LEVIHEY 8:7 - Bible en langue guiziga

⁷ A ka jibe da Aroŋ, a juwaŋ kanda hirlak, a kaŋ dawra ati jampa ɓaˀ a hirnga naŋ, waɗ a juwaŋ di hirlak ti zeweɗ ngi jampa vuna.

LEVIHEY 8:7 ပူးပေါင်းရင်းမြစ်များ

BI NGI ISRAYELEY 28:2

Ki sa tufa zana ngi mezegwel da sukum ɗik Aroŋ, ɓa ngi bigi dudok ati wuya.

BI NGI ISRAYELEY 28:4

Zanahay masa tufaka taŋ, t'ani: jiiba ngi didak, jampa, jibe, dawra midira le ti gugumay, loppol waɗ kanda. A sa tufaka da sukum ɗik Aroŋ ati ziri naŋhaya, i zana ngi mezegwel, ɓa a gikiy mikuli ti taŋ ɓaˀ ɓaˀ avu vu.

BI NGI ISRAYELEY 28:6

«A sa tufaka jampa ti gugumay mislirkeɗ lahaɗ ti ngwic ngi tumuŋ munduva wit wit, cihhe, gagaza ndezze, waɗ dar dar ti gugumay ngi ɓiri tapasl tapasl.

BI NGI ISRAYELEY 29:5

A dirba nah, kisa hila zanahaya, kisa ka taŋ da Aroŋ: dawra, jibe maka ka jampa a hirnga naŋ, jampa waɗ jiiba ngi didak, joˀ ki hirzliga zeweɗ ngi jampa.

EZAYI 61:10

I ra mumul haɗa, haˀaw i ra mumul vur Bumbulvuŋ. Membezleŋ ngi vu ɗu ara zluzluɓ vur Buymisemuŋ ɗu. Asi naŋ milihiy na, a kiy di i zana avu vu, naŋ micifi bugawla na, a sirtiy di i godo. Ya mamumul na, kaɓa gawla muzuɓ ngwas, mutuwuɗa hirnga le ti loppol ngi muguzlum, yo kaɓa meketeŋ ngi mbur miɗiya vu le ti gwat ngi wuya naŋhay.

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

EZEKIYEL 42:14

Masayay micam le ng'ar li mipal tuwa na, t'anta bam put kine nga wazlaray ngi vra ta, amma zana taŋhay, taŋ magam taŋ slra na, a paka taŋ a diga, asi zana tayna taŋ pal. A kam zana mekelemey, a bam zuy ng'ar li mihĩˀĩ ngi mizli gar muduba so.»

ROMAHAY 13:14

Amma kaka Buy Yesu Kristu avu vu kumo, yo gwat ngi kiɗa may da kpak ngi vu kum na, anja ki pulakaŋ vu ta.

ROMAHAY 3:22

Buymisemuŋ a ɗiya mizli jeŋŋe asi taŋ mitiɓaka Yesu Kristu. A ɗiyi di i mizli matiɓaka Kristu gar, asi mizli gar, taŋ rak rak a mihiri ngi Buymisemuŋ.

GALATAY 3:27

Haˀaw, kum micam ar yam gar asi kum mujom ati Kristu na, kite ki kaka Kristu le avu vu.

SAMUYEL MUDUMBUŊ NAŊ 2:28

A wuzla Israyeley gar na, yi wunaˀ dideˀ ɗik Aroŋ le ɓa a tiri masay ɗu, ɓa a jiɗ ng'ar li gi mikuli, ɓa ngi wura urdi, ɓa a ka jampa ngi mezegwel a mbuŋ ɗu. Waɗ ma na mikuli Israyeley magaka gar na, yi vula le da muy ɗike.