LEVIHEY 9:3 - Bible en langue guiziga

³ A dirba nah na, kisa ɓa Israyeleye na: ‹Jam bazuway ngi gi mikuli ngi pula mungra, yo zuŋ sla waɗ zuŋ tumuŋ ngi vi pal palay, taŋ cuw taŋ manja hereweɗ avu taŋ, ɓa ngi gi mikuli mizlam zlam wãˀ,

LEVIHEY 9:3 ပူးပေါင်းရင်းမြစ်များ

ZLI VIRZI 37:31

A zuɓaka zana ngi Zozefe, a slam ˀay ngi bazuway, a juguɓoko zana tuwa jugoɓ ar pumbuso.

ESDRAS 10:19

A ɓam ɗaˀ ɗaˀ ti hudum, ɓa a ɓulaka ngwas taŋhaya, yo ɓa a vulam zlengerek pal ngi gi mikuli ngi ɗiya ɓi ngi mungra taŋ.

ESDRAS 6:17

Taŋ muvulam ngi gi mikuli ngi muguzlum ngi vula hay nah da Buymisemuŋ na, i gusoŋ skat, zlengerek skat skat cuw, ziri tumuŋhoy skat skat mufaɗa, yo vur mungra ngi Israyel gar na, bazuway kuruˀ nga cuw, tiɗeˀe a hirnga sukwi Israyel gar.

BI NGI ISRAYELEY 12:5

Ki sa wuɗam gwat mizile ngi vi pal, zuŋ tumuŋ malla zuŋ ˀaw misi hereweɗ anta ava neˀ ta.

EZAYI 53:10

Bumbulvuŋ a wuɗ ɓa a kutaŋ kanah ti bonoyo. Naŋ muvula vu naŋ ngi gi mikuli ngi ɗiya ɓi na, a sa pura dideˀ naŋhaya, hin ngi siifa naŋ a sa giɗ nga mbuŋ, naɓa gwat Bumbulvuŋ muwuɗ na, a sa gaŋ.

LEVIHEY 10:16

Bazuway, mizli muvulaka ngi gi mikuli ngi pula mungra tuwa, Moyis a cine na, a fukoko le. Moyis a ji mevel ar Elazar ati Itamar, ziri ngi Aroŋhoy mindiram tuwa. Joˀ a cufuɗa taŋ:

LEVIHEY 12:6

«Da hin ngi medevle naŋ mikiɗ mi le na, da i mangal mizile malla i zuŋ mongoso kwana, a so ti zuŋ tumuŋ ngi vi pal da masaya, nga mizlingre guɗuk ngi zlir ti ya Buymisemuŋ, ɓa ngi gi gi mikuli mizlam zlam wãˀ, waɗ ɗiyuw dirgwaɗ purla malla gonok purla, ɓa ngi gi di mikuli ngi pula mungra.

LEVIHEY 14:10

Angi hin mindangafaɗ naŋ na, a ji ziri tumuŋhoy cuw, manja hereweɗ avu taŋ, yo tumuŋ mongoso pal ngi vi purla, manja hereweɗ ava, a vul hapa kilo ngoltir, fukaɗ fukaɗ ti mal, waɗ mal reta litir.

LEVIHEY 16:15

Akẽh na, a slaˀay ngi bazuway ngi gi mikuli ngi pula mungra ngi mizli, aru ti pumbus naŋ nga duba zana minjar tuwa, waɗ a gi ti pumbus ngi bazuway hana kaɓa naŋ mi gi ti ngi gusoŋ tuwa ma, a kuca a hirnga mi ngi akoti ngi jumoˀaya waɗ ti mbuŋ naŋ.

LEVIHEY 16:5

Israyeley jom gar taŋ, a vulakaŋ bazuwayay cuw, hĩˀĩ ngi gi mikuli ngi pula mungra, waɗ zlengerek purla ngi gi mikuli mizlam zlam wãˀ.

LEVIHEY 23:12

Tapas kum masa gaka mezegwel ti maslapa tuwa na, kisa gam mikuli mizlam zlam wãˀ da ya Bumbulvuŋ ti zuŋ tumuŋ ngi vi purla, manja hereweɗ ava,

LEVIHEY 4:23

Da a bigakaŋ mungra naŋ miga nah le na, sey a so di ngi vul da ya Bumbulvuŋ i bazuway manja hereweɗ ava.

LEVIHEY 4:3

da i masay madiɗa miga mungra nah, yo mungra nah a tiri ti mizli le gar i migi malambaˀhay na, sey a so di da ya Bumbulvuŋ i gusoŋ manja hereweɗ ava ngi gi mikuli ngi pula mungra.

LEVIHEY 9:2

Moyis tuwa, a ɓa Aroŋ na: «Ji zuŋ sla ngi gi mikuli ngi pula mungra, waɗ zlengerek ngi zlum zlam zlam, taŋ cuw taŋ manja hereweɗ avu taŋ, yo ɓa ki biga taŋ a mbuŋ Bumbulvuŋ.

LEVIHEY 9:4

gusoŋ waɗ zlengerek ngi gi mikuli da Bumbulvuŋ ɓa ngi ngiɓiˀay, waɗ hapa ngi vul mufukuɗa ti mal. Asi mike na, Bumbulvuŋ a sa bugukum vu dana.›»

ROMAHAY 8:3

Gwat ɓimujuwa ngi Moyis maga gu ta, asi kpak ngi vu ngi mbur mavuso na, Buymisemuŋ a ga le, a ga kiita le da mungra misi avu kpak ngi vu ngi mburo, ti naŋ mislino Mangal nga naŋ na. Mangala, naŋ ti kpak ngi vu mupurla ati ngi ndra magam di mungra na. A so ɓa ngi zuɓa mungra avra,

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.

ƁIMUNJUYO 5:9

A zlam dimis nawaya ani: «Ki ndila le ter ngi tiɓa ɗerewolo, ɓa ngi turo sluruɓoyo. Asi a kuɗukuw le vagay zleˀe, yo ki mbiɗa hirnga ngi mizli le ti pumbus ɗiki, ɓa a ndiram da Buymisemuŋ. Mizli muboko tisi sukwi mitaˀ taˀ gar, maɓam mi wal wal ngi wuzla mizli, waɗ ngi wuzla sukwi ngi ruwuy gar.