Ɓimezle ngi Yesu Kristu LUK mitil di mi 13:8 - Bible en langue guiziga

⁸ Amma mbur tuwa a mbiɗaŋ di: ‹Kumani, inga pula tumbulumna ɗagay. I sa la virzi naŋ gun, yo i sa paŋ zay gwatay.

Ɓimezle ngi Yesu Kristu LUK mitil di mi 13:8 ပူးပေါင်းရင်းမြစ်များ

DIMISEY 106:23

Buymisemuŋ a juwa le a mevele zleˀe ɓa a ngizla taŋ, amma Moyis, mbur naŋ muwunaŋ tuwa, a cici zlak a mbuŋ naŋ, a tikaŋ, ɓa a mucaŋ mevele, a ngizla taŋ mata.

BI NGI ISRAYELEY 34:9

Dar a ɓi: «Bumbulmuŋ ɗu, da ki ra giy mezle gisiŋ na, ambuh, sawa, kisa ndra. Yi si na le, mizli tayna, hirnga taŋ gidaŋ, amma pula ndra mungra ati malambaˀ ndraˀahaya, yo pura ndra ka mizli ɗikeye!»

ZEREMI 15:1

Bumbulvuŋ a ɓiy: «Da ko Moyis ati Samuyel a boko le dedeŋ a mbuŋ ɗu aka, vur ɓi ngi mizli tayna tekeɗe kwana, y'anta sa cine taŋ di ta na si. Ɓula taŋ a mbuŋ ɗu avra, anja a cohom!

ZEREMI 18:20

Ada maka mezle ti malambaˀa makwa? Taŋ a gunikiy hirnga ɗu le gun gun ti gadaŋhay. Inga wulka keŋ takwa, ya micici a mbuŋ ɗik na, ɓa i cik vu vur taŋ, yo ɓa i tisluw mevel ɗik mufõh fõh ng'ar taŋ na.

ZOWEL 2:17

Masayay ati mizli ngi slra ngi Bumbulvuŋhoyo, ara tuwam ar hay ngi Bumbulvuŋ, ar wala ngi jawleeru ati li gi mikuli. Anja a tumbuloko Bumbulvuŋ, a ɓam: «Bumbulvuŋ, pura ircece da mizli ɗikeye, anja ki pula mizli ɗikeye mesem mesem ta, ɓa sukwi mekelemey a singiram ar taŋ ta, ɓa a ɓam: «Bumbulvuŋ taŋ naŋ amaka?» ta.

Ɓimezle ngi Yesu Kristu LUK mitil di mi 13:7

Dar a ɓa mbur migi slra ngi guva: «Pura, vi ani makir, i ra so pura da i lum yi avu ˀuruf misenna kwana, amma ko y'anta lum ta. Nguma avra! A tika gidaŋ ngi hirwuyo ngi mi aruŋ maka?»

Ɓimezle ngi Yesu Kristu LUK mitil di mi 13:9

Asinta, a sa yi didirba kwani. Da a yi ta ma na, kisa ngumaŋ.›»

Ɓimezle ngi Yesu Kristu LUK mitil di mi 14:35

Naŋ mezle ngi jina hirwuyo mata, ko i ngi pi ar guva mata. Amma a sa tukoko avra. Mbur misi slimiɗ macin na, anja a cin.»

ROMAHAY 10:1

Sukum ɗu misikristuhoy, i ra wuɗ ti mevel ɗu wãˀ, ɓa Yudehey a laham, yo i ra tumbulo Buymisemuŋ vurˀe ma.

ROMAHAY 11:14

I wuluk kanah ɓa yi slikiɗa suloŋ da muy ɗuwoyo, ɓa yi lih cah asi taŋ.

PIYER MUCUW NAŊ 3:9

Mizli mekelemeye, a waka kaɓa Bumbulvuŋ ara mur ngi ga gwat naŋ miɓa ɗaˀ le na. Ĩˀĩ, naŋ anta mur ta. Amma a kutuk di i kum jaka. Anta wuɗ anja mizli mekelemey a zizam ta. Amma a wuɗ ɓa mizli gar, a mbiɗam mevel.