Ɓimezle ngi Yesu Kristu LUK mitil di mi 15:4 - Bible en langue guiziga

⁴ «Da mbur a wuzla kumo, naŋ da ti tumuŋ skat, purla a wuzla taŋ a zizi le na, a pula mizli ngir ngoltir nga ngoltir na mbak a pala, ɓa ara supo mipal mizizi na, sey da naŋ mulumo di le takwa?

Ɓimezle ngi Yesu Kristu LUK mitil di mi 15:4 ပူးပေါင်းရင်းမြစ်များ

DIMISEY 119:176

I ra liˀi kiŋkiŋ lambaˀ kaɓa tumuŋ miziza le, aru ti supo ya, ya gawla ɗike, asi i puyuk hirnga ti ɓimuɗuva ɗikeye ta.

EZAYI 53:6

Ndra gar zleˀe, zlaɗ lambaˀ kaɓa tumuŋhoy, mbur gar aru ti sipi jiviɗ naŋ, malambaˀ ndra gar migaka na, Bumbulvuŋ a paŋ di nga hirnga naŋ.

ZEREMI 33:13

Ar walahay vay muwãhay, ar walahay ngir mukutukoy, hirwuy vay ngi ruwuyoy, ar hirwuy ngi Benjameŋ, ar prok ngi Zeruzalemey waɗ ar walahay Zudahay na, tumuŋ ati ˀawaya, a sa gam girɗiɗi a mbuŋ mijigin taŋ maslufa taŋ. I Bumbulvuŋ maɓi.

ZEREMI 50:6

Mizli ɗuwoy a tiram tumuŋ mizizahay le zleˀe. Mijigin taŋhay a zizaka taŋ le zleˀe, a laˀam ti taŋ zleˀe a muwãhay. Tumuŋhoy a ram digi a muwãhay, ar li miɗigaray, a sinaka gezleŋ taŋ mata.

EZEKIYEL 34:16

I sa ra supo tumuŋ miziza le, maru ti liˀi kiŋkiŋ lamabaˀa, i sa mo di, mingila sara le, i sa mbizaŋ di, misi jiji, i sa vulaŋ gwat ngi zum, ɓa a slikiɗi. Amma ginew muzlumburahay ati migidaŋ gidaŋhaya, i sa ngizla taŋ. Joˀ i sa jigina tumuŋ ɗuwoyo jeŋŋe ti jiviɗ naŋ.»

EZEKIYEL 34:31

Kum mizli titirahay, kum i tumuŋ ɗuwoy mitaˀ gezleŋ, tumuŋ ngir li zum mezle. Ya kwana, yi Buymisemuŋ kum. I ya Bumbulvuŋ Buymisemuŋ maɓi.»

EZEKIYEL 34:4

Ginew muvusohoy na, ki vulaka taŋ gwat ngi zum ɓa a slikiɗam ta, misi jiji, ki vulakaŋ slalak ta, mingila sara le, ki kufakaŋ di ta, maru digi lambaˀa, ki moko di ta, miziza le, ki supoko ta, amma ki waka taŋ ti gidaŋ, ki gaka taŋ moˀore, waɗ ki guzuvuraka taŋ jaka.

EZEKIYEL 34:8

Kaɓa ya misi ti siifa gisiŋ na! mijigin misi anta tuwa na, mizli a vaka tumuŋ ɗuwoyo lambaˀ, gwat misãmi ngi ɓuhoy gar a jaka taŋ lambaˀ. Mijigin ɗuwoy anta kam slimiɗ neˀ le ar tumuŋ ɗuwoyo ta, mijigin ɗuwoy a jiginam di i hirnga taŋ tehhe a muŋ, ko t'anta jiginaka tumuŋ ɗuwoyo jigan le ta. I ya Bumbulvuŋ, Buymisemuŋ maɓi.

Matiye 12:11

Amma Yesu a mbiɗa taŋ di: «Da mbur a wuzla kumo naŋ da ti tumuŋ pal, da tumuŋ naŋ nah a diɗ le ng'ar vigiɗ tapas sabat na, ara zuɓo di, a bo di ta kwa?

Ɓimezle ngi Yesu Kristu LUK mitil di mi 13:15

Buy Yesu a mbiɗaŋ di: «Kum miɓi mi cuw cuwoy, ko wa gar a wuzla kumo, a pula sla naŋ malla zungu naŋ tir li zumo, ɓa ara vulaŋ yam ti hin ngi sabata takwa?

Ɓimezle ngi Yesu Kristu LUK mitil di mi 15:3

Dar Yesu a wa taŋ ɓi ani:

Ɓimezle ngi Yesu Kristu LUK mitil di mi 19:10

Asi mike na, Mangal ngi mbur a so ngi sipa mizli mizizahay, ɓa a laha taŋ.»

ROMAHAY 2:1

Ka, mbur wanaka gar maɓa mbur mekeleme: «Ki zluɓa le» amma, ka vuna kwana, ki ra gi ka naŋ vuna ya na, a sa pulukuw ngi ɗike teˀ gu mbri mbri aruŋ maka? Kite ki ɓi di i vu ɗik tehhe a muŋ vuna si.

PIYER MUDUMBUŊ NAŊ 2:25

Asi kum zleˀe ka tumuŋ mizizahay, amma wurenna, ki moko le ng'avi mijigin mukutuko musuɗuk kumoyo.