Ɓimezle ngi Yesu Kristu LUK mitil di mi 4:18 - Bible en langue guiziga

¹⁸ «ˀUf ngi Bumbulvuŋ naŋ da angi ya. Asi a winiy le ngi tila mi ti Ɓimezle da misi murgahay. A slino ya ɓa ngi tila mi ti ɓi ngi laha dangayay, ngi tila mi ti ɓi ngi wuna hiri ngi dangaray, ɓa ngi pula mizli masam bonoyo, ɓa a lumam hirnga taŋ,

Ɓimezle ngi Yesu Kristu LUK mitil di mi 4:18 ပူးပေါင်းရင်းမြစ်များ

ZLI VIRZI 3:15

I sa ga, ɓa ka ati ngwasa, ki gam mesene, ɓa dideˀ naŋhay ati dideˀ ɗikey a gam mesene. Naŋ a sa njirsluw hirnga, yo ka kwana, kisa humbuɗaŋ avu duɓuk sar.

ƁI NGI HINEY MUCUW NAŊ 34:27

ka micina mingiɓi ya miɓa vur li hana waɗ vur mizli ngi raˀahaya cin cin na, a wusuw mevele le, hã ki hin hirnga le a mbuŋ ɗu, ya Bumbulvuŋ. Ani ki hin hirnga le a mbuŋ ɗu, ki ngira zana ɗik ngi vu vuhoyo, hã ki tuwuy a mbuŋ ɗu. Naŋ kuy, ya kwana i cinuw di le, i mingiɓi ɗu, ya Bumbulvuŋ.

DIMISEY 102:20

Bumbulvuŋ, naŋ misi a hay naŋ a muŋ na, a guɓo guɓ zle a muŋ a diga, a puro hirwuyo le keɗ keɗe,

DIMISEY 147:3

I naŋ maɗiya mizli misi didak mamuɗa taŋ, a mbuza taŋ waˀahaya.

DIMISEY 2:2

Buy madiɗa ngi si ruwuyoyo, ara slikiɗam ɓi ngi gi vurum. yo mizli micawwahaya, ara gam gidiɓi ar Bumbulvuŋ waɗ ar mbur naŋ muwunaŋ na.

DIMISEY 2:6

A ɓi: «Ya i ca buy ɗu madiɗa le a Siyoŋ, Siyoŋ, muwã ɗu mipal.»

DIMISEY 34:18

Da mizli mijeŋŋehey ara wudam na, Bumbulvuŋ a cina, dar a laha taŋ avu bonoy taŋhaya gar.

DIMISEY 45:7

Haˀaw Buymisemuŋ ɗu, gidaŋ ngi zumabuy ɗike naŋ hã ngi sete. Ki jigina mizli kasl kasl ti ganday ngi ɗik ka buyo.

DIMISEY 51:17

Bumbulvuŋ ɗu, wuniy mi ɗu, ɓa i hunumuw ˀay paɗ a muŋ.

EZAYI 32:3

Hiri mapuro, anta sa tiɗi tiɗeˀ le mata, slimiɗ macine, a sa cin kuy kuy.

EZAYI 35:5

Dar hiri ngi dangaray a sa puram kweŋ kweŋ yo slimiɗ ngi midigizlahay a sa wunam.

EZAYI 42:7

Ki sa wuna hiri ngi dangaray, kisa bo ti dangayay avra, mizli migicahay ar luvuŋ, kisa bo taŋ avra.»

EZAYI 45:13

I ya ti gi teŋteŋ ɗu, mislikiɗo mbur misenna ɓa a sawa, i sa ɗiya jiviɗe sinarra a mbuŋ naŋ. Walahay ɗu Zeruzaleme, masa ndira hiri naŋ a muŋ i naŋ, yo mizli ɗuwoy mijahay nga hirwuy mulaka, masa pula taŋ a cohom, i naŋ, ko naŋ anta sa cufuɗa taŋ a wurkam wuruk le ta, naŋ anta sa cufuɗa taŋ ngi gi slra geˀ le ta. i ya Bumbulvuŋ misi gidaŋ wãˀ maɓi.»

EZAYI 49:9

Yi ɓa mizli dangayaya: «Boko!» Mizli ngir luvuŋhoyo, i ɓa taŋ: «Boko ng'ar li minjahha!» Ko taŋ maram a jiviɗ kwana, a sa lumam gwat ngi zum taŋ, yo a muwã micay cay kinehey kwana, a sa lumam li zumo.

EZAYI 50:4

Ɓi ya maɓa na, Bumbulvuŋ Buymisemuŋ a dubuniy di le, a dubuniy mingiɓi le, ɓa i si na jaha mbur mihĩhĩy le. Vur miprik gar na, a giy ɓa i jika slimiɗe jakka, ngi cine ɓi, kaɓa gawla ngi mbur.

EZAYI 57:15

Ya mbur madiɗa, mifineˀ gwatay gar, mandir ngi set, yo slimiɗ ɗu mipala, i ɓi na: «Ya Buymisemuŋ, mua muŋ, ya mipal, ya misi ati mizli muroko ar bonoy, waɗ misi membezleŋ ngi vu taŋ anta mata. I wuɗ i vula siifa da mizli misi membezleŋ ngi vu taŋ anta mata, waɗ da mizli muroko ar bonoyo.

EZAYI 59:21

Ya Bumbulvuŋ i ɓi ma: «Jumoˀay ɗu, ya masa jumo ati mizli, n'ani: ˀUf ɗu misi ar kum, ati mingiɓi ɗu, ya mica a balam kum na, anta sa kirih kirah le ti balam kumo ta, ko ti balam dideˀ kumoy, ko ti balam dideˀ kum mukuturtikuturoy kwana, anta sa kirih kirah le ta ma, zle wurenna hã ngi sete.» I ya Bumbulvuŋ maɓa.

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

EZAYI 66:2

Yo ma na, gwat misi titirihey, kum mapuraka taŋ gar na, i ya miga taŋ ti haŋ ɗu, yo i ngayahay gar. Ya maɗuv hiri taˀ na, ng'ar mbur muvuso, mbur misi ar bonoy, ng'ar mbur mazluwun ti mingiɓi ɗu. I ya Bumbulvuŋ maɓi.

EZEKIYEL 9:4

Bumbulvuŋ a ɓaŋ na: «Bula walahaya, walahay Zeruzaleme. Mizli muroko ti niˀic ati muroko ti tuwuy asi gi gwat mukuyta wãˀ magaka a diga na, ga taŋ lammba a midibiɗ taŋhaya.»

DANIYEL 9:24

A ɗuvam vihey le tarnaˀ tarnaˀ makaw kukur tarnaˀ, vur mizli ɗikey ati walahay ka misi ara na, ɓa ngi kiɗa mi ngi moˀore ati mungra, ɓa ngi pula mungra, ngi so ti gi jeŋŋe ngi sete. Ɓa pura gwat ti kleŋ ati ɓi ngi mijiviɗey a gam muduba, yo ɓa a pam mal ngi vula li mihĩˀĩ da Buymisemuŋ a muŋ.

SOFONI 3:12

Is ngi mizli mihina hirnga misi murgahaya, i sa pula taŋ a wuzla kumo. Taŋ a sa sipam jiviɗ ngi ɗum ti Bumbulvuŋ.

ZAKARI 11:11

Tapasa, ngiɓiˀay a pusuk le, migi terere ngi ginewey mapurikiy cum cum na, a sinaka le, nah na i mingiɓi ngi Bumbulvuŋ.

Matiye 11:5

Dangaray ara puram, jegwerey ara ram, misi kukulahay a ɗiyam le, midigizlahay ara cinam, mumucahay ara slikiɗam, yo ara tilam mi ti Ɓimezle da misi murgahaya.

Matiye 12:18

«Gawla ɗu ya muwuna, n'anihĩ, i gawla ɗu miteŋteŋ ya hĩhĩy ɓa i wunaŋ. Yisa slino ˀUf ɗu ar naŋ. Ɓimujuwa mitaˀ gara, a sa til di mi da sukwi ngi mizli gar.

Matiye 12:20

Nguf mawuɗo ngil na, naŋ anta sa ngila wãˀ ta. Lampe mumbuˀ mbuˀ kwana, naŋ anta sa muca wãˀ ta, hã ɓimujuwa mitaˀ gara, a cifi ti bugawla a hirnga zigiduw gar.

Matiye 4:16

Mizli micifam ar luvuŋ na, a puram li minjahha le ciɗak ciɗaka. Mizli micifam ar li mitimbiɗim ngi mizli mumucahay na, li minjahha a go le ciɗak ciɗak ar taŋ.»

Matiye 5:3

«Yawwa, mizli misi murgahay a mevele, a roko ar wuya: asi Zumabuy ngi muŋ inga taŋ.

Ɓimezle ngi Yesu Kristu LUK mitil di mi 4:17

A vulakaŋ ɗerewol ngi mijiviɗ Ezayi. Naŋ mupuska na, a lum di i ɓi ani mutohoko anga:

Ɓimezle ngi Yesu Kristu LUK mitil di mi 6:20

Dar Yesu a zuɓa hiri ng'ar mizli ngi seˀeheye, a ɓa taŋ: «Yawwa, kum misi murgahay, kum ar wuya, asi Zumabuy ngi Buymisemuŋ, i ngi kum!

Ɓimezle ngi Yesu Kristu LUK mitil di mi 7:22

Joˀ a mbiɗa da mislin ngi Zaŋhay tuwa: «Gwat kum mupuraka ati ɓi kum micinaka na, a ram, slufaka da Zaŋ: Dangaray ara puram, jegwerey ara ram, misi kukulahay a ɗiyam le, midigizlahay ara cinam kwaŋ kwaŋ, mumucahay ara slikiɗam, yo mizli ara tilam mi ti Ɓimezle da misi murgahaya.

Ɓimezle ngi Yesu Kristu ZAŊ mitil di mi 1:41

Andre ara luuma Simoŋ, sukum naŋ migisiŋ gisiŋ dumbuŋ kwaɗay, a ɓaŋ: «I lumaka Mesi le.» Mesi, mbiɗeˀvra: ‹Kristu.›

Ɓimezle ngi Yesu Kristu ZAŊ mitil di mi 12:46

Ya, li minjahha, i so le ar duniya, ɓa ko wa gar matiɓiy na, a ndir ar luvuŋ ta.

Ɓimezle ngi Yesu Kristu ZAŊ mitil di mi 3:34

Naŋ kine, mbur Buymisemuŋ mislino di le na, a ɓi di i ɓi ngi Buymisemuŋ, asi Buymisemuŋ ara nahaŋ haɗa ti ˀUf naŋ.

SLRA 10:38

Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ.

SLRA 26:18

ɓa ki wuna taŋ hiri, ɓa ki bo ti taŋ tir luvuŋ ng'ar li minjahha, tir gidaŋ ngi Satan ng'avu Buymisemuŋ, ɓa mungra taŋhay a puyam avra, yo ɓa a lumam li cifi a wuzla mizli Buymisemuŋ muwuna taŋ, mbele tiɓi taŋ na.›

SLRA 4:26

Buy madiɗa ngi ruwuyoy, a juwam vu le, yo madiɗa ngi mizli, a jumom ˀay le, ɓa a gam vurum ati Bumbulvuŋ waɗ avu mbur naŋ muwunaŋ.›

SLRA 4:27

«Kanah, Herod, Pons Pilat ati sukwi ngi mizli mekelemey waɗ mizli Israyeley a jumom ˀay le gisiŋ ar walahay madiɗa hana vur Yesu, gawla ɗik mipal, ka muwunaŋ na.

KOLOSOY 1:13

A tuɓo ndra le tir gidaŋ ngi luvuŋ, aru ti ndra ng'ar zumabuy ngi Mangal naŋ, naŋ mawuɗo.

Ɗerewol ZAK 2:5

Yeme ɗuwoy, cinam! Misi murga ngir duniya hanayna, i Buymisemuŋ muwuna taŋ, ɓa a tiri ti taŋ misi zlilihey ar tiɓi, yo ɓa a zumam buy, naŋ miɓa le ɗaˀ le da mizli mawuɗakaŋ na.

PIYER MUDUMBUŊ NAŊ 2:9

Amma kum i sukwi Buymisemuŋ muwunu kum le. Kum i masay madiɗa ngi Buy madiɗa, sukwi ngi Buymisemuŋ, kum i mi nga naŋhay wãˀ. Buymisemuŋ muzulukum tir luvuŋ ɓa ki cam ng'ar li minjahha naŋ, misi ɓi naŋ a ɓi ta na, ɓa ki tilam mi ti ɓi ngi gi gwat madiɗahay, naŋ miga taŋ na.