Ɓimezle ngi Yesu Kristu LUK mitil di mi 3:16 - Bible en langue guiziga

¹⁶ Dar Zaŋ a mbiɗa da mizli gar: «Ya, i cukum ar yam, amma mbur migidaŋ fineˀ ya, ara sawa a dirba ɗu, yi ndila ter ngi puska zeweɗ ngi tarak naŋ ta. Naŋ, a sa cukum ar ˀUf Mipal waɗ ar vu.

Ɓimezle ngi Yesu Kristu LUK mitil di mi 3:16 ပူးပေါင်းရင်းမြစ်များ

MIKUCUWULOY 1:23

Cinaka ya maɓukum ɗaˀ ɗaˀ le na. Ani i wuɗo pa ˀUf ɗu ng'ar kum, i bugukum mingiɓi ɗu.

EZAYI 32:15

hã Buymisemuŋ a slino ndra ˀUf naŋ ti muŋ. Dar li papala mikirɗak kirɗaka, a sa tiri i li misi widis ngi zumoy, yo li misi widis ngi zumoyo jak na, a sa tiri li misi widis ho gar ngiriɗ.

EZAYI 4:4

Ti Bumbulvuŋ misa zuɓa dili ngi ziri diili ngi Siyoŋhoyo le, yo naŋ misa buna pumbus ngi mizli Zeruzalemeye le ti himiɗ ngi kiita mijeŋŋe, yo ti himiɗ ngi vu na,

EZEKIYEL 36:25

I sa kicukum yam miɗelelle, ɓa kisa ndiram manja dili. Dili kumoy ati ɓi ngi huruk huruk kum a mbuŋ kuli kumoy na, i sa zuɓukum taŋ avra.

ZAKARI 13:9

Ziri mindiram ngac li taˀ purla tuwa na, i sa pura taŋ ar vu. Kaɓa mapam ɓiri bara malla ɓiri tapasl tapasl ti vu na, i sa pa taŋ kanah ya. Dar taŋ a sa zilaka slimiɗ ɗu, yo ya i sa cine taŋ di. I sa ɓi vur taŋ: «I mizli ɗuwoy», yo taŋ a sa ɓam vur ya: «Ya Buymisemuŋ taŋ, yi Bumbulvuŋ.»

Matiye 3:11

«Ya i cukum ar yam na, ɓa a sin ki mbiɗaka mevele le. Amma mbur masa sawa a dirba ɗu na, naŋ a sacukum ar ˀUf Mipal waɗ ar vu. Naŋ gidaŋ fineˀ ya, ko tarak naŋ kwana, yi ndila ngi cuk naŋ ta.

Matiye 3:12

Naŋ kaw ti gungwa ngi kufa daw a haŋ, a sa kufa dawa kaf kaf. A sa pa daw naŋ nga dirgwaɗ, cekwesl naŋ kwana, a sa pa ng'ar vu mamuc ta wãˀ, ɓa a wur.»

Ɓimezle ngi Yesu Kristu ZAŊ mitil di mi 1:26

Zaŋ a mbiɗa taŋ di: «Yi ci mizli ar yam tewle si, amma mbur ada a wuzla kumo, ki si na ka ta

Ɓimezle ngi Yesu Kristu ZAŊ mitil di mi 1:27

A ra sawa a dirba ɗu, amma yi ndila ter ngi puska zeweɗ ngi tarak naŋ ta.»

Ɓimezle ngi Yesu Kristu ZAŊ mitil di mi 1:33

Yi sinaŋ zleˀe t'aruŋ, amma Buymisemuŋ mislino ya ngi ci mizli ar yama, i naŋ miɓiy: ‹Mbur ka masa pura ˀUf Mipal masa po sar, a so cifi a hirnga naŋ na, maci mizli ar ˀUf Mipal vuna, i naŋ.›

Ɓimezle ngi Yesu Kristu ZAŊ mitil di mi 7:38

Yo mbur matiɓiy na, mizaw maɓul goŋ goŋ a sa bo tir mevele, kaɓa Ɓimutoho miɓi.»

SLRA 1:5

Asi Zaŋ a ci di mizli ar yam tewle, amma kumo, angi hin neˀ nga mbuŋ aka na, a sa cukum ar ˀUf Mipal.»

SLRA 10:44

Ti Piyer mira ɓa ɓi hana aruŋ si na, ˀUf Mipal a pi sar ar mizli macinam Ɓi ngi Buymisemuŋ gar.

SLRA 2:33

Buymisemuŋ a ga Yesu le ɗongor tir vay hazum naŋ. ˀUf naŋ Mipal, naŋ miɓa ɓi naŋ ɗaˀ le tuwa, a lumo di le tivi Cine, naŋ kwana a slino di le nga hirnga ndra. Kum mapuraka ati kum macinaka wurenna na, i nah.

KORENTIHEY MUDUMBUŊ 12:13

Asi ndra gar, ko Yudehey, ko Yudehey ta, bekehey ati diimuhoy gar na, i cam le angi yam ti ˀUf mupurla nah, ɓa i tiram dumvu purla. Yo ndra gar ndra, i sam di i gidaŋ ngi ˀUf mupurla nah.