Ɓimezle ngi Yesu Kristu LUK mitil di mi 16:9 - Bible en langue guiziga

⁹ Yesu a ɓi ma: «Yi ɓukum na: Dala magi gilaw da mbur haɗa na, jam di ngama ati mizli. Da zlili kum a kiɗ mi le kwana, naɓa ngama kumoy a sa tuɓukum ar li cifi ngi sete.

Ɓimezle ngi Yesu Kristu LUK mitil di mi 16:9 ပူးပေါင်းရင်းမြစ်များ

MIKUCUWULOY 14:24

Misi sinmijileŋŋeheye, zlili i loppol ngi hirnga taŋ, amma mijijigwiɗeye, gwat taŋ i gilaw na si.

MIKUCUWULOY 19:17

Mbur mapura ircece da mbur muvuso na, a vul di i duvus da Bumbulvuŋ masa wurkaŋ di.

MIKUCUWULOY 23:5

Hiri ɗik a ɗuv anga kuy kuy t'aruŋ si na, a susuyum le. Asi zlili a si na ɗiya kirpasl avu vu naŋ le. A slikiɗ nga muŋ kaɓa krom.

TILA MI 11:1

Slin ti gwat ngi si haŋ ɗike, nga hirnga yam,. asi neˀ nga mbuŋ na, kisa luuma a muŋ.

EZAYI 57:16

Y'anta mbiɗa hirnga da mburo ngi caˀa ta, y'anta ji mevel ngi wãˀ ta, da kine zleˀe ta na, naɓa mizli ati gwat misi titirihey, ya miga taŋ na, a sa zizaka siifa taŋ a mbuŋ ɗu.

DANIYEL 4:27

Buy a zla, a ɓi: «Puraka, hana i Babiloŋ, walahay madiɗa, ya mindira ti gidaŋ ɗu, kaɓa mamay ngi buy. Hana a biga le ya gidaŋ, yo yi buy misi dudoko.»

Matiye 19:21

Yesu a ɓaŋ: «Da ki wuɗ le ɓa ɓi a kic avu ka ta na, a ru, hiɗika gwat ɗikey gar avra, vula dala nah da misi murgahay, ɓa kisa lum zlili ngi muŋ. A dirba nah, so sipiy so!»

Matiye 6:19

«Anja ki cikilam zlili a ruwuy misenna ta, vur a ruwuyo, tiler a zumaŋ, li mileleŋ a nduvaŋ, muhuloy kwana, a slinaka haya, a hulokoŋ.

Matiye 6:24

«Ko mbur purla magi gawla ngi buyoy cuw gu anta. Malla a sa hirsa numuŋ, a sa wuɗ mekeleme, malla ta na, a sa gumbuˀ ng'avi pal numuŋ, a sa zirɗa mi ngi mekeleme. Bumbulvuŋ ati zlili, ki cifam gawla taŋ cuw taŋ gu ta.

Ɓimezle ngi Yesu Kristu LUK mitil di mi 11:41

Zuwen vulam gwat ngi huroˀohoy da misi murgahaya jaka, ɓa gwat gar a sa tiri i miɗiya le avu kumo.

Ɓimezle ngi Yesu Kristu LUK mitil di mi 12:33

Hiɗikaka gwat kumoy avra, vulaka dala nah da misi murgahay. Tufam birtete mangiram tahay, cikilam zlili mahiryi ta wãˀ a muŋ. Ko muhul a ndil a diga gu ta, ko tiler a hirya gu ta.

Ɓimezle ngi Yesu Kristu LUK mitil di mi 14:14

Dar kisa mumul, asi gwat taŋ anta ɓa a sa wurkukuw di ta. Naŋ kine, Buymisemuŋ a sa wurkuw di tapas mizli mijeŋŋehey masa slikiɗam ti wuzla mumucahay.»

Ɓimezle ngi Yesu Kristu LUK mitil di mi 16:11

Dala magi gilaw da mburo, da ki ndilaka ɓa a pulukum di asi haŋ kumo ngi gi slra ta na, masa pulukum zlili migisiŋ, i waka?

Ɓimezle ngi Yesu Kristu LUK mitil di mi 16:13

Gawla pal magi slra gu vur buyoy cuw anta. Asi a sa hiris pal, a sa wuɗa mekeleme. Malla ta na, a sa gumbuˀ ng'avu pal numuŋ, a sa zirɗa mi ngi mekeleme. Buymisemuŋ ati dala na, ki gam gawla taŋ cuw taŋ gu ta.»

Ɓimezle ngi Yesu Kristu LUK mitil di mi 16:4

Ɗagay, yi si na gwat ya masa ga le muduba! Ko da a bikiy le tir slra ɗu kwana, naɓa mizli masa tiɓikiy ngi hay taŋhay ada.›

SLRA 10:31

Joˀ a ɓiy: ‹Korney, Buymisemuŋ a cine diradibiɗ ɗike le, yo a ro keŋŋe ti gimezle ɗik da misi murgahay na.

SLRA 10:4

Korney a ɗuva hiri taˀ angaŋ, zluwun ara gaŋ, a mbiɗaŋ di: «I mi migi ka Bumbulvuŋ? Modro ngi Bumbulvuŋ a ɓaŋ: «Diradibiɗ ɗik ati gimezle ɗik da misi murgahay na, Buymisemuŋ a tiɓa le.

KORENTIHEY MUCUW NAŊ 4:17

Vur bonoy mikefek mazik ta, ndra masaka hana na, ara ɗiya ndra gi dudok mihaɗa mazik hã ngi sete, weˀ na, a funa bonoy ndra masaka wurenna le haɗa.

ZUDE 1:21

Cicam ar wuɗavu ngi Buymisemuŋ, kutukoko gimezle ngi Buy ndra Yesu Kristu masa vulukum siifa ngi set na.