Ɓimezle ngi Yesu Kristu LUK mitil di mi 15:5 - Bible en langue guiziga

⁵ Da naŋ mulumo di le na, a mumul, a zuɓo di lap a gagalaˀay.

Ɓimezle ngi Yesu Kristu LUK mitil di mi 15:5 ပူးပေါင်းရင်းမြစ်များ

EZAYI 62:12

A sa zilika taŋ ‹mizli muvuku vu taŋ›, ‹Mizli Bumbulvuŋ mumbuɗo hirnga taŋ le›, yo a sa zulukuw ka Zeruzaleme ‹walahay muwuna le›, anta i ‹walahay mupula le fuk› mata.

EZAYI 62:5

Naŋ kine, ziri ɗikey a sa zuɓukuw ngi ngwas, kaɓa mangal gawla mazuɓa meketeŋ naŋ. Yo Buymisemuŋ ɗik a sa mumul vur ka, kaɓa mangal gawla mamumul vur meketeŋ naŋ.

EZAYI 63:9

Ti taŋ misi ar bonoy taŋ gar na, ko a slin mbur ti slin nga jina taŋ ta, amma i naŋ vuna ti hirnga naŋ mira laha taŋ. I naŋ ti haŋ naŋ mumbuɗo hirnga taŋ, vur hin gar, diga zlezle na, a jina taŋ le, yo a zuɓa taŋ le gumbuˀ gumbuˀ a haŋ, vur ara wuɗ taŋ, yo ara pura taŋ ircece.

EZEKIYEL 18:23

Ani na, muc ngi mbur migi moˀore vuna, ada ciriy hiri gisiŋ sukwani? Ya Bumbulvuŋ, Buymisemuŋ i ɓukum na: ya mawuɗ na, ɓa mbur misi moˀore a mbiɗa duba da gi gwat naŋhay na, ɓa a ndir ti siifa takwa?

EZEKIYEL 33:11

‹Slikiɗa ɓi ndra ati malambaˀ ndraˀahaya, t'ani hirisl hirisl ar ndra, ndra mamicam na vurˀe, ɓa i sa ndiram ti siifa zleˀe mbri mbrike?› Ɓa taŋ na: Kaɓa ya misi ti siifa gisiŋ na. I wuɗ ɓa mbur misi moˀore a muc ta, amma ɓa a mbiɗa gwat ngi gi naŋ, ɓa a ndir ti siifa jaka. Mbuɗoko hiri, pulaka gi gwat malambaˀ kumoyo. Kum Israyeley, ki wuɗam ɓa sey ki micam cummo na vur mike? I ya Bumbulvuŋ, Buymisemuŋ maɓi.

MISE 5:4

Masa so ti zuy asi ruwuyo i naŋ vuna. Da mizli Asirihey misa coko le asi hirwuy ndra, ara zumaka hay ndraˀahaya na, i sa cicam mijiginey tarnaˀ, waɗ buy ngi mizli dangafaɗa, ɓa a zliram dibiɗ ati taŋ.

MISE 7:18

Buymisemuŋ, ka mapuy mungra, yo ka mapula slikiɗa ɓi ngi mizli ɗikey mindiram ti siifa na, ngi wi ati ka vuna i kuli wanaka? K'anta ki ji mevele ngi wãˀ ta, ka, ki wuɗ di i gi mezle da ndra.

SOFONI 3:17

Bumbulvuŋ Buymisemuŋ ɗike, naŋ da ati ka. N'ada ti gidaŋ naŋ, ti bugawla naŋ. A ra mumul vur ka, naŋ mawuɗ ka na, ara vuluw siifa nawayaŋ. A ra zluzluɓ, yo ara ji salalay vur ka.»

Ɓimezle ngi Yesu Kristu LUK mitil di mi 15:32

Na sukum ɗik hana, a muc le zleˀe, amma n'ani ti siifa, a zizi le zleˀe, yi sa luuma le a muŋ. A zlir le ɓa i gam muguzlum, i mumulom takwa?›»

Ɓimezle ngi Yesu Kristu LUK mitil di mi 15:4

«Da mbur a wuzla kumo, naŋ da ti tumuŋ skat, purla a wuzla taŋ a zizi le na, a pula mizli ngir ngoltir nga ngoltir na mbak a pala, ɓa ara supo mipal mizizi na, sey da naŋ mulumo di le takwa?

Ɓimezle ngi Yesu Kristu LUK mitil di mi 15:6

Yo naŋ mumo le a haya na, a kuso ngama naŋhay ati midigwi naŋhaya, a ɓa taŋ: «Mumulukum bummoˀ, asi tumuŋ ɗu mizizi zleˀe tuwa, yi luuma le!»

Ɓimezle ngi Yesu Kristu LUK mitil di mi 19:9

Dar Yesu a ɓi: «Lih a so le dana ar hay hana. Asi naŋ kwana, i dideˀ ngi Abraham aya.

Ɓimezle ngi Yesu Kristu LUK mitil di mi 23:43

Yesu a mbiɗaŋ di: «Gisiŋ, yi ɓuw na: Dana dana, i sa ra cifam cuwa aciki Buymisemuŋ.»

Ɓimezle ngi Yesu Kristu ZAŊ mitil di mi 15:11

«Ya muɓukum ɓi misenna na, ɓa mumul ɗu a ndir a hur kumo, yo ɓa ki mumulom mumul minjah wãˀ.

EFESEY 2:10

Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

EFESEY 3:7

Ya mitiri gawla ngi tila mi ti Ɓimezle na, mbele gwat Buymisemuŋ muvuliy di asi gimezle naŋ ti biga gidaŋ naŋ na.

TESALONIKEY MUDUMBUŊ NAŊ 1:5

Naŋ kine, Ɓimezle ndra matilam di mi na, i mingiɓi ɗaˀ ɗaˀ tewle kanah ta, amma a biga gidaŋ naŋ le ti jini ngi ˀUf Mipal. Ki sinaka le, gwat mezle ndra migam vur kum a wuzla kumo na, i nah so.

TIMOTE MUCUW NAŊ 2:26

Yo ɓa a sa moko ti lesl taŋ a muŋ, a sa kiraham tivi mazaɓ ngi Satan mija taŋ, yo mitika taŋ ˀay, ɓa a gam gwat naŋ mawuɗo.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

PIYER MUDUMBUŊ NAŊ 1:5

da kum, gidaŋ ngi Buymisemuŋ majiginukum tisi tiɓi kum, ɓa kisa lumam lih migweˀ masa njiko vu angi kiɗa mi ngi hin na.