LEVIHEY 8:23 - Bible en langue guiziga

²³ Moyis a slaˀay naŋ, a tiɓa pumbus naŋ, a ga avu mukutuk ngi slimiɗ vay hazum ngi Aroŋ, avu muzuŋ haŋ naŋ madiɗa vay hazum waɗ avu muzuŋ sar madiɗa vay hazumo ma.

LEVIHEY 8:23 ပူးပေါင်းရင်းမြစ်များ

BI NGI ISRAYELEY 29:20

Ki sa sla ˀay ngi zlengereke, ki tiɓa pumbus naŋ, ki sõhõ da Aroŋ avu mukutuk ngi slimiɗ naŋ vay hazum, waɗ mukutuk ngi slimiɗ ngi ziri naŋhaya, kisa sõhõ taŋ di avu muzuŋ haŋ taŋ madiɗa, vay hazum, avu muzuŋ sar taŋ madiɗa vay hazum. A dirba nah, kisa kuca pumbus da li gi mikuli gun gun zlar.

BI NGI ISRAYELEY 29:21

Ki sa wuɗ pumbus misi ar li gi mikuli neˀ waɗ mal ngi vula slra, dar ki kuca da Aroŋ waɗ da zana naŋhay, yo da ziri naŋhay ati zana taŋhaya. Naŋ kine, Aroŋ ati zana naŋhaya, a tiram ngi Buymisemuŋhoy le, yo ziri naŋhay ati zana taŋhay a tiram ngi Buymisemuŋhoy le.

LEVIHEY 14:14

Mikuli ngi ɗiya ɓi tuwa na, masay a wuɗ pumbus naŋ, waɗ a ga da mbur miɗiyi tuwa, avu melewer ngi slimiɗ naŋ vay hazum, yo avu muzuŋ haŋ naŋ madiɗa vay hazum, waɗ avu muzuŋ sar naŋ madiɗa vay hazumo ma.

LEVIHEY 14:17

Masaya, is ngi mal misi a hur a haŋ naŋ tuwa na, a ga da mbur miɗiyi tuwa avu melewer ngi slimiɗ naŋ vay hazumo, yo avu muzuŋ haŋ naŋ madiɗa vay hazum waɗ avu muzuŋ sar naŋ madiɗa vay hazumo ma, jirngasl nga hirnga pumbus ngi tumuŋ ngi gi mikuli ngi ɗiya ɓi tuwa.

LEVIHEY 14:25

Zuŋ tumuŋ ngi ɗiya ɓi tuwa na, mbur migi mikuli a sla ˀay naŋ, a wuɗ pumbus naŋ neˀ, dar a ga da mbur maɗiyi tuwa, avu melewer ngi slimiɗ naŋ vay hazumo, yo avu muzuŋ haŋ naŋ madiɗa vay hazum waɗ avu muzuŋ sar naŋ madiɗa vay hazumo ma.

LEVIHEY 14:28

Masay a ga mal misi a hur haŋ naŋ tuwa, da mbur miɗiyi tuwa avu melewer ngi slimiɗ naŋ vay hazum, yo avu muzuŋ haŋ naŋ madiɗa vay hazum, waɗ avu muzuŋ sar naŋ madiɗa vay hazumo ma, jirngasl nga hirnga pumbus ngi tumuŋ, naŋ migaŋ di ngi gi mikuli ngi ɗiya ɓi tuwa.

LEVIHEY 7:37

Hana i mezegwel ngi mikuli mizlam zlam wãˀ, mezegwel ngi gi ti gwat ngi migamay, mezegwel ngi pula mungra, mezegwel ngi ɗiya ɓi, mezegwel ngi ci masay ar slra waɗ mezegwel ngi mikuli ngi ngiɓiˀay.

ROMAHAY 12:1

Sukum ɗu misikristuhoy, ambuh ambuh kum ti slimiɗ ngi Buymisemuŋ mapur ˀircece haɗa na so, ɓa ki vulakaŋ vu kumo wãˀ ti haŋ kumo, kaɓa gwat misi titiri ngi gi mikuli a mbuŋ Buymisemuŋ, mihĩˀĩ da Buymisemuŋ, maciraŋ hiri. Dilik kum mikaslsla ti jiviɗ naŋ a mbuŋ Buymisemuŋ, i nah so.

ROMAHAY 6:13

Hirzlik ngi dumvu kumoy na, anja ki gam taŋ slra ngi mungra kaɓa gwat ngi vurum ngi gi gwat mijeŋ ta na mata. Amma hirzlik kumoyo, taŋ kaɓa gwat ngi vurum ngi gi gwat mijeŋŋehey, yo kaɓa mizli misi ti siifahay mislikiɗam le ti wuzla mumucahay.

ROMAHAY 6:19

Ya maɓi ani ka mbur titra na, asi hĩhĩy ngi vu kum. Zleˀe na, ki pulaka dumvu kumo le ka beke ngi gi slra ngi dili ati gwat mibiyãˀ biyãˀ lambaˀ maga mburo, ɓa a slikiɗ ɓi avu Buymisemuŋ. Wurenna, pulaka vu kumo wãˀ ka beke ngi gi gwat mijeŋŋe, macira hiri da Buymisemuŋ.

KORENTIHEY MUDUMBUŊ 1:2

da Cikil ngi misikristu misi a Korenti, yo waɗ da mizli mitiram mitiɓihey, asi taŋ mujom ati Yesu Kristu na. Buymisemuŋ a zila taŋ le ɓa a tiram mizli naŋhay. Mizli gar mandiram zlak ko amaka gar ti zila slimiɗ ngi Buy ndra Yesu Kristu, i Buy taŋ, yo i Buy ndra ya.

KORENTIHEY MUDUMBUŊ 1:30

Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.

KORENTIHEY MUDUMBUŊ 6:20

Buymisemuŋ a wuruk le ngi mbiɗa hirnga kumo, gaka dudok da Buymisemuŋ ti dumvu kumo so.

FILIPIHEY 1:20

Asi mike na, ya makutuk ti yam ar gojogoɗ, yo ya manjih hiri gar na, y'anta sa pi mesem ta wãˀ. Amma wurenna ati nga mbuŋ gar na, y'anta zluwun ko neˀ ta wãˀ. Ko da ya ti siifa malla ko da ya mumuc le kwana, mizli a sa puraka dudok ngi Kristu avu dumvu ɗu.

FILIPIHEY 2:17

Na, da sey pumbus ɗu a sa pi, ka gwat ngi pusl a mikuli asi slra vur tiɓi kum na tekeɗe kwana, haˀaw, a ciriy hiri, yo i sa mumulom bumoˀ gar ndra.

TESALONIKEY MUDUMBUŊ NAŊ 5:22

Kiraham kileŋ tivi ɓi malambaˀ ko wanaka gar.

HEBEREY 2:10

Naŋ kine, Buymisemuŋ miga gwatay gar, yo naŋ majaha taŋ gar na, a zlir le ava ɓa a tiri ti Yesu, a sa bonoy naŋ na, ko gwat makic neˀ anga, anta wãˀ, ɓa aru ti ziri haɗi nga lum dudok naŋ na ya. Asi mabiga taŋ jiviɗ ngi lih, i naŋ.

HEBEREY 5:8

I Mangal ngi Buymisemuŋ ngbaŋ, ko ti nah gar kwana, a sirka cinami le ti bonoy naŋ misa gar.