɓaka le ya, a zluwunam di kir kir ma.