Ɓimezle ngi Yesu Kristu LUK mitil di mi 23:2 - Bible en langue guiziga

² A kupakaŋ ɓi, a ɓam: «I lumaka mbur hana ar li pi mi da mizli ɓa a slikiɗam ɓi: a tika taŋ ɓa a wurkaka buutu da buy mimadiɗa ta, yo a wa vu naŋ i Mesi, buy madiɗaŋ.»

Ɓimezle ngi Yesu Kristu LUK mitil di mi 23:2 ပူးပေါင်းရင်းမြစ်များ

BUYOY MUDUMBUŊ NAŊ 18:17

Akapa, naŋ mupura Eli tuwa keɗ na, a ɓaŋ: «Mapura jubuɗ da Israyeley na, i ka gisiŋ kwa?»

DIMISEY 35:11

Sedewo misi slirey, a slikiɗam, a cufuɗikiy ar gwat ya misina ta.

DIMISEY 62:4

Ki roko wusam daɓ daɓ gar kumo, ng'ar mburo, ɓa ki zlumburakaŋ, kaɓa mapam haŋ da dalam miginisl le, malla da zluɓ madiɗi. Na, kisa pulaka ɓi naŋ tivunaka?

ZEREMI 20:10

I ra cine mizli haɗi maɓam ɓi malambaˀ ar ya na, a cikiy slimiɗe: ‹Zluwun ɓaˀ li›. Mekelemey a ɓam: ‹Njikakaŋ!› ‹Haˀaw, njukukum di!› Ko yeme ɗuwoy gar kwana, ara jiɗikiy, da i sluw mi kwana, a ɓam: «Naŋ mbur miteˀteˀ na, asinta, a sa gi gilaw kwana, naɓa i lumam bugawla le, yo i pulaka bol ndra le muduba.»

ZEREMI 38:4

Mizli madiɗa ngi slra ngi buyoy a ɓaka buyo na: «Anja mbur hana i ngi kiɗ vagay, asi ara huruɓo sojehey ati mizli gar ti mingiɓi naŋ na. Asi a wuɗ nga naŋ i cifi zuy ngi walahay ta, amma ɓa walahay a ndir ar bonoy.»

AMOS 7:10

Amasiya, masay a Betele, a slin ng'avi Zeroboˀam, buy Israyele, ɓa a ɓakaŋ na: «Amos ara gi gidiɓi ar ka, ɓa a putukusuw tir zumabuy ɗik a Israyele. Mizli anta ɓusaka ɓi naŋ na mata. Asi Amos vuna a ɓi na:

ZAKARI 11:8

Akẽh na, i susuymo mijigin mimakireye ar kiya purla. A dirba nah, i ɓusa ɓi taŋ mata, yo taŋ kwana, t'anta purikiy kuy avu hiri mata ya.

Matiye 17:27

Amma anja i gaka taŋ gwat ngi ji mevel ta. Aru nga miyam madiɗa, ka kunayele. Kilif ka masa ja dumbuŋ na, ɗuɗo di, wuna mi naŋ, kisa lum suloy pal a balama. Zuɓo di ngi wurka buutu ɗu ati ngi ɗike.»

Matiye 22:21

A mbiɗakaŋ di: «I ngi buy mimadiɗa.» Dar Yesu a ɓa taŋ: «Wurkaka gwat ngi buy mimadiɗa da buy mimadiɗa, yo gwat ngi Buymisemuŋ kwana, wurkaka da Buymisemuŋ ya.»

Matiye 27:11

A ram ti Yesu le a mbuŋ buy miwi li, joˀ buy miwi li a cufuɗaŋ: «Ki buy ngi Yudehey kwa?» Yesu a mbiɗaŋ di: «Ki ɓa le ta kwa!»

Mark 12:17

Yesu a ɓa taŋ: «Gwat ngi buy mimadiɗa, wurkaka da buy mimadiɗa Tiber, yo gwat ngi Buymisemuŋ kwana, wurkaka da Buymisemuŋ ya.» Ɓi naŋ mumbiɗa taŋ di hana, a zuma taŋ hirnga le haɗa.

Mark 15:2

Pilat a cufuɗaŋ: «Ki buy ngi Yudehey kwa?» Yesu a mbiɗaŋ di: «Ki ɓa le ta kwa.»

Ɓimezle ngi Yesu Kristu LUK mitil di mi 23:14

a ɓa taŋ: «Ki sikiy ti mbur hana, ki ɓam, ara ziza mizli avu jiviɗ mezle. Ani, yi cufuɗa le a mbuŋ kumo, ko yi lum ɓi ava ngi jaŋ ti kiita ta.

Ɓimezle ngi Yesu Kristu LUK mitil di mi 23:5

Amma a hurdumom di, a ɓam: «A ra pa mi da mizli ti gwat naŋ madubuna taŋ di na, a zla zle angi hirwuy Galile, hã angi hirwuy Yude kurzluˀ gar, sesẽŋ aka.»

Ɓimezle ngi Yesu Kristu ZAŊ mitil di mi 18:29

Pilat a bawa, a sa luuma taŋ avra, a ɓa taŋ: «Ki wudam ti mbur hana asi ɓi mike?»

Ɓimezle ngi Yesu Kristu ZAŊ mitil di mi 18:30

A mbiɗakaŋ di: «Da mbur hana a gi gwat malambaˀ ta na, i soko di ng'avi ka ma kwa?»

Ɓimezle ngi Yesu Kristu ZAŊ mitil di mi 19:12

Zle ti nah na, Pilat a pur jiviɗ ɓa a pula Yesu. Amma Yudehey a zlaka a tilam mi, a ɓam: «Da ki pula le na, ɓa ki ngama ngi buy mimadiɗa ta! Asi ko wa gar mawa vu naŋ ka buy madiɗa na, naɓa i mesene ngi buy mimadiɗa.»

SLRA 24:13

Mizli tayna, ɓa a bigaka ɓi taŋ muwudam ti ya hĩˀĩ aseˀe na, a ndilaka ta wãˀ.

SLRA 24:5

Ndr'i lumaka mbur misenna, i mihirya vu wãˀ. A ra slikiɗ ɓi a wuzla Yudehey ngir duniya kurzluˀ. Naŋ i buy ngi mizli micah mekelemey mazilaka taŋ Nazaretey.

ROMAHAY 13:7

Gwat ngi wuruk da mbur gar na, wurkakaŋ di. Buutu da mbur micikila buutu, laada da mitiɓi laada. Mbur zliv ngi zluwun di na, zluwunam di, mbur zliv ngi ɗuvaŋ hirnga kwana, ɗuvakaŋ di.