Ɓimezle ngi Yesu Kristu LUK mitil di mi 4:23 - Bible en langue guiziga

²³ Dar a ɓa taŋ: «Mizli ndrahay maɓam: ‹Doftor, mbulo hirnga ɗike ti haŋ ɗike› na, ko mbri, kisa ɓikiy di zleˀe si. Yo ma na, kisa ɓikiy: ‹Gwatay, ka miga taŋ a Kapernahum gar na, i cinaka ɓi taŋ le. Inga ga taŋ aka, angi walahay muyukuw anga na y'ayɗi.›»

Ɓimezle ngi Yesu Kristu LUK mitil di mi 4:23 ပူးပေါင်းရင်းမြစ်များ

Matiye 13:54

Naŋ mindil angi li naŋ migil anga na, a zla a dubuna gwat da mizli ngir li nah ar hay ngi dira dibiɗ taŋ, hã a zuma taŋ hirnga haɗi, dar a ɓam: «A lumo sinmijileŋ hana vuna amaka? Yo a ga cekenehey vuna mbri mbrike?

Matiye 4:13

A pula Nazarete, ara cifi a Kapernahum, walahay misi a mi yam madiɗa, angi hirwuy ngi Zabuloŋ ati Neftali,

Matiye 4:23

A dirba nah na, Yesu a bula hirwuy Galile gar, a dubuna gwat da mizli ar hay ngi dira dibiɗ taŋhaya, a til mi ti Ɓimezle ngi Zumabuyo, a mbul misi jijihey wal wal ati misi ble ngi wuzla mizli gar.

Mark 6:1

Ti Yesu mibi ti kẽh na, aru nga hirwuy naŋ migil angaŋ. Joˀ mizli ngi seˀehey a sipakaŋ.

Ɓimezle ngi Yesu Kristu LUK mitil di mi 2:39

A dirba taŋ mikiɗaka mi ngi gi mezegwel gar kaɓa ɓimujuwa ngi Buymisemuŋ na, a mam nga Nazaret, hirwuy Galile a muŋ.

Ɓimezle ngi Yesu Kristu LUK mitil di mi 2:51

Dar Yesu a moko bumoˀ ati taŋ nga Nazarete, ara cine taŋ mi. Mumuŋ a ja ɓi ngi gwat tayna gar a hirnga.

Ɓimezle ngi Yesu Kristu LUK mitil di mi 4:16

Yesu a so a Nazaret, walahay, naŋ migil angaŋ. Ngi hin ngi sabat na, a ci ar hay ngi dira dibiɗ, ka naŋ maga hõyyõ. A slikiɗ ɓa a sluf ɗerewol.

Ɓimezle ngi Yesu Kristu LUK mitil di mi 4:31

Akẽh na, Yesu aru nga Kapernahum, walahay ngi hirwuy Galile. Ngi hin ngi sabat na, a dubuna gwat da mizli.

Ɓimezle ngi Yesu Kristu LUK mitil di mi 4:35

Yesu a mbura himaˀ da setene tuwa, a ɓaŋ: «Taˀa mi, bi ti vu mbur hana.» Setene a hizigiɗa mbur tuwa pararah a wuzla taŋ, a bi, ko a gaŋ gwat neˀ ta.

Ɓimezle ngi Yesu Kristu LUK mitil di mi 6:42

Ka, k'anta pura mbal misi a hiri ɗike ta, amma kisa ɓa sukum ɗike: «Sukum ɗu, kwaɗay, i ˀufuw giziŋ misi a hiri ɗike» na, mbri mbrike? Na ka, mbur miɓi mi cuw cuw, zuɓa mbal misi a hiri ɗike ɗagay ayɗi! Ɓa kisa pur kweŋ kweŋ ngi zuɓa giziŋ misi a hiri sukum ɗike.

Ɓimezle ngi Yesu Kristu ZAŊ mitil di mi 4:28

Dar ngwas a pula kukulum naŋ, a kil ng'ar walahay, a ɓa mizli:

KORENTIHEY MUCUW NAŊ 5:16

Vurˀe, zle dana, ko ndr'anta sa puram mbur avu deŋ ngi vu ngi mburo mata. Ko da i sinaka Kristu le zleˀe avu deŋ ngi vu ngi mbur tekeɗe kwana, wurenna ndr'anta sinaka kanah mata.