Ɓimezle ngi Yesu Kristu LUK mitil di mi 3:8 - Bible en langue guiziga

⁸ Gam gwat mezle mabiga ki mbiɗaka mevel kumoyo le ayɗi! Yo ki ɓam ti kwacay kumo: «Abraham i dideˀ ndra» na, ki ɓam ta. Yi ɓukum na: Ko ɗugur hanayna, Buymisemuŋ a tiri ti taŋ ziri ngi Abrahamaya gu.

Ɓimezle ngi Yesu Kristu LUK mitil di mi 3:8 ပူးပေါင်းရင်းမြစ်များ

NEHEMI 5:11

Dana dana vuna si na, guva taŋhay, gudubun taŋhay, tutumbur taŋhay ati hay taŋhaya, maka taŋ di a muŋ, yo dala, alkamari, mbaazla si ati mal taŋ mihilaka taŋ ngi hataka avu kum na, ki cufuɗaka taŋ mata.»

EZEKIYEL 33:24

«Ka mburu, mizli mindiram ar diŋ ngi si ruwuy Israyeleye, a ɓam: ‹Abraham mipal naŋ zleˀe tekeɗe, a tiɓa hirwuyo le da naŋ. Sokkota ndra mihaɗa na jak kwa, hirwuy i muvula le ɓa a ndir da ndra.›

Matiye 21:43

Yo yi ɓukum ma, Zumabuy ngi muŋ, a sa zuɓaka avu kumo, a sa vulaka da mizli masa gam gwat mizlir le kaslsla avu Zumabuy nah vuna.

Matiye 3:8

Gam gwat mezle mabiga ki mbiɗaka mevele le n'ayɗi!

Matiye 3:9

Ki wulkam a mevel kumo: ‹Abraham i dideˀ ndra si mana› na, ki ɓam ta. Vurˀe, yi ɓukum na, ko ɗugur hanayna kwana, Buymisemuŋ a tiri taŋ ziri ngi Abrahamay gu.

Ɓimezle ngi Yesu Kristu LUK mitil di mi 13:25

Da buy ngi hay misa slikiɗ le, a gica mizlingre le na, kum mindiram avra na, kisa zlaka tila mi a mizlingre: «Buy, wuna ndra mizlingre.» Joˀ naŋ a sa mbuɗukum di: «Da ki soko ti damaka na, yi sinukum ta.»

Ɓimezle ngi Yesu Kristu LUK mitil di mi 13:26

Dar kisa ɓam: «I zumam, yo i sam gwat le bumoˀ takwa? Ki dubuna gwat le da mizli ar luuma ndraˀahaya takwa?»

Ɓimezle ngi Yesu Kristu LUK mitil di mi 14:9

Naɓa mbur muzulo kum na, a sa ɓuw ka malla ko mbur mekeleme: «Pula li da mbur hana.» Dar kisa ra cifi ti mesem ar li cifi ngi dirba wãˀ.

Ɓimezle ngi Yesu Kristu LUK mitil di mi 19:40

Amma a mbiɗa taŋ di: «Yi ɓukum na: Da taŋ a taˀaka mi le na, i ɗuguroy masa wudam.»

Ɓimezle ngi Yesu Kristu LUK mitil di mi 19:9

Dar Yesu a ɓi: «Lih a so le dana ar hay hana. Asi naŋ kwana, i dideˀ ngi Abraham aya.

Ɓimezle ngi Yesu Kristu LUK mitil di mi 5:21

Buy ngi ɓimujuwahay ati Farisahay a zlaka a wulkam a mevel taŋ, a ɓam: «I mbur wana hana maza Buymisemuŋ na ka? Mapuy mungra gu, i waka? Sey Buymisemuŋ pal naŋ takwa?»

Ɓimezle ngi Yesu Kristu ZAŊ mitil di mi 8:33

Taŋ a mbiɗakaŋ di: «Ndr'i dideˀ ngi Abrahamay, yo mbur mitiri ti ndra beke ɗaˀ anta. Ki zla mbri ɓa ki ɓa ndra: ‹I sa lumam hirnga ndra ti lum na ka?›»

Ɓimezle ngi Yesu Kristu ZAŊ mitil di mi 8:39

A mbiɗakaŋ di: «Cine ndra i Abraham.» Yesu a ɓa taŋ: «Da kum i ziri ngi Abrahamay na, gam gwat ka ngi Abraham vuna so.

SLRA 26:20

Yi zla i til di mi dumbuŋ jak ma na, da mizli ngi Damasay, da ngi Zerusalemey, da mizli ngi hirwuy Yude gar waɗ da sukwi ngi mizli mekelemeye ma. Yi tila taŋ mi, yi ɓa taŋ ɓa a mbiɗam mevel, a mbuɗoko ng'avu Buymisemuŋ, yo ɓa a gam gwat mabiga a mbiɗaka mevele le gisiŋ.

ROMAHAY 4:16

Naŋ kine, gwat Buymisemuŋ miɓa ɗaˀ le na, i lumaka tisi tiɓi. I gwat Buymisemuŋ mavula ngataraŋ, yo ɓa a ndir i gwat mupuɗaw wãˀ da dideˀ ngi Abrahamay gar. Anta vur mizli magaka gwat ɓimujuwa maɓa na tewle ta, amma vur tiɓi kaɓa ngi Abraham, cine ndra gar na ya.

ROMAHAY 9:7

Yo dideˀ ngi Abrahamay kwana, i ziri ngi Abrahamay gar ta. Asi Buymisemuŋ a ɓa Abrahama: «A sa zilam tizer ɗik na, sey ti ziri ngi Izakay.»

FILIPIHEY 1:11

Ki sa ndiram ti gi gwat mijeŋŋe haɗa, Yesu Kristu mavulo ndra di, ɓa ngi gi dudok da Buymisemuŋ, yo waɗ ngi hunumaŋ ti naŋ.