Ɓimezle ngi Yesu Kristu LUK mitil di mi 2:4 - Bible en langue guiziga

⁴ Zozefe kwana, a pula Nazaret, hirwuy Galile, aru ng'ar walahay ngi Davit mazilaka Beteleyem, angi hirwuy Yude. Asi Zozef i muy ngi Davit, yo i dideˀ naŋ.

Ɓimezle ngi Yesu Kristu LUK mitil di mi 2:4 ပူးပေါင်းရင်းမြစ်များ

ZLI VIRZI 35:19

Rasel a muc, a dikaka a ciki jiviɗ ngi Efrata, mbiɗeˀvra, Beteleyem.

ZLI VIRZI 48:7

Naŋ kine, ti ya masawa ti Mezopotami na, Rasel a muc avu ya, a jiviɗ ngi Kanaˀan, gweˀ ngi ndila Efrata. I dika a ciki jiviɗ ngi Efrata a diga. A zilaka Efrata wurenna Betelyem.

MISE 5:2

Vurˀe, Buymisemuŋ a sa pula Israyeleye mbak asi haŋ ngi mesene taŋhaya, hã ngwas misi zuŋ a kwacay na, a yi ɗagay. Akẽh na, sukum naŋhay mindiram na, a sa jumom ng'avi Israyeley.

Matiye 1:20

Ti naŋ mawuluk kanah na, modro ngi Bumbulvuŋ a bigaŋ vu ar musuwun, a ɓaŋ: «Zozef, dideˀ ngi Davit, ki zluwun ta, zuɓa ngwas ɗik Mariya ngi hay ɗiki, asi naŋ migi hur na, i slra ngi ˀUf Mipal.

Matiye 2:23

Vurˀe, a ru, ara cifi angi walahay mazilaka Nazarete. A gi kahana na, ɓa ɓi mijiviɗey miɓaka zleˀe na, a gi muduba: «A sa zilaka mbur Nazaret.»

Ɓimezle ngi Yesu Kristu LUK mitil di mi 2:3

Mizli gar a ram nga toho slimiɗe, mbur gar angi hirwuy naŋ, angi hirwuy naŋ.

Ɓimezle ngi Yesu Kristu LUK mitil di mi 2:5

Aru ɓa ara tohoko slimiɗ taŋ a diga ati ngwas naŋ Mariya misi ti huro.

Ɓimezle ngi Yesu Kristu LUK mitil di mi 4:16

Yesu a so a Nazaret, walahay, naŋ migil angaŋ. Ngi hin ngi sabat na, a ci ar hay ngi dira dibiɗ, ka naŋ maga hõyyõ. A slikiɗ ɓa a sluf ɗerewol.

Ɓimezle ngi Yesu Kristu ZAŊ mitil di mi 1:46

Natanayel a ɓaŋ: «Gwat mupuɗaw a bo baɗ ti Nazaret kwa?» Filip a ɓaŋ: «So pura.»

Ɓimezle ngi Yesu Kristu ZAŊ mitil di mi 7:42

Ɓimutoho a ɓi na: Mesi a sa so i dideˀ ngi Davit, a sa so ti Beteleyem, walahay miyaka Davit ara na, kini ta kwa?»

RUTH 1:19

A ram zlaɓ zlaɓ cuw taŋ nga Beteleyeme. Ti taŋ mindilam a Beteleyeme na, ɓi taŋ a zuma hirnga le da mizli ngi walahaya gar. Ngwasay a ɓam: «I Noˀemi gisiŋ ya?»

RUTH 2:4

Neˀ na, Boˀos ara ndilo ti Beteleyeme. A ja haŋ da munguma dawaya, a ɓa taŋ: «Anja Bumbulvuŋ a ndir ati kum!» Taŋ kwana a mbiɗakaŋ: «Anja Bumbulvuŋ a ɗuwuluw mi!»

RUTH 4:11

Mizli micawwahay ati mizli micikilam akẽh gar, a mbiɗakaŋ di: «Haˀaw, ndr'i sedewohoy. Anja Bumbulvuŋ a ɗuwula mi da ngwas maci ngi hay ɗik vuna, a tiri kaɓa Rasel ati Leya, ngwas ngi Zakopoy mucuw tayna, miyaka sukwi Israyeley taˀ gar na. Anja zlili ɗik a gi haɗi a wuzla Efrataya, yo ɓa slimiɗ ɗik a zil a Beteleyeme!

RUTH 4:17

Ngwas midigwi naŋhay a tilam mi, a ɓam: «A ya ka mangal le da Noˀemi!» Dar a zilaka mangala Obet. Obet a yi Zese, cine ngi Davit.

SAMUYEL MUDUMBUŊ NAŊ 16:1

Akẽh na, Buymisemuŋ a ɓa Samuyele na, «kisa kiɗa mi ngi lika Sawulo hã ti vunaka? Mihiziga avra na i ya vuna, yo naŋ anta i buy ngi Israyel mata. Naha durum ɗike ti mal ngi pi a hirnga, a ru. I slinuw ngi hay Zese a Betelyem, asi a wuzla ziri naŋhay na, yi wini mbur ngisi mevel ɗu le.»

SAMUYEL MUDUMBUŊ NAŊ 16:4

Samuyele, gwat Buymisemuŋ miɓaŋ di na, a ga kanah. Naŋ mindil a Betelyeme na, mizli micawwa ngir walahay a soko ng'ava ti zluwun, a cufuɗakaŋ: «Ki so ar jam aya?»

SAMUYEL MUDUMBUŊ NAŊ 17:12

Akẽh na, Davit, mangal ngi mbur Efrat a Betelyem, hirwuy Yude. Mbur nah a zilaka Zese. Naŋ ti ziri mizilehey dangafaɗa. Ti hin ngi Sawulo, Zese a gi gal le, yo naŋ a gi vurumo gu ta.

SAMUYEL MUDUMBUŊ NAŊ 17:58

Akẽh na, Sawul a cufuɗaŋ: «Gawla ɗu, ki mangal ngi waka?» Davit a mbiɗaŋ di: «Yi mangal ngi gawla ɗik Zese a Betelyem.»

SAMUYEL MUDUMBUŊ NAŊ 20:6

Da bunuk a sa pura le y'anta na, kisa ɓaŋ: «Davit a hurdum le hirdam hirdam ɓa a lum jiviɗ ngi ru nga Betelyem, walahay naŋ, asi a hay taŋ, ara gam mikuli magaka vi gar na.