LEVIHEY 9:9 - Bible en langue guiziga

⁹ Ziri naŋhay a bigakaŋ pumbus ngi ginew tuwa, a ca muzuŋ haŋ naŋ ar pumbuso yop, dar a ga da hirnga ngi li gi mikuli muyoŋ yoŋ kaɓa durumoyo, waɗ a mbiɗa is ngi pumbus tuwa pulaˀ ng'asi virzi ngi li gi mikuli.

LEVIHEY 9:9 ပူးပေါင်းရင်းမြစ်များ

EZEKIYEL 43:15

Dum vu ngi li gi mikuli misi liwis anga na, gil naŋ: metir cuw, yo a hirnga naŋ wãˀ ma na, durumoy mufaɗakaˀ kaˀ a mivay naŋhaya.

EZEKIYEL 43:20

Ki sa tiɓa pumbus ngi gusoŋ, kisa ga da durum mumufaɗ ngir mivay ngi li gi mikuli, da mivay ngi sar naŋhay mumufaɗ ngir zlirɗi naŋhaya, waɗ avu mi naŋ miteleŋŋe gun gun na. Ka masa zuɓa dili ngi li gi mikuli avra, yo ka masa tiri di pal na, ti jiviɗ kahana.

LEVIHEY 16:18

a bo tir guɗuko, aru ng'avi li gi mikuli misi a mbuŋ ɗu, ya Bumbulvuŋ, a ga mezegwel ngi vula jiviɗ ngi pula mungra a hirnga li gi mikuli tuwa. A zuɓa pumbus ngi gusoŋ ati ngi bazuwaya, a ga da mivay ngi li gi mikuli muyoŋ yoŋ kaɓa durumoy tuwa gun gun zlar.

LEVIHEY 4:25

Li gi mikuli ngi zluma gwata, mivay naŋhay muyoŋ yoŋ kaɓa durumoyo, masay a ca muzuŋ haŋ yop ar pumbus ngi ginew mikiɗaka ngi gi mikuli ngi pula mungra tuwa, a ga taŋ di njoffo njoffo, waɗ is naŋ sek ng'asi virzi ngi li gi mikuli ngi zluma gwata.

LEVIHEY 4:30

Li gi mikuli ngi zluma gwata, mivay naŋhay muyoŋ yoŋ kaɓa durumoyo, masay a ca muzuŋ haŋ yop ar pumbuso, a ga taŋ di njoffo njoffo, waɗ is naŋ sek ng'asi virzi ngi li gi mikuli.

LEVIHEY 8:15

Moyis a slaˀay ngi gusoŋ, a tiɓa pumbus naŋ. Li gi mikuli, mivay naŋhay muyoŋ yoŋ yoŋ kaɓa durumoyo, Moyis a ca muzuŋ haŋ yop ar pumbuso, a ga taŋ di njoffo njoffo, ɓa ngi bi ti hiryi naŋ avra, waɗ is naŋ sek ng'asi virzi ngi li gi mikuli, a vula da Buymisemuŋ ti gi mezegwel ngi pula mungra.

LEVIHEY 9:10

A ɓi ɓa a wuraka mungul naŋhaya ar li gi mikuli, ɗugur dubahay waɗ guzluzluk ngi mevel ngi ginew vuna torro, kaɓa Bumbulvuŋ muɗuva da Moyise.

LEVIHEY 9:12

Aroŋ a sla ˀay ngi ginew ngi gi mikuli ngi zlum ti zlumo. Ziri naŋhay a tiɓakaŋ pumbus naŋ, a kuca ciki li gi mikuli gun gun zlar ti naŋ.

LEVIHEY 9:18

Gusoŋ ati zlengerek, mizli muvuloko taŋ tuwa, Aroŋ a sla ˀay taŋ ngi gi mikuli ngi ngiɓiˀay. Ziri naŋhay a tiɓakaŋ pumbuso, a kuca ciki li gi mikuli gun gun zlar ti naŋ.

HEBEREY 2:10

Naŋ kine, Buymisemuŋ miga gwatay gar, yo naŋ majaha taŋ gar na, a zlir le ava ɓa a tiri ti Yesu, a sa bonoy naŋ na, ko gwat makic neˀ anga, anta wãˀ, ɓa aru ti ziri haɗi nga lum dudok naŋ na ya. Asi mabiga taŋ jiviɗ ngi lih, i naŋ.