LEVIHEY 8:14 - Bible en langue guiziga

¹⁴ A ɓa mizli, a kirohoko gusoŋ ngi gi mikuli ngi pula mungra. Aroŋ ati ziri naŋhay a bucaka haŋ a hirnga gusoŋ tuwa.

LEVIHEY 8:14 ပူးပေါင်းရင်းမြစ်များ

DIMISEY 66:15

I guw mikuli mizlam zlam ti ginew misi malay, waɗ zlengerekey mazlumam, ɓa cunju taŋ a jiɗ ng'avi ka. I ra wi vu ti gusoŋ waɗ mazawalay.

EZAYI 53:10

Bumbulvuŋ a wuɗ ɓa a kutaŋ kanah ti bonoyo. Naŋ muvula vu naŋ ngi gi mikuli ngi ɗiya ɓi na, a sa pura dideˀ naŋhaya, hin ngi siifa naŋ a sa giɗ nga mbuŋ, naɓa gwat Bumbulvuŋ muwuɗ na, a sa gaŋ.

EZEKIYEL 43:19

Levi masayay angi tizer ngi Sadok, masoko nga mbuŋ ɗu ngi giy mezegwel na, kisa vula taŋ gusoŋ ngi gi mikuli vur mungra. I ya Bumbulvuŋ, Buymisemuŋ maɓi.

EZEKIYEL 43:20

Ki sa tiɓa pumbus ngi gusoŋ, kisa ga da durum mumufaɗ ngir mivay ngi li gi mikuli, da mivay ngi sar naŋhay mumufaɗ ngir zlirɗi naŋhaya, waɗ avu mi naŋ miteleŋŋe gun gun na. Ka masa zuɓa dili ngi li gi mikuli avra, yo ka masa tiri di pal na, ti jiviɗ kahana.

EZEKIYEL 44:27

Waɗ so na, tapas naŋ misa ci le nga gi slra ar hay ngi Bumbulvuŋ, a wazlaray ngi huroˀo na, a sa gi mikuli vur mungra ngi hirnga naŋ kwaɗay. I ya Bumbulvuŋ Buymisemuŋ maɓi.

LEVIHEY 1:4

Mbur tuwa, a buca haŋ bac a hirnga ginewe, ginew nah na, kite i mitiɓa le ti haŋ mbur muso di ngi gi mezegwel ngi vula jiviɗ ngi pula mungra.

LEVIHEY 16:21

Aroŋ a pa haŋhaya sek a hirnga bazuway misi titiri tuwa. Akẽh na, malambaˀ ngi Israyeley gar, slikiɗa ɓi taŋ, mbiɗeˀvra, mungra taŋ migaka gar na, Aroŋ a slufa taŋ nga hirnga bazuwaya, ɓa a jijira taŋ. A dirba nah, a ɓa mbur muwuna hĩˀĩ, ɓa a ɓula nga wuzlaɓuh mikirɗak kirɗaka.

LEVIHEY 16:6

Akẽh na, Aroŋ a vul gusoŋ hĩˀĩ ngi gi mikuli ngi pula mungra ngi hirnga naŋ, yo a ga mezegwel ngi vula jiviɗ ngi pula mungra nga naŋ vuna waɗ ngi mizli ngi hay naŋhaya.

LEVIHEY 4:15

Micawwa ngi wuzla mizli a bucaka haŋ a hirnga gusoŋ a mbuŋ ɗu. Joˀ a slaka ˀay naŋ daˀ a mbuŋ ɗu.

LEVIHEY 8:2

«Zila Aroŋ ati ziri naŋhaya, hila zana ngi mezegweleye, zuɓa mal ngi vula slra, ji gusoŋ ngi gi mikuli ngi pula mungra ati zlengerekey cuw, waɗ kiɗgil misi ɗaf manja ˀis araŋ.

SLUFA VU 8:12

Leviheye kwana, a sa paka haŋ taŋhay a hirnga gusoŋ mucuwoy na. Aroŋ a zuɓ gusoŋ pal, a gi di mikuli ngi puya mungra, waɗ pal numuŋ, a gi di mikuli mizlam zlam wãˀ. A dirba nah, a sa ga mezegwel a hirnga leviheye ngi pula taŋ mungraˀahaya.

ROMAHAY 8:3

Gwat ɓimujuwa ngi Moyis maga gu ta, asi kpak ngi vu ngi mbur mavuso na, Buymisemuŋ a ga le, a ga kiita le da mungra misi avu kpak ngi vu ngi mburo, ti naŋ mislino Mangal nga naŋ na. Mangala, naŋ ti kpak ngi vu mupurla ati ngi ndra magam di mungra na. A so ɓa ngi zuɓa mungra avra,

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.