Ɓimezle ngi Yesu Kristu LUK mitil di mi 4:1 - Bible en langue guiziga

¹ Yesu a nih le ti ˀUf Mipal, a mo ti mizaw Zurdeŋ, dar ˀUf Mipal a ngi di hirnga nga wuzlaɓuh.

Ɓimezle ngi Yesu Kristu LUK mitil di mi 4:1 ပူးပေါင်းရင်းမြစ်များ

BUYOY MUDUMBUŊ NAŊ 18:12

Amma ya misa puluw ka le so na, ˀUf ngi Bumbulvuŋ a sa zuɓuw faw, i si na nga a maka ta. Ya, i sa slufa ɓi nah da Akapa so. Da a lumuw ka mata na, a sa kiɗiy ya vagay. Na ya gawla ɗike, yi zla zluwun ti Bumbulvuŋ zle ti zuŋ mayse.

BUYOY MUDUMBUŊ NAŊ 19:4

Naŋ vuna so na, aru nga wuzlaɓuh, hiipas ar li ru, waɗ ara cifi asi widis meciɗek adakaˀ pal naŋ. A pura zuwen naŋ mamucu, a ɓi: «Y'anta ɓusa bonoy hana gu mata! Bumbulvuŋ, wurenna, zuɓa siifa ɗu. Na zle ya puɗaw fineˀ dideˀ ɗuwoyo kwa?»

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

EZEKIYEL 3:14

Akẽh na, ˀUf muzuɓiy faw nga muŋ tuwa. Ya maru na, ti mevel fõh fõh a hur ɗu. Gidaŋ ngi Bumbulvuŋ naŋ da angi ya kuy kuy.

Matiye 3:16

A dirba Zaŋ mica Yesu ar yama na, Yesu a bi tir yama ng'avra. Hirak ti nah na, birngiŋ ngi muŋ a wucuh wucah, a pura ˀUf ngi Buymisemuŋ mapo sar nga hirnga naŋ kaɓa gonoko.

Ɓimezle ngi Yesu Kristu LUK mitil di mi 2:27

Dar ˀUf Mipal tuwa a hizigiɗo di, a so ng'ar hay ngi Bumbulvuŋ so. Miyi ngi Yesuhoyo, ti taŋ miram ti Yesu nga gi mezegwel kaɓa ɓimujuwa miɓa vurˀe na,

Ɓimezle ngi Yesu Kristu LUK mitil di mi 3:3

Dar Zaŋ a liˀi ar li migweˀ gweˀ ngi ciki mizaw Zurdeŋ gar ti tila mi ngi ci mizli ar yam, ɓa mizli mimbiɗaka mevel taŋ le na, mungra taŋhay a puyam avra.

Ɓimezle ngi Yesu Kristu LUK mitil di mi 3:38

Kenaŋ i mangal ngi Enos, Enos i mangal ngi Set, mangal ngi Adamu, Adamu i mangal ngi Buymisemuŋ.

Ɓimezle ngi Yesu Kristu LUK mitil di mi 4:14

Dar Yesu a mi nga Galile, naŋ gboŋgboŋ ti ˀUf Mipal Slimiɗ naŋ ara zil nga mbuŋ nga mbuŋ angi li vay nah gar.

Ɓimezle ngi Yesu Kristu LUK mitil di mi 4:18

«ˀUf ngi Bumbulvuŋ naŋ da angi ya. Asi a winiy le ngi tila mi ti Ɓimezle da misi murgahay. A slino ya ɓa ngi tila mi ti ɓi ngi laha dangayay, ngi tila mi ti ɓi ngi wuna hiri ngi dangaray, ɓa ngi pula mizli masam bonoyo, ɓa a lumam hirnga taŋ,

Ɓimezle ngi Yesu Kristu ZAŊ mitil di mi 1:32

Zaŋ a ga sedewo naŋ, a ɓi: «Yi pura ˀUf ngi Buymisemuŋ mapo sar kaɓa gonok paɗ a muŋ, a so cifi a hirnga naŋ.

Ɓimezle ngi Yesu Kristu ZAŊ mitil di mi 3:34

Naŋ kine, mbur Buymisemuŋ mislino di le na, a ɓi di i ɓi ngi Buymisemuŋ, asi Buymisemuŋ ara nahaŋ haɗa ti ˀUf naŋ.

SLRA 1:2

hã ndila hin taŋ muzuɓaka nga muŋ. Dumbuŋ ti taŋ muzuɓaka nga muŋ t'aruŋ na, mizli naŋ muwuna taŋ ɓa a tiram mislin naŋhay na, a biga taŋ mingiɓi naŋ le ti ˀUf Mipal.

SLRA 10:38

Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ.

SLRA 8:39

A dirba taŋ mubam tir yama na, ˀUf ngi Bumbulvuŋ a zuɓa Filipe faw, mbur Etiyopi a pura mata, a zuɓa jiviɗ naŋ ti mumul haɗi.