Ɓimezle ngi Yesu Kristu LUK mitil di mi 2:10 - Bible en langue guiziga

¹⁰ Dar modro a ɓa taŋ: «Ki zluwunam ta, ani yi so ngi tulukum mi ti ɓimezle. Mizli gar a sa mumulom di haɗi.

Ɓimezle ngi Yesu Kristu LUK mitil di mi 2:10 ပူးပေါင်းရင်းမြစ်များ

ZLI VIRZI 12:3

I sa ɗuwula mi da mizli maɗuwulukuw mi. Amma i sa nisa mizli masa nisukuw. Sukwi ngi mizli ngisi ruwuyoy gar, a sa lumam ɗuwula mi tisi ka.»

EZAYI 40:9

Kum mizli Siyoŋhoy, mitilam mi ti ɓi mezlehey, jiɗam nga muwã madiɗa, tilam mi ˀay bok. Kum Zeruzalemey, mitilam mi ti ɓi mezlehey, zuɓaka ˀay a muŋ, ki zluwunam ta. Ɓaka walahay Zudahaya: «Buymisemuŋ kumo n'ani.

EZAYI 41:27

Ani ya, i ra ɓa ɓi naŋ da Siyoŋ daf dumbuŋ, i ra slin ti mijiviɗ da walahay Zeruzaleme.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

EZAYI 52:10

Bumbulvuŋ ara biga gidaŋ naŋ mipala, a mbuŋ sukwi ngi mizli gar. Ko angi hirwuy mira kiɗo mi kwana, mizli a sa puraka Buymisemuŋ ndra malaha ndra.

EZAYI 52:7

Mbur mitila mi ti ɓi mezle ara tuwuɗo ani ti hirnga muwã, ara so ndra ti ɓi ngi zuy, ɓi ngi jam ati ɓi ngi laha vu. A ɓuw ka Zeruzaleme na: «Buymisemuŋ ɗik ara zum buy.» Kayya, hana i gwat mukuy teˀe.

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

DANIYEL 10:19

Joˀ a ɓiy: ‹Ki zluwun ta, ka mbur Buymisemuŋ mahĩyuw haɗa! Anja ki ndir zuy zuy. Tum vu! Cici gidaŋ gidaŋ!› Ti naŋ maɓiy kanah na, i lum gidaŋ, i ɓaŋ: ‹Ka ɓiy so kumani, asi ki vuliy gidaŋ le.›

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Matiye 14:27

Amma ar nah vuna si na, Yesu a ɓa taŋ: «Tumom vu, ki zluwunam ta, i ya!»

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

Matiye 28:5

Amma modro a ɓa ngwasay tuwa: «Kumo, ki zluwunam ta. Yi si na le, ki sipam di i Yesu midiraka avu dum mizlira na.

Mark 1:15

«Hin a ndila le muduba, Zumabuy ngi Buymisemuŋ a kiroho le gweˀe! Mbiɗaka mevel kumoyo, tiɓaka Ɓimezle.»

Mark 16:15

Joˀ a ɓa taŋ: «A ram ng'ar duniya kurzluˀ gar, tilam mi ti Ɓimezle da mizli gar.

Ɓimezle ngi Yesu Kristu LUK mitil di mi 1:13

Amma modro tuwa a ɓaŋ: «Ki zluwun ta, Zakari, asi Buymisemuŋ a tiɓa dira dibiɗ ɗike le. Ngwas ɗik Elizabete, a sa yuw mangal mizile, kisa caŋ slimiɗe Zaŋ.

Ɓimezle ngi Yesu Kristu LUK mitil di mi 1:19

Modro a mbiɗaŋ di: «Yi Gabriyel, yi ro deŋ a mbuŋ Buymisemuŋ. A slinoko ya ngi ɓuw ɓi, yo ɓa i suw ti ɓi mezle hana.

Ɓimezle ngi Yesu Kristu LUK mitil di mi 1:30

Modro tuwa a ɓaŋ: «Ki zluwun ta Mariya, asi Buymisemuŋ a guw mezle le.

Ɓimezle ngi Yesu Kristu LUK mitil di mi 2:11

Puraka, a yukum Milahavu le ngadana, angi walahay ngi Daviti. I Buy Kristu.

Ɓimezle ngi Yesu Kristu LUK mitil di mi 24:47

Waɗ ma na, ɓi ngi mbiɗi mevel ati ɓi ngi puya mungra na, anja sey a tilam di mi avu sukwi ngi mizli gar, a ɗuvaka virzi naŋ a Zeruzalem.

Ɓimezle ngi Yesu Kristu LUK mitil di mi 8:1

A dirba nah, Yesu a bula walahay madiɗahay ati prokoy gar, ara til mi, yo ara ɓi Ɓimezle ngi Zumabuy ngi Buymisemuŋ. Naŋ ati mizli ngi seˀe mukuruˀ nga cuwoyo.

SLRA 13:32

«Ndra ya kwana, i tulukum mi ti Ɓimezle hana. I ɓi Buymisemuŋ miɓa ɗaˀ le da dideˀ ndrahay zleˀe.

ROMAHAY 10:15

Da a slinam mizli ta si na, a sa tilam di mi mbri mbri zleˀe ka? Yo a tohoko ma na: «Mizli masoko tilam mi ti Ɓimezle na, mukuy kanah, i mike?»

EFESEY 3:8

Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.

KOLOSOY 1:23

Amma so na, kum mitiɓam na, anja ki cicam kuykuy, zlak gidaŋ gidaŋ, anja ki pulaka vu kum, ki kiraham kileŋ avu njaha hiri angi Ɓimezle, kum micinaka na ta. Ɓimezle mitilam di mi da mizli asi gazlavay kurzluˀ gar na, ya Polo, i tiri le yi mbur migi slra nah.