LEVIHEY 8:30 - Bible en langue guiziga

³⁰ Mal ngi vula slra waɗ pumbus misi angi li gi mikuli tuwa, Moyis a zuɓa taŋ, a kuca da Aroŋ waɗ da zana naŋhaya. Yo a kuca da ziri ngi Aroŋhoy waɗ da zana taŋhaya ma. Naŋ mitiri ti Aroŋ ati zana naŋhaya, ziri ngi Aroŋhoy ati zana taŋhaya, ɓa a ndiram da Buymisemuŋ na, naŋ kahana so.

LEVIHEY 8:30 ပူးပေါင်းရင်းမြစ်များ

BI NGI ISRAYELEY 28:2

Ki sa tufa zana ngi mezegwel da sukum ɗik Aroŋ, ɓa ngi bigi dudok ati wuya.

BI NGI ISRAYELEY 29:21

Ki sa wuɗ pumbus misi ar li gi mikuli neˀ waɗ mal ngi vula slra, dar ki kuca da Aroŋ waɗ da zana naŋhay, yo da ziri naŋhay ati zana taŋhaya. Naŋ kine, Aroŋ ati zana naŋhaya, a tiram ngi Buymisemuŋhoy le, yo ziri naŋhay ati zana taŋhay a tiram ngi Buymisemuŋhoy le.

BI NGI ISRAYELEY 30:30

Ki sa pa mal nah da Aroŋ ati ziri naŋhay aya. Ki sa tiri taŋ nga yahay ɓa a gikiy mikuli.

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

LEVIHEY 10:3

Moyis a ɓa Aroŋ na: «Bumbulvuŋ a ɓa le ngbaŋ takwa! A ɓi na: ‹Mizli makirohoko ng'avi ya na, anja a purikiy, ya pal, yo a mihiri ngi mizli gar na, yi wuɗ anja a gikiy dudok.›» Aroŋ a ndir lek.

LEVIHEY 7:35

Zle tapas mucufaka Aroŋ ati ziri naŋhaya le ngi gi gwat ngi zum mizlam zlam wãˀ da ya Bumbulvuŋ vuna si na, mi nga taŋ, i nah so.

LEVIHEY 7:36

I mi nga taŋ, ya Bumbulvuŋ muwuɗ ɓa Israyeley a vulaka taŋ di, zle tapas naŋ misa pa taŋ mal ngi vula sla le vuna si. Hana i ɓimujuwa mandir caˀa kine vur taŋ hã ngi sete.»

LEVIHEY 8:12

A pa mal ngi vula slra tuwa pulaˀa nga hirnga Aroŋ, ɓa a tiri di mbur ngi Buymisemuŋ.

SLUFA VU 3:3

Ziri ngi Aroŋhoy i taŋ, a cam taŋ masayay le, yo a zlaka slra taŋ le.

HEBEREY 2:11

Asi mike na, Yesu, naŋ mbur migi mikuli a mbuŋ Buymisemuŋ ati mizli, naŋ muvula taŋ le da Buymisemuŋ vuna na, taŋ gar a boko ti vu Cine purla. Vurˀe, naŋ anta gi mesem ngi zila taŋ sukum naŋhaya ta.

PIYER MUDUMBUŊ NAŊ 1:2

Cine ndra Buymisemuŋ muwunukum kaɓa naŋ miɗiya jiviɗ naŋ zleˀe si na, tisi ˀUf Mipal, ɓa ki cinaka mi da Yesu Kristu, yo ɓa pumbus naŋ a bunukum. Anja Buymisemuŋ a gukum mezle, a vulukum zuy haɗa haɗa.

ZAŊ MUDUMBUŊ NAŊ 2:27

Amma kumo, ˀUf Kristu muvulukum di na, naŋ da a hur kumo. Kum anta ti may ngi mbur ngi dubunukum gwat ta. Vur mike na, ˀUf Mipala, gwat gar, naŋ madubunukum di na, naŋ jeŋŋe, ko slir anta anga ta. Ndiram jom ati ˀUf Mipala so. Asi mike na, a dubunukum gwat le.

ƁIMUNJUYO 7:14

Yi mbiɗaŋ di: «Buy ɗu, misina, i ka!» Dar a ɓiy: «Taŋ i mizli mucohoko baɗ tir bonoy madidiɗa. A bunaka jibe taŋhaya le, yo a pusluɗaka taŋ le angi pumbus ngi tumuŋ.